David Warner: పాకిస్తాన్‌పై వార్నర్‌ దండయాత్ర! స్కోర్స్‌ చూస్తే షాక్‌ అవ్వాల్సిందే

వన్డే వరల్డ్ కప్​-2023లో పాకిస్థాన్ జట్టు దారుణమైన ప్రదర్శనతో సెమీస్​కు చేరకుండానే వెనుదిరిగింది. దీంతో ఆ దేశ క్రికెట్​లో భారీ మార్పులే జరిగాయి. కోచింగ్ సిబ్బంది, కెప్టెన్ దగ్గర నుంచి టీమ్ డైరెక్టర్, చీఫ్ సెలక్టర్ వరకు చాలా మందిని మార్చింది పాకిస్థాన్ క్రికెట్ బోర్డు (పీసీబీ). ప్రపంచ కప్ ఓటమి బాధలో నుంచి బయటపడేందుకు ఆస్ట్రేలియా టూర్​ రూపంలో దాయాది జట్టుకు మంచి అవకాశం దొరికింది. కఠినమైన కంగారూ సిరీస్​లో రాణించి అభిమానుల మద్దతును, హృదయాలను గెలుచుకోవాలని భావించింది పాక్ టీమ్. కానీ అది సాధ్యమయ్యేలా కనిపించడం లేదు. మొదటి టెస్టులోనే ఆ జట్టును ముప్పుతిప్పలు పెడుతోంది ఆసీస్.

మూడు టెస్టుల సిరీస్​లో భాగంగా ఫస్ట్ మ్యాచ్​లో టాస్ నెగ్గిన ఆస్ట్రేలియా తొలుత బ్యాటింగ్ ఎంచుకుంది. ఆతిథ్య జట్టుకు సీనియర్ ప్లేయర్ డేవిడ్ వార్నర్ (211 బంతుల్లో 164), ఉస్మాన్ ఖవాజా (98 బంతుల్లో 41) అదిరిపోయే ఆరంభాన్ని అందించారు. వీళ్లిద్దరూ కలసి తొలి వికెట్​కు 126 రన్స్ జోడించారు. ఆ తర్వాత ఖవాజా, మార్నస్ లబుషేన్ (16) తక్కువ గ్యాప్​లో ఔటయ్యారు. కానీ స్టీవ్ స్మిత్ (31), ట్రావిస్ హెడ్ (40)తో కలసి మంచి భాగస్వామ్యాలు నెలకొల్పాడు డేవిడ్ భాయ్. పాక్ బౌలర్లు అందర్నీ ఓ ఆటాడుకున్నాడు వార్నర్. ఏస్ పేసర్ షాహీన్ ఆఫ్రిదీతో పాటు ఇతర బౌలర్లను కూడా చీల్చి చెండాడాడు. వార్నర్ ఆడుతుంటే అది టెస్టా? లేదా టీ20నా? అనే అనుమానం అందరికీ కలిగింది.

న్యాచులర్ స్టైల్​లో బ్యాట్ ఝళిపించిన వార్నర్.. ఆకాశమే హద్దుగా చెలరేగిపోయాడు. అతడి ఇన్నింగ్స్​లో 16 ఫోర్లు, 4 సిక్సులు ఉన్నాయి. దీన్ని బట్టే డేవిబ్ భాయ్ విధ్వంసం ఏ రేంజ్​లో సాగిందో అర్థం చేసుకోవచ్చు. బౌండరీలు, సిక్సుల ద్వారానే దాదాపు 90 పరుగుల వరకు రాబట్టుకున్నాడతను. వార్నర్ మెరుపు బ్యాటింగ్​కు తట్టుకోలేక ఎక్కడ బాల్ వేయాలో తెలియక పాక్ బౌలర్లు గుడ్లు తేలేశారు. అయితే ఎట్టకేలకు యంగ్ బౌలర్ ఆమెర్ జమాల్ బౌలింగ్​లో ఇమాముల్ హక్​కు క్యాచ్ ఇచ్చి పెవిలియన్​కు చేరుకున్నాడు ఆసీస్ బ్యాటర్.

ఔటయ్యే లోపు చేయాల్సిన విధ్వంసాన్ని చేసేశాడు డేవిడ్ భాయ్. తనకు ఎంతో ఇష్టమైన పాక్​పై అతడికి గత 6 ఇన్నింగ్స్​ల్లో ఇది 5వ సెంచరీ కావడం విశేషం. గత ఆరు ఇన్నింగ్స్​ల్లో పాకిస్థాన్ మీద వార్నర్ స్కోర్లు ఇలా ఉన్నాయి.. 144, 113, 55, 154, 335 నాటౌట్, 164. దీన్ని బట్టే ఆ టీమ్ మీద అతడి దండయాత్ర ఏ విధంగా సాగుతోందో అర్థం చేసుకోవచ్చు. ఇక్కడితే అయిపోలేదు.. ఈ సిరీస్​లో మరో నాలుగైదు సార్లు అతడు బ్యాటింగ్​కు వస్తాడు. కాబట్టి మరిన్ని సెంచరీలు బాదే అవకాశం కనిపిస్తోంది. మరి.. పాక్​ మీద వార్నర్ దండయాత్రపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: Team India: భారత టీమ్​లో వైస్ కెప్టెన్​కు విలువ లేదు.. వాళ్లదే పెత్తనం: సీనియర్ క్రికెటర్

David Warner against Pakistan in Australia in Tests in the last 6 innings:

– 144(143)
– 113(95)
– 55(27)
– 154(296)
– 335*(418)
– 164(211) pic.twitter.com/bWBb8Eqfsw

— Johns. (@CricCrazyJohns) December 14, 2023

A century to silence all the doubters. David Warner came out meaning business today.@nrmainsurance #MilestoneMoment #AUSvPAK pic.twitter.com/rzDGdamLGe

— cricket.com.au (@cricketcomau) December 14, 2023