వరుస ఓటములతో డీలాపడ్డ పాకిస్థాన్ సెమీస్ చేరాలంటే ప్రతి మ్యాచ్లో గెలవాల్సిన పరిస్థితి. ఈ టైమ్లో ఆ టీమ్ పరువు తీసింది పసికూన ఆఫ్ఘానిస్థాన్.
వరుస ఓటములతో డీలాపడ్డ పాకిస్థాన్ సెమీస్ చేరాలంటే ప్రతి మ్యాచ్లో గెలవాల్సిన పరిస్థితి. ఈ టైమ్లో ఆ టీమ్ పరువు తీసింది పసికూన ఆఫ్ఘానిస్థాన్.
వరల్డ్ కప్-2023లో భాగంగా పాకిస్థాన్, ఆఫ్ఘానిస్థాన్ టీమ్స్ తలపడుతున్నాయి. ఈ మ్యాచ్ బాబర్ సేనకు చాలా కీలకంగా మారింది. సెమీఫైనల్ ఛాన్సులు దెబ్బతినకుండా ఉండాలంటే ఆఫ్ఘాన్పై పాక్ తప్పక గెలవాలి. ఈ నేపథ్యంలో టాస్ గెలిచి బ్యాటింగ్ సెలెక్ట్ చేసుకున్నాడు పాక్ కెప్టెన్ బాబర్. దాయాది టీమ్ నిర్ణీత 50 ఓవర్లలో 7 వికెట్ల నష్టానికి 282 రన్స్ చేసింది. బాబర్ ఆజం (74), అబ్దుల్లా షఫీక్ (58) రాణించారు. చివర్లో షాదాబ్ ఖాన్ (40), ఇఫ్తికార్ అహ్మద్ (40) మెరుపులు మెరిపించారు. ఇఫ్తికార్ అయితే 4 సిక్సులు బాదాడు. ఆఫ్ఘానిస్థాన్ బౌలర్లలో నూర్ అహ్మద్ 3 వికెట్లు తీయగా.. నవీనుల్ హక్కు రెండు వికెట్లు దక్కాయి.
ఈ మ్యాచ్లో పాకిస్థాన్ను ఆఫ్ఘానిస్థాన్ వణికిస్తోంది. బౌలింగ్తో పాటు బ్యాటింగ్లోనూ ఆ టీమ్ను భయపెడుతోంది. నూర్ అహ్మద్ వరుస ఓవర్లలో షఫీక్, మహ్మద్ రిజ్వాన్ను వెనక్కి పంపాడు. రిజ్వాన్ లాంటి ఎక్స్పీరియెన్స్ ఉన్న బ్యాటర్ అహ్మద్కు చిక్కడంతో పాక్ భారీ స్కోరు ఆశలకు గండి పడింది. అయితే చివర్లో ఇఫ్తికార్, షాదాబ్ అదరగొట్టడంతో మంచి టార్గెట్ను ఆఫ్ఘాన్ ముందు ఉంచింది. బ్యాటింగ్లో మోస్తరుగా రాణించిన పాక్.. బౌలింగ్లో మాత్రం దారుణంగా ఫెయిలైంది. ఆఫ్ఘాన్ ఓపెనర్లను ఆపడంలో ఆ టీమ్ బౌలర్లు విఫలమయ్యారు. షాహిన్ ఆఫ్రిదీ, హ్యారిస్ రౌఫ్ లాంటి వరల్డ్ క్లాస్ బౌలర్లను కలిగిన పాకిస్థాన్ను ఆఫ్ఘాన్ ఓపెనర్లు రెహ్మతుల్లా గుర్బాజ్ (65), ఇబ్రహీం జాద్రాన్ (73 నాటౌట్) భయపెట్టారు.
గుర్బాజ్, జాద్రాన్ కలసి తొలి వికెట్కు 130 రన్స్ జోడించారు. రౌఫ్తో పాటు ఉసామా మీర్ బౌలింగ్ను టార్గెట్ చేసుకొని బౌండరీల మీద బౌండరీలు కొట్టారు ఆఫ్ఘాన్ ఓపెనర్లు. ప్రత్యర్థి బ్యాటర్లు రెచ్చిపోయి ఆడుతున్న టైమ్లో పాక్ ఫీల్డర్లు బంతుల్ని ఆపడంలో ఫెయిలయ్యారు. క్యాచ్లు డ్రాప్ చేయడంతో పాటు బౌండరీలను ఆపడంలో విఫలమయ్యారు. దీంతో బౌలర్లు తలలు పట్టుకున్నారు. ఆ టీమ్ వికెట్ కీపర్ మహ్మద్ రిజ్వాన్ అయితే ఏం చేయాలో పాలుపోక ఎడమ చేతి కీపింగ్ గ్లౌజ్ను ముఖానికి అడ్డంగా పెట్టుకున్నాడు. దీంతో ఫీల్డర్లు, బౌలర్లు తమ పరువు తీశారని పాక్ ఫ్యాన్స్ నెట్టింట ఫైర్ అవుతున్నారు. మరి.. రిజ్వాన్ రియాక్షన్ చూశాక మీకేం అనిపించిందో కామెంట్ల రూపంలో తెలియజేయండి.
ఇదీ చదవండి: ఆ విషయంలో రోహిత్-కోహ్లీ మధ్య వాదన! ఏకంగా గ్రౌండ్లోనే..!
Rizwan hiding his face after watching the fielding of Pakistan. pic.twitter.com/RgE58Pl80c
— Johns. (@CricCrazyJohns) October 23, 2023
