Ganguly-Dravid: గంగూలీ కామెంట్స్​కు ద్రవిడ్ కౌంటర్.. తానెప్పుడూ అలా కోరలేదంటూ..!

రెండో టెస్టులో ఇంగ్లండ్​ను చావుదెబ్బ తీసి విజయం సాధించిన టీమిండియా ఫుల్ జోష్​లో ఉంది. ఉప్పల్ టెస్టుకు ప్రతీకారం తీర్చుకోవడంతో పాటు సిరీస్​ను 1-1తో సమం చేసినందుకు సంతోషంలో ఉంది. రాజ్​కోట్​లో జరగబోయే తర్వాతి మ్యాచ్​కు సిద్ధమవుతోంది. ఈ తరుణంలో బీసీసీఐ మాజీ బాస్ సౌరవ్ గంగూలీ, భారత టీమ్ హెడ్ కోచ్ రాహుల్ ద్రవిడ్ మధ్య చిన్న వార్​ జరగడం క్రికెట్ వర్గాల్లో ఆసక్తిగా మారింది. ఇండియా-ఇంగ్లండ్ టెస్ట్ సిరీస్​కు ఆతిథ్యం ఇస్తున్న పిచ్​ల విషయంలో ఈ ఇద్దరు లెజెండ్స్ భిన్నంగా రియాక్ట్ అయ్యారు. ఈ విషయంలో మొదట దాదా తనదైన శైలిలో స్పందించగా.. తాజాగా ద్రవిడ్ ఆయనకు కౌంటర్ ఇచ్చాడు. అసలు ఈ కాంట్రవర్సీ ఎక్కడ మొదలైంది.. దాదా-ద్రవిడ్ ఏమేం కామెంట్స్ చేశారనేది ఇప్పుడు చూద్దాం..

భారత్​లోని పిచ్​లు సాధారణంగా స్పిన్​కు సహకరిస్తాయి. అయితే వన్డేలు, టీ20లను మినహాయిస్తే.. టెస్టులకు మాత్రం ఇక్కడ పూర్తిగా టర్నింగ్ ట్రాక్స్​నే తయారు చేస్తారు. స్పిన్​ను సమర్థంగా ఎదుర్కొనే బ్యాటర్లు, బాల్​ను అద్భుతంగా టర్న్ చేసే స్పిన్నర్లు మన టీమ్​లో ఉన్నారు. అందుకే ఈ మధ్య కాలంలో స్వదేశంలో టీమిండియా ఆడే టెస్టు మ్యాచుల్లో ఎక్కువగా స్పిన్ ట్రాక్​లే దర్శనమిస్తున్నాయి. దీని వల్ల ఐద్రోజులు జరగాల్సిన మ్యాచులు కాస్తా కొన్నిసార్లు ఒకటిన్నర, రెండ్రోజుల్లోనే ముగిసిపోతుండటంతో పిచ్​ తయారీ మీద విమర్శలు వెల్లువెత్తున్నాయి. ఈ క్రమంలోనే గంగూలీ ఇంట్రెస్టింగ్ కామెంట్స్ చేశాడు. ఎలాంటి పిచ్​ మీదనైనా వికెట్లు తీసే సత్తా ఉన్న బుమ్రా, సిరాజ్, షమి, అశ్విన్, జడేజా, కుల్దీప్ లాంటి బౌలర్లు టీమ్​లో ఉన్నప్పుడు కేవలం స్పిన్ ట్రాక్​లే ఎందుకు తయారు చేయిస్తున్నారని దాదా విమర్శించాడు.

స్పిన్​తో పాటు పేస్​కు అనుకూలించే పిచ్​లు రూపొందించాలని.. దేనికీ భయపడాల్సిన అవసరం లేదన్నాడు గంగూలీ. స్పిన్ ట్రాక్​లు మనకు అవసరమా అని సూటిగా ప్రశ్నించాడు. పిచ్​లపై గంగూలీ చేసిన వ్యాఖ్యల మీద తాజాగా టీమిండియా హెడ్ కోచ్ రాహుల్ ద్రవిడ్ రియాక్ట్ అయ్యాడు. వైజాగ్ టెస్టులో భారత్ గెలుపు నేపథ్యంలో ఆయన మీడియాతో మాట్లాడాడు. తానెప్పుడూ టర్నింగ్ ట్రాక్స్ తయారు చేయాలని కోరలేదని స్పష్టం చేశాడు. పిచ్​ను రూపొందించడం క్యూరేటర్ల పని అని.. అందులో తాము జోక్యం చేసుకోలేమని క్లారిటీ ఇచ్చాడు. పూర్తిగా స్పిన్ పిచ్​లు మాత్రమే కావాలని తాము అడగమన్నాడు ద్రవిడ్.

భారత్​లో సహజంగా వికెట్లు స్పిన్​కు అనుకూలిస్తాయని.. పిచ్​ మీద ఎంత టర్న్ లభిస్తుందనేది ఎవరికీ తెలియదన్నాడు ద్రవిడ్. పిచ్​ విషయంలో తానేమీ ఎక్స్​పర్ట్‌ కాదన్నాడు భారత్ కోచ్. అయితే ద్రవిడ్ వ్యాఖ్యలపై నెటిజన్స్ సోషల్ మీడియాలో డిఫరెంట్​గా రియాక్ట్ అవుతున్నారు. దాదా లాంటి వారికి కౌంటర్​గానే ద్రవిడ్ ఈ కామెంట్స్ చేశాడని అంటున్నారు. అయితే కొందరు మాత్రం అదేమీ లేదని వాళ్లిద్దరి మధ్య సత్సంబంధాలు ఉన్నాయని చెబుతున్నారు. గంగూలీ బీసీసీఐ బాస్​గా ఉన్న టైమ్​లోనే ద్రవిడ్​ను హెడ్​కోచ్​గా నియమించాడని గుర్తుచేస్తున్నారు. మరి.. గంగూలీ-ద్రవిడ్ కాంట్రవర్సీపై మీ అభిప్రాయాలను కామెంట్ల రూపంలో తెలియజేయండి.

Rahul Dravid said “Curators make the pitches – we don’t ask for rank turners, obviously tracks in India would spin, how much they will spin, how less they will spin – I am not an expert, wickets in India in the course of 4 or 5 days, they do turn”. pic.twitter.com/odGIGQ1d0W

— Johns. (@CricCrazyJohns) February 5, 2024