Rohit Sharma: రోహిత్​ను ఇలా చూసి ఎన్నాళ్లైందో! ఫ్యాన్స్​కు కావాల్సింది ఇదే కదా..!

ఒక విజయం.. ఎన్నో ప్రశ్నలకు సమాధానం ఇస్తుంది. ఓటమి మిగిల్చిన బాధ నుంచి బయటపడేస్తుంది. మనసుకు సాంత్వన కలిగిస్తుంది. నిరాశ, నిస్పృహలను తరిమికొడుతుంది. ఇది సక్సెస్​కు ఉన్న ఇంపార్టెన్స్. మామూలు టైమ్​లో కంటే కష్టాల్లో ఉన్నప్పుడు, ఓటములు ఎదురైనప్పుడు గెలుపు ఇచ్చే కిక్ సాధారణంగా ఉండదు. ఆ జోష్​లో ఏదైనా చేయగలమనే నమ్మకం కలుగుతుంది. మన బలం రెట్టింపు అవుతుంది. మన సత్తా ఏంటనేది గెలుపు చూపిస్తుంది. ఇప్పుడు అదే జోష్​లో కనిపిస్తున్నాడు భారత కెప్టెన్ రోహిత్ శర్మ. కేప్​టౌన్ వేదికగా సౌతాఫ్రికాతో జరిగిన రెండో టెస్ట్​లో టీమిండియా 7 వికెట్ల తేడాతో ఘనవిజయం సాధించింది. తద్వారా తొలి టెస్ట్​లో ఎదురైన ఇన్నింగ్స్ పరాభవానికి తన స్టైల్​లో రివేంజ్ తీర్చుకుంది. అయితే ఈ గెలుపు తర్వాత రోహిత్ సింహగర్జన చేయడం హైలైట్​గా మారింది.

శ్రేయస్ అయ్యర్ విన్నింగ్ షాట్ కొట్టగానే రోహిత్ సింహంలా గర్జిస్తూ అతడ్ని పట్టుకొని సెలబ్రేట్ చేసుకున్నాడు. దీనికి సంబంధించిన వీడియో సోషల్ మీడియాలో వైరల్ అవుతోంది. వన్డే వరల్డ్ కప్​ ఫైనల్ ఓటమి తర్వాత చాన్నాళ్లు బాధలోనే ఉన్నాడు రోహిత్. బ్యాట్స్​మన్​గా, కెప్టెన్​గా టీమ్​ను అంత అద్భుతంగా నడిపించినా ఫైనల్లో ఆసీస్ చేతిలో ఓడిపోవడంతో కప్పు చేజారింది. దీంతో హిట్​మ్యాన్ నిరాశలో మునిగిపోయాడు. ఆ తర్వాత ముంబై ఇండియన్స్ ఫ్రాంచైజీ అతడికి షాకిచ్చింది. ఐదు కప్​లు సాధించి పెట్టిన రోహిత్​ను కెప్టెన్సీ నుంచి పీకేసింది. అతడి నుంచి హార్దిక్ పాండ్యాకు సారథ్య బాధ్యతల్ని బదిలీ చేసింది. అటు వరల్డ్ కప్ మిస్సవడం, ఇటు ముంబై కెప్టెన్సీ పోవడంతో రోహిత్​ బాధ మరింత ఎక్కువైంది. ఆ తర్వాత తన కూతురు స్కూల్ ఫంక్షన్​లో మొదటిసారిగా బయటకు వచ్చిన స్టార్ బ్యాటర్ తీవ్ర బాధలో ఉన్నట్లు కనిపించాడు.

సఫారీ టూర్​కు బయల్దేరన రోహిత్ ఆ టైమ్​లో ఒక వీడియోలో మాట్లాడుతూ.. ఫైనల్ ఓటమి గురించి ఎమోషనల్ కామెంట్స్ చేశాడు. అందులో నుంచి బయటకు వచ్చేందుకు చాలా టైమ్ తీసుకున్నానని చెప్పాడు. అయితే ప్రస్తుతం హిట్​మ్యాన్​ను చూస్తుంటే వరల్డ్ కప్ ఫైనల్​ ఓటమి బాధ నుంచి అతడు పూర్తిగా బయట పడినట్లు కనిపిస్తున్నాడు. దీనికి ప్రూఫ్​ ప్రొటీస్​తో జరిగిన రెండో టెస్టే. ఈ మ్యాచ్​ రెండో ఇన్నింగ్స్​లో శ్రేయస్ అయ్యర్ విన్నింగ్ షాట్ కొట్టగానే రోహిత్ సింహగర్జన చేశాడు. అయ్యర్​ను పట్టుకొని విక్టరీని సెలబ్రేట్ చేసుకున్నాడు. ఇంటెన్స్​గా, ఫుల్ జోష్​లో కనిపించిన హిట్​మ్యాన్​ను చూసిన ఫ్యాన్స్ హర్షం వ్యక్తం చేస్తున్నారు. చాన్నాళ్లకు మళ్లీ పాత రోహిత్​ను చూశామని.. ఇక మీదటా అతడు ఇలాగే ఉండాలని నెట్టింట కామెంట్స్ చేస్తున్నారు. రోహిత్ ఈజ్ బ్యాక్ అంటున్నారు. ఇక మీదట అతడి వేట మొదలవుతుందని చెబుతున్నారు. మరి.. రోహిత్ తన పాత స్టైల్​లో కనిపిస్తుండటంపై మీరేం అనుకుంటున్నారో కామెంట్ చేయండి.

ఇదీ చదవండి: Virat Kohli: మరోసారి బెయిల్స్ కు మంత్రం వేసిన కోహ్లీ.. ఈసారి ఏమైందో చూడండి!

The shortest ever Test match in history.

– Wraps up in 5 sessions..!!!pic.twitter.com/s0a5kZ0ETU

— Mufaddal Vohra (@mufaddal_vohra) January 4, 2024