జింబాబ్వే చేతిలో ఊహించని పరాజయం.. భారత్ ఓటమికి 5 ప్రధాన కారణాలు!

టీ20 వరల్డ్ కప్ నెగ్గి జోష్​లో ఉన్న టీమిండియాకు జింబాబ్వే ఊహించని షాక్ ఇచ్చింది. ఆ టీమ్​తో జరిగిన తొలి టీ20లో మెన్ ఇన్ బ్లూ 13 పరుగుల తేడాతో ఓటమిపాలైంది. ఈ మ్యాచ్​లో టాస్ నెగ్గిన శుబ్​మన్ గిల్ ఆతిథ్య జట్టును బ్యాటింగ్​కు ఆహ్వానించాడు. ఆ జట్టు ఓవర్లన్నీ ఆడి 9 వికెట్లకు 115 పరుగులు చేసింది. రవి బిష్ణోయ్ 4 వికెట్లతో జింబాబ్వే వెన్ను విరిచాడు. మన టీమ్​లో తోపు బ్యాటర్లు ఉండటంతో ఈ స్కోరును ఊదిపారేస్తారని అంతా అనుకున్నారు. కానీ జింబాబ్వే బౌలర్ల దెబ్బకు మన టీమ్ 102 పరుగులకే కుప్పకూలింది. శుబ్​మన్ గిల్ (31), వాషింగ్టన్ సుందర్ (27) తప్పితే ఒక్కరు కూడా రెండంకెల స్కోరును దాటలేకపోయారు. పేసర్ చటారా భారత్ పతనాన్ని శాసించాడు. ఈ మ్యాచ్​లో మన టీమ్ ఓటమికి గల 5 కారణాలు ఏంటనేది ఇప్పుడు తెలుసుకుందాం..

భారత్ ఓటమికి కారణాల్లో బౌలర్ల వైఫల్యం ఒకటి. అద్భుతంగా బౌలింగ్ చేసినా ఆఖర్లో రన్స్ లీక్ చేసి జింబాబ్వేకు పోరాడే అవకాశం ఇచ్చింది బౌలర్లే. మొదట బ్యాటింగ్​కు దిగిన ఆతిథ్య జట్టు 90 పరుగులకే 9 వికెట్లు కోల్పోయి పీకల్లోతు కష్టాల్లో పడింది. ఆ టీమ్ ఇంకో నాలుగైదు పరుగులు చేస్తే గొప్పని అంతా అనుకున్నారు. కానీ చివరి వికెట్​కు ఏకంగా 25 పరుగులు చేసింది. మన టీమ్ ఓడింది 13 పరుగుల తేడాతో కావడం గమనార్హం. చివర్లో బౌలర్లు రన్స్ కాపాడి ఉంటే మ్యాచ్ రిజల్ట్ మరోలా ఉండేది. టీమిండియా ఓటమికి రెండోది అలాగే మెయిన్ రీజన్ బ్యాటింగ్ కొలాప్స్. అభిషేక్ శర్మ, రియాన్ పరాగ్, రుతురాజ్ గైక్వాడ్, రింకూ సింగ్, ధృవ్ జురెల్ లాంటి ఐపీఎల్ స్టార్లు.. కఠిన పిచ్​పై పరుగులు చేయలేక బ్యాట్లు ఎత్తేశారు. గిల్ (31), సుందర్ (27) రాణించకపోతే భారత్ 50 పరుగులకే చాప చుట్టేసేది.

గిల్, సుందర్ మినహా మరే బ్యాటర్ కూడా క్రీజులో నిలదొక్కుకునేందుకు ప్రయత్నించలేదు. పిచ్​పై సెటిలైతే పరుగులు వచ్చే ఛాన్స్ ఉన్నా అందుకు తగ్గట్లు ఆడలేదు. మన టీమ్ ఫెయిల్యూర్​కు మరో కారణం సుందర్. బౌలింగ్​లో 2 వికెట్లు తీసిన అతడు.. ఆఖర్లో బ్యాటింగ్​కు వచ్చి 24 పరుగులు చేశాడు. అయితే ఇంటర్నేషనల్ క్రికెట్​లో మంచి ఎక్స్​పీరియెన్స్ ఉన్న ఈ ఆల్​రౌండర్ మ్యాచ్​ను ముగించే అవకాశాన్ని యూజ్ చేసుకోలేదు. అతడు బాగా స్ట్రైక్ రొటేట్ చేసి ఇంకొన్ని భారీ షాట్లు ఆడితే జింబాబ్వే మీద మరింత ప్రెజర్ పెరిగి తప్పు చేసేది. కానీ సుందర్ ఒత్తిడికి లోనై మ్యాచ్​ను ఫినిష్ చేయలేకపోయాడు. పిచ్​, కండీషన్స్​ను సరిగ్గా అర్థం చేసుకోకపోవడం కూడా జట్టుకు మైనస్​గా మారింది. అలాగే పలు క్యాచ్​లు మిస్ చేయడం, ఫీల్డింగ్​లో రన్స్ లీక్ చేయడం కూడా మన టీమ్​ను దెబ్బతీసింది. కొత్త కెప్టెన్ గిల్ బౌలింగ్ రొటేషన్, ఫీల్డింగ్ ఛేంజెస్​లో బలహీనంగా కనిపించాడు. అతడి కొన్ని డిసిషన్స్ మిస్​ఫైర్ అయ్యాయి. మరి.. భారత్ ఓటమికి ఇంకేమైనా కారణాలు ఉన్నాయని మీరు భావిస్తే కామెంట్ చేయండి.

• ఇదీ చదవండి: కోహ్లీ, రోహిత్ తప్పు చేశారా? దేశం పరువు పోతే బాధ్యత ఎవరిది?

Zimbabwe defended the lowest ever total against India in T20i history. 🤯

– Some commendable performance by Zimbabwe. 👏 pic.twitter.com/vNrzTG2luq

— Mufaddal Vohra (@mufaddal_vohra) July 6, 2024