IND vs ENG: రోహిత్, రాహుల్ కాదు.. ఇంగ్లండ్​ గెలవాలంటే అతడ్ని ఆపాలి!

ఉప్పల్ టెస్ట్​కు సర్వం సిద్ధమైంది. 5 టెస్టుల సిరీస్​లో భాగంగా భారత్-ఇంగ్లండ్ జట్లు ఇవాళ తొలి మ్యాచ్​లో తలపడనున్నాయి. ఈసారి స్పిన్ అస్త్రంతోనే బరిలోకి దిగుతోంది రోహిత్ సేన. స్వదేశంలోని టర్నింగ్ ట్రాక్స్​పై ఎదురొచ్చిన ప్రతి ప్రత్యర్థిని ఇదే ఉచ్చులో బిగిస్తూ వస్తోంది టీమిండియా. స్పిన్ వ్యూహంతో అపోజిషన్ టీమ్స్​కు ఉక్కిరిబిక్కిరి చేసి చిత్తుగా ఓడిస్తోంది. బజ్​బాల్ స్ట్రాటజీతో ఓడిస్తామంటూ బీరాలు పోతున్న ఇంగ్లండ్​పై కూడా స్పిన్ అస్త్రాన్నే ప్రయోగించేందుకు రెడీ అయిపోయింది. హైదరాబాద్​లో జరుగుతున్న తొలి టెస్టులోనే అపోజిషన్ టీమ్​కు దీని రుచి ఏంటో చూపించాలని భావిస్తోంది. అటు ఇంగ్లండ్ మాత్రం బజ్​బాల్​ క్రికెట్​తో భారత్​ను భయపెట్టి సిరీస్​ను కొట్టేయాలని చూస్తోంది. రోహిత్ శర్మ, కేఎల్ రాహుల్​ను ఆపితే తిరుగుండదని అనుకుంటోంది. కానీ ఇంగ్లీష్ టీమ్​కు అసలైన డేంజర్ మాత్రం ఓ యంగ్ ప్లేయర్​ నుంచే పొంచి ఉంది.

భారత్​ను సొంతగడ్డ మీద ఓడించడం అంత ఈజీ కాదు. తోపు టీమ్స్ కూడా ఎన్నో సవాళ్లు విసిరి, ఓడిస్తామని ప్రగల్భాలు పలికి సైలెంట్​గా తోకముడుచుకొని వెళ్లిపోయాయి. ఇప్పుడు ఇంగ్లండ్ కూడా బజ్​బాల్​తో సిరీస్​ను పట్టేస్తామని అంటోంది. తొలి రెండు టెస్టుల్లో ఎలాగూ విరాట్ కోహ్లీ లేడు.. కాబట్టి రోహిత్, అయ్యర్, రాహుల్​ను ఆపితే విజయం తమదేనని భావిస్తోంది. కానీ ఇంగ్లీష్ టీమ్​కు చుక్కలు చూపించేందుకు సై అంటున్నాడో యంగ్ బ్యాటర్. ప్రత్యర్థి టీమ్​కు అసలైన బజ్​బాల్​ అంటే ఏంటో రుచి చూపించేందుకు రెడీ అవుతున్నాడు. అతడే యంగ్ ఓపెనర్ యశస్వి జైస్వాల్. ఫార్మాట్​ ఏదైనా అటాకింగ్ అప్రోచ్​తో దుమ్మురేపుతున్నాడు జైస్వాల్. క్రీజులో అడుగుపెట్టింది మొదలు బ్యాట్​తో ప్రత్యర్థి బౌలర్లపై విరుచుకుపడుతున్నాడు. స్ట్రయిక్ రొటేషన్ కంటే బౌండరీలు, సిక్సులతో స్కోరు బోర్డును పరిగెత్తించడమే ధ్యేయంగా బ్యాటింగ్ చేస్తున్నాడు. ధనాధన్ ఇన్నింగ్స్​లతో ప్రత్యర్థుల నుంచి మ్యాచుల్ని లాగేసుకుంటున్నాడు.

కెప్టెన్ రోహిత్ శర్మ, కోచ్ రాహుల్ ద్రవిడ్ కూడా జైస్వాల్​ను అదే శైలిలో ఆడమని ఎంకరేజ్ చేస్తున్నారు. దూకుడుగా ఆడే క్రమంలో ఫెయిలైనా జట్టులో తన ప్లేస్​కు ఢోకా లేదనే హామీని ఇస్తున్నారు. దీంతో బ్యాట్​తో మరింతగా చెలరేగిపోతున్నాడు జైస్వాల్. ఇప్పటికే టీ20ల్లో దుమ్మురేపుతూ రెగ్యులర్ ప్లేయర్​గా మారిన ఈ యువ కెరటం.. టెస్టుల్లోనూ తన స్థానాన్ని పదిలపర్చుకోవాలని భావిస్తున్నాడు. అందుకు ఇంగ్లండ్ సిరీస్​ను పూర్తిగా యూజ్ చేసుకోవాలని అనుకుంటున్నాడు. ప్రాక్టీస్​లో తీవ్రంగా చెమటోడ్చిన ఈ ప్లేయర్ మ్యాచ్​లో తన సత్తా చాటాలని ఉవ్విళ్లూరుతున్నాడు. ఒకవేళ జైస్వాల్ గనుక క్రీజులో సెటిలైతే ఇంగ్లండ్​కు చుక్కలే. ట్రాక్ ఏదైనా, బౌలర్ ఎవరైనా పట్టించుకోకుండా ఊచకోత కోస్తాడు. వాళ్ల బజ్​బాల్​ ఫార్ములాను వాళ్లకే తిప్పికొడతాడు. ఇంగ్లీష్ టీమ్ నెగ్గాలంటే జైస్వాల్​ను ఆపాలి లేకపోతే అతడు ఇచ్చిపడేయడం ఖాయం. మరి.. జైస్వాల్ ఈ సిరీస్​లో అంచనాలను అందుకుంటాడని మీరు భావిస్తే కామెంట్ చేయండి.