ఇండియన్ ప్రీమియర్ లీగ్లో అత్యంత ప్రేక్షకాదరణ కలిగిన జట్లలో రాయల్ ఛాలెంజర్స్ బెంగళూరు ఒకటి. టీమ్ నిండా స్టార్ ప్లేయర్లు ఉండటంతో ఆ ఫ్రాంచైజీకి భారీ ఫ్యాన్ బేస్ ఉంది. బెంగళూరు గెలిచినా, ఓడినా వెన్నంటే ఉండే అభిమానులు భారీ సంఖ్యలో ఉన్నారు. ఆర్సీబీ మ్యాచ్ అంటే ఎక్కడైనా సరే.. స్టేడియం నిండిపోవాల్సిందే. వరల్డ్ టాప్ ప్లేయర్ విరాట్ కోహ్లీ ఈ జట్టులో ఉండటంతో ఆర్సీబీకి ఫ్యాన్ ఫాలోయింగ్ ఒక రేంజ్లో ఉంది. అతడితో పాటు మరికొందరు స్టార్లు తమ అద్భుతమైన ఆటతీరుతో ఆర్సీబీకి క్రేజ్ తీసుకొచ్చారు. అయితే కప్ను అందించడంలో మాత్రం ఫెయిల్ అవుతున్నారు.
ఇప్పటిదాకా జరిగిన ఐపీఎల్ పదహారు సీజన్లలో ఒక్కసారి కూడా ఆర్సీబీ ట్రోఫీని దక్కించుకోలేదు. 2009, 2011 సీజన్లలో మాత్రం రన్నరప్గా నిలిచింది. ఈ ఏడాది ప్లేఆఫ్స్కు చేరకుండానే నిష్క్రమించింది బెంగళూరు. ఈ నేపథ్యంలో ఐపీఎల్-2024కు ముందు ఆర్సీబీ యాజమాన్యం కీలక నిర్ణయం తీసుకుంది. తమ టీమ్ నూతన హెడ్ కోచ్గా జింబాబ్వే మాజీ కెప్టెన్ ఆండీ ఫ్లవర్ను ఎంపిక చేసింది. ఇప్పటిదాకా హెడ్ కోచ్గా కొనసాగిన సంజయ్ బాంగర్ మీద బెంగళూరు వేటు వేసింది. అదే విధంగా తమ టీమ్ డైరెక్టర్ ఆఫ్ క్రికెట్ మైక్ హెస్సన్కూ ఉద్వాసన పలికింది. కొత్త కోచ్ నియామకంపై ఆర్సీబీ ఓ ప్రకటన చేసింది.
ఐసీసీ హాల్ ఆఫ్ ఫేమర్, టీ20 వరల్డ్ కప్ విన్నింగ్ టీమ్కు కోచ్గా పనిచేసిన ఆండీ ఫ్లవర్ను తమ పురుషుల జట్టు ప్రధాన కోచ్గా నియమించామని ట్విట్టర్లో ఒక పోస్ట్ పెట్టింది ఆర్సీబీ. ఆండీ ఫ్లవర్ ఈ బాధ్యతలు స్వీకరించినందుకు చాలా సంతోషంగా ఉందని పేర్కొంది. కాగా, జింబాబ్వే లెజెండరీ ప్లేయర్ అయిన ఆండీ ఫ్లవర్కు దశాబ్దానికి పైగా కోచ్గా పనిచేసిన అనుభవం ఉంది. ఇంటర్నేషనల్ క్రికెట్తో పాటు ఫ్రాంచైజీ క్రికెట్లోనూ అతడు కోచ్గా సేవలను అందించడం విశేషం. 2010లో టీ20 వరల్డ్ కప్ నెగ్గిన ఇంగ్లండ్ టీమ్కు కోచ్గా ప్లవర్ పనిచేశాడు. ఐపీఎల్లో లక్నో సూపర్ జెయింట్స్ జట్టుకు గత రెండు సీజన్లుగా హెడ్ కోచ్గా ఆండీ పనిచేశాడు. అయితే నెక్స్ట్ సీజన్కు ముందు అతడ్ని లక్నో విడుదల చేయడంతో ఆర్సీబీ గూటికి చేరాడు.
We are beyond thrilled to welcome 𝗜𝗖𝗖 𝗛𝗮𝗹𝗹 𝗼𝗳 𝗙𝗮𝗺𝗲𝗿 and 𝗧𝟮𝟬 𝗪𝗼𝗿𝗹𝗱 𝗖𝘂𝗽 winning coach 𝐀𝐧𝐝𝐲 𝐅𝐥𝐨𝐰𝐞𝐫 as the 𝗛𝗲𝗮𝗱 𝗖𝗼𝗮𝗰𝗵 of RCB Men’s team. 🤩🙌
Andy’s experience of coaching IPL & T20 teams around the world, and leading his teams to titles… pic.twitter.com/WsMYGCkcYT
— Royal Challengers Bangalore (@RCBTweets) August 4, 2023
