Shubman Gill: గిల్ టీమ్​లో అవసరమా? అతడి కంటే అశ్వినే తోపు.. ఇదిగో ప్రూఫ్!

సౌతాఫ్రికాతో రెండు టెస్టుల సిరీస్​ను టీమిండియాతో ఓటమితో మొదలుపెట్టింది. తొలి టెస్టులో ఏకంగా ఇన్నింగ్స్ 32 పరుగుల తేడాతో చిత్తయింది. భారత్ ఇంత దారుణంగా ఓడుతుందని ఎవరూ ఎక్స్​పెక్ట్ చేయలేదు. ఈ ఓటమికి ప్రధాన కారణాల్లో బ్యాటింగ్ ఫెయిల్యూర్ ఒకటి. ఓపెనర్ యశస్వి జైస్వాల్, కెప్టెన్ రోహిత్ శర్మతో పాటు స్టార్ బ్యాటర్ శుబ్​మన్ గిల్, శ్రేయస్ అయ్యర్ కూడా ఫెయిలయ్యారు. ఫస్ట్ ఇన్నింగ్స్​లో సెంచరీ కొట్టిన కేఎల్ రాహుల్ సెకండ్ ఇన్నింగ్స్​లో త్వరగా పెవిలియన్​కు చేరుకున్నాడు. ఒక్క విరాట్ కోహ్లీ మాత్రమే రెండు ఇన్నింగ్స్​ల్లోనూ బాగా ఆడాడు. ఈ నేపథ్యంలో భారత బ్యాటర్లపై అన్ని వైపుల నుంచి తీవ్ర స్థాయిలో విమర్శలు వస్తున్నాయి. యంగ్ బ్యాటర్ గిల్​ను కూడా చాలా మంది టార్గెట్ చేస్తున్నారు. అతడు టీమ్​లో అవసరం లేదని అంటున్నారు. గిల్ కంటే అశ్విన్ తోపు అని చెబుతున్నారు.

స్టాటిస్టిక్స్ చూస్తుంటే ఫ్యాన్స్ చేస్తున్న కామెంట్స్​ కరెక్ట్ అని చెప్పొచ్చు. సౌతాఫ్రికాతో తొలి టెస్టులో శుబ్​మన్ గిల్ ఘోరంగా విఫలమయ్యాడు. ఈ మ్యాచ్​లో ఫస్ట్ ఇన్నింగ్స్​లో 12 బంతులు ఎదుర్కొన్న గిల్.. కేవలం 2 పరుగులు చేసి పెవిలియన్​కు చేరుకున్నాడు. రెండో ఇన్నింగ్స్​లో 37 బంతుల్లో 26 రన్స్ చేసిన యంగ్ బ్యాటర్.. మంచి స్టార్ట్​ దొరికినా దాన్ని సద్వినియోగం చేసుకోలేకపోయాడు. మార్కో యాన్సన్ బౌలింగ్​లో క్లీన్ బౌల్డ్ అయ్యాడు. క్రీజులో కుదురుకున్న విరాట్ కోహ్లీ (76)కు తోడుగా గిల్ కూడా నిలబడి ఉంటే మ్యాచ్​లో రిజల్ట్ వేరేలా ఉండేది. కనీసం ఇన్నింగ్స్ ఓటమి నుంచి భారత్ తప్పించుకునేది. కానీ శుబ్​మన్ ఔట్ అవ్వడం, ఆ తర్వాత వచ్చిన వారు వచ్చినట్లు డ్రెస్సింగ్ రూమ్​కు క్యూ కట్టడంతో ఘోర పరాభవం తప్పలేదు. దీంతో మిగిలిన బ్యాటర్లతో పాటు గిల్​ను కూడా విమర్శిస్తున్నారు ఫ్యాన్స్.

గత కొన్నాళ్లుగా తరచూ విఫలమవుతున్న గిల్​ను ఎందుకు కంటిన్యూ చేస్తున్నారని సోషల్ మీడియాలో నెటిజన్స్ ప్రశ్నిస్తున్నారు. వన్డే వరల్డ్ కప్​తో పాటు రీసెంట్​గా సౌతాఫ్రికాతో జరిగిన టీ20 సిరీస్​లోనూ అతడు ఫెయిల్ అవడాన్ని గుర్తుచేస్తున్నారు. వన్డేల్లో తప్ప ఏ ఫార్మాట్​లోనూ అతడు పెద్దగా పొడిచిందేమీ లేదని.. టెస్టుల్లో నుంచి అతడ్ని తీసేయాలని నెటిజన్స్ కామెంట్స్ చేస్తున్నారు. అందుకు స్టాటిస్టిక్స్​ను ఎగ్జాంపుల్​గా చెబుతున్నారు. గిల్ టెస్ట్ కెరీర్​లో మొదటి 35 ఇన్నింగ్స్​ల తర్వాత 994 రన్స్ చేశాడు. అదే స్పిన్నర్ రవిచంద్రన్ అశ్విన్ 35 ఇన్నింగ్స్​ల అనంతరం 1,006 పరుగులు చేశాడు. కాబట్టి గిల్ కంటే అశ్విన్ తోపు అని.. శుబ్​మన్​ను జట్టులో నుంచి తీసేయాలని డిమాండ్ చేస్తున్నారు. అతడి ప్లేసులో వేరే యంగ్​స్టర్స్​కు ఛాన్స్ ఇవ్వాలని నెటిజన్స్ అంటున్నారు. మరి.. గిల్​ను టెస్టుల్లో ఆడించొద్దనే డిమాండ్​పై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: Virat Kohli: వీడియో: ఒంటరి పోరాటం చేసినా ఓటమి తప్పలేదు.. కోహ్లీని ఓదార్చిన రోహిత్!

 

View this post on Instagram

 

A post shared by SportsGully (@sportsgully)