Rohit Sharma: రోహిత్‌ కెప్టెన్‌గా పనికిరాడు.. అతనే సరైనోడు: భారత మాజీ క్రికెటర్‌

స్వదేశంలో పులులు, విదేశాల్లో పిల్లులు అనే ముద్ర ఒకప్పుడు టీమిండియా మీద ఉండేది. టెస్టుల్లో భారత్ ఈ అపప్రదను మూటగట్టుకుంది. కానీ దీన్ని క్రమంగా చెరిపేస్తూ వచ్చింది. గత రెండు వరల్డ్ టెస్ట్ సిరీస్​ల్లో ఫైనల్​కు చేరుకోవడం, ఆస్ట్రేలియాను వాళ్ల సొంత గడ్డ మీద ఓడించడం, ఇంగ్లండ్​ను వాళ్ల నేల మీదే ముప్పుతిప్పలు పెట్టడం దీనికి ఎగ్జాంపుల్ అని చెప్పాలి. లాంగ్ ఫార్మాట్​లో ఎప్పటిలాగే సొంత గడ్డ మీద సూపర్బ్​గా ఆడుతున్న టీమిండియా.. విదేశాల్లోనూ ఎక్స్​పెక్ట్ చేసిన దాని కంటే బాగా పెర్ఫార్మ్ చేస్తోంది. విరాట్ కోహ్లీ కెప్టెన్సీలో దూకుడుగా ఆడటం స్టార్ట్ చేసిన మన టీమ్.. రోహిత్ శర్మ సారథ్యంలోనూ దాన్నే కొనసాగిస్తూ టెస్టుల్లో దూసుకెళ్తోంది. అయితే సౌతాఫ్రికా గడ్డ మీద ప్రొటీస్​ను ఓడించి టెస్ట్ సిరీస్ నెగ్గుదామనే డ్రీమ్ అలాగే ఉండిపోయింది. ఈసారైనా దీన్ని నిజం చేస్తారనుకుంటే మళ్లీ నిరాశే ఎదురైంది. దీంతో అందరూ కెప్టెన్ రోహిత్​ను విమర్శిస్తున్నారు.

హిట్​మ్యాన్​ అటు బ్యాటింగ్​తో పాటు ఇటు కెప్టెన్​గానూ ఫెయిల్ అవడం సౌతాఫ్రికాతో ఫస్ట్ టెస్ట్​లో భారత్​ను తీవ్రంగా దెబ్బతీసిందని చెబుతున్నారు. టీమిండియా మాజీ క్రికెటర్ సుబ్రహ్మణ్యం బద్రీనాథ్ కూడా రోహిత్​ను టార్గెట్​ చేసుకొని షాకింగ్ కామెంట్స్ చేశాడు. రోహిత్ కెప్టెన్​గా పనికి రాడన్నాడు. అతడి ప్లేస్​లో స్టార్ బ్యాటర్ విరాట్ కోహ్లీనే సరైనోడు అని చెప్పాడు. కోహ్లీని ఎందుకు కెప్టెన్సీ నుంచి తీసేశారని ప్రశ్నించాడు. ‘టెస్ట్​ టీమ్​కు అతను (కోహ్లీ) ఎందుకు కెప్టెన్​గా లేడు? నేను అడుగుతోంది విలువైన ప్రశ్న. అతను మంచి టెస్ట్ బ్యాటర్. విరాట్ కోహ్లీకి రోహిత్ శర్మకు మధ్య పోలికే లేదు. టెస్ట్ క్రికెట్​లో విరాట్ చాలా పెద్ద ప్లేయర్. అతడు ఆడిన ప్రతి చోట పరుగులు చేశాడు. అతడు టీమ్​ను ఎందుకు లీడ్ చేయడం లేదు. టెస్టుల్లో ఓపెనర్​గా కూడా ప్రూవ్ చేసుకోని రోహిత్​ కెప్టెన్​గా ఎందుకు ఉన్నాడు? భారత్​కు అవతల ఆడిన టెస్టుల్లో ఓపెనర్​గా హిట్​మ్యాన్ తనను తాను నిరూపించుకోవాల్సి ఉంది’ అని బద్రీనాథ్ చెప్పుకొచ్చాడు.

రోహిత్ కెప్టెన్​గా ఉండటం కరెక్ట్ కాదని.. సారథ్య బాధ్యతలను కోహ్లీకి అప్పగించాలని బద్రీనాథ్ సూచించాడు. టెస్టుల్లో సారథిగా విరాట్​కు గొప్ప రికార్డు ఉందని గుర్తుచేశాడు. కెప్టెన్​గా టీమ్​ను లీడ్ చేస్తూ 52 ప్లస్‌ యావరేజ్​తో 5 వేలకు పైగా రన్స్​ చేశాడని తెలిపాడు. కింగ్ సారథ్యంలో భారత జట్టు 68 టెస్టుల్లో 40 మ్యాచుల్లో గెలిచి, మరో 17 మ్యాచుల్లో ఓడిందన్నాడు. ఎన్నాళ్లుగానో అందని ద్రాక్షగా ఉన్న ఆస్ట్రేలియా గడ్డ మీద టెస్ట్ సిరీస్​లోనూ కోహ్లీ టీమ్​ను గెలిపించాడని బద్రీనాథ్ పేర్కొన్నాడు. గ్రేమ్ స్మిత్, రికీ పాంటింగ్, స్టీవ్ వా తర్వాత టెస్టుల్లో అత్యధిక విజయాలు అందుకున్న కోహ్లీని కెప్టెన్సీకి దూరంగా ఉంచడం ఏమాత్రం సరికాదని వ్యాఖ్యానించాడు. మరి.. రోహిత్​ను కెప్టెన్సీ నుంచి తీసేసి విరాట్​కు టీమ్ బాధ్యతలు అప్పజెప్పాలంటూ బద్రీనాథ్ చేసిన వ్యాఖ్యలపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: షాకింగ్‌ న్యూస్‌.. వరల్డ్‌ కప్‌ అంతా ఇంజెక్షన్స్‌ తీసుకుని ఆడిన టీమిండియా క్రికెటర్‌!

S Badrinath said, “Virat Kohli should be the Test captain of India. There is no comparison between Virat Kohli and Rohit Sharma. He is a big player, in terms of Test cricket. Rohit has not proven himself as an opener outside India. Why is he there?”. pic.twitter.com/r6tYApBFvU

— Mufaddal Vohra (@mufaddal_vohra) December 30, 2023