ఒక టీమిండియా యంగ్ క్రికెటర్ను స్పిన్నర్ రవిచంద్రన్ అశ్విన్ ప్రశంసల్లో ముంచెత్తాడు. అలాంటి ప్లేయర్ను తాను ఎక్కడా చూడలేదన్నాడు.
ఒక టీమిండియా యంగ్ క్రికెటర్ను స్పిన్నర్ రవిచంద్రన్ అశ్విన్ ప్రశంసల్లో ముంచెత్తాడు. అలాంటి ప్లేయర్ను తాను ఎక్కడా చూడలేదన్నాడు.
సూర్యకుమార్ నేతృత్వంలోని యంగ్ ఇండియా మరో కీలక మ్యాచ్కు రెడీ అయిపోయింది. 5 టీ20ల సిరీస్లో భాగంగా మంగళవారం జరిగే మూడో మ్యాచ్లో ఆస్ట్రేలియాను ఢీకొంటుంది. ఈ సిరీస్లో ఫస్ట్ మ్యాచ్లో భారత్ 2 వికెట్ల తేడాతో నెగ్గింది. ఆ మ్యాచ్లో ఈజీగా గెలవాల్సింది. కానీ ఆఖర్లో ఆల్రౌండర్ అక్షర్ పటేల్ చెత్త షాట్ ఆడి ఔటవ్వడం, ఆ తర్వాత మరో ఇద్దరు బ్యాటర్లు వెంటవెంటనే రనౌట్ కావడంతో టీమ్పై ప్రెజర్ పెరిగింది. కానీ సీట్ ఎడ్జ్ థ్రిల్లర్లో చివరిదాకా క్రీజులో నిలబడిన రింకూ సింగ్ మ్యాచ్ను ఫినిష్ చేశాడు. తిరువనంతపురంలో జరిగిన రెండో టీ20లో టీమిండియా 44 రన్స్ తేడాతో ఆసీస్ను చిత్తు చేసింది. ఆ మ్యాచ్లో ఎక్స్పెక్ట్ చేసిన దాని కంటే బాగా పెర్ఫార్మ్ చేసింది మన జట్టు. అన్ని విభాగాల్లోనూ అపోజిషన్ కంగారూ టీమ్ను డామినేట్ చేసి గెలిచింది.
మూడో టీ20లో గెలిస్తే ఐదు టీ20ల సిరీస్ భారత్ సొంతమవుతుంది. అందుకే ఎలాగైనా ఇవాళ్టి మ్యాచ్లో నెగ్గాలని టీమిండియా అనుకుంటోంది. మరోవైపు ఆసీస్ మాత్రం ఎట్టి పరిస్థితుల్లోనూ మ్యాచ్ను వదలొద్దని అనుకుంటోంది. సిరీస్ దక్కాలంటే ఈ మ్యాచ్లో నెగ్గడం ఆ టీమ్కు కంపల్సరీగా మారింది. ఈ పరిస్థితుల్లో ఇరు టీమ్స్ ప్లేయర్లు సర్వశక్తులూ ఒడ్డి ఆడటం ఖాయంగా కనిపిస్తోంది. ఇప్పటిదాకా జరిగిన రెండు టీ20లను చూసుకుంటే భారత జట్టు చాలా స్ట్రాంగ్గా కనిపిస్తోంది. టీమ్లో పెద్దగా స్టార్లు లేకపోయినా ఉన్న యంగ్స్టర్స్ అందరూ సత్తా చాటుతుండటం, ఫియర్లెస్ అప్రోచ్తో ఆడుతుండటం మనకు బిగ్ ప్లస్ అనే చెప్పాలి. సిరీస్లోని మిగిలిన మ్యాచుల్లోనూ ఇదే విధంగా ఆడితే ఇక మనకు తిరుగుండదనే చెప్పాలి. గత రెండు మ్యాచుల్లోనూ భారత బ్యాటింగ్ యూనిట్ భీకరమైన ఫామ్లో కనిపించింది.
ఓపెనర్లు రుతురాజ్ గైక్వాడ్, యశస్వి జైస్వాల్ దగ్గర నుంచి ఫినిషర్ రింకూ సింగ్ వరకు బ్యాటర్లు అందరూ మంచి ఫామ్లో ఉన్నారు. కెప్టెన్ సూర్యకుమార్ ఎలాగూ ఉండనే ఉన్నాడు. అయితే ఇషాన్ కిషన్ రాణిస్తుండటం టీమ్కు అదనపు బలమనే చెప్పాలి. వరల్డ్ కప్ స్క్వాడ్లో ఉన్నా ఆడే అవకాశం దక్కని ఇషాన్.. ఆసీస్తో సిరీస్లో సత్తా చాటుతున్నాడు. మొదటి మ్యాచ్లో 58 రన్స్ చేసిన అతను.. రెండో టీ20లోనూ 52 రన్స్ చేసి టీమ్ భారీ స్కోరు చేయడంలో కీలక పాత్ర పోషించాడు. అలాంటి ఇషాన్ను సీనియర్ స్పిన్నర్ రవిచంద్రన్ అశ్విన్ ప్రశంసల్లో ముంచెత్తాడు. ఇషాన్ కిషన్ అలాంటి ప్లేయర్ను తానెక్కడా చూడలేదన్నాడు. ‘ఇషాన్కు గ్రేట్ యాటిట్యూడ్ ఉంది. అతడు బాగా ఆడినప్పుడు నేను హ్యాపీగా ఫీలవుతా. అందర్నీ సంతోషంగా ఉంచేందుకు ఇషాన్ ప్రయత్నిస్తుంటాడు. ప్రతి ఆటగాడి బ్యాట్, గ్లవ్స్, హెల్మెట్స్ అతడే సిద్ధం చేస్తాడు’ అని అశ్విన్ చెప్పాడు.
ప్లేయింగ్ ఎలెవన్లో చోటు దక్కకపోయినా ఇషాన్ కిషన్ ఎప్పుడూ కంప్లయింట్స్ చేయడని అశ్విన్ తెలిపాడు. ఇలాంటి ఆటగాళ్లు చాలా అరుదని.. ఇషాన్ చాలా మంచోడని పొగడ్తల్లో ముంచెత్తాడు. అశ్విన్ కామెంట్స్ విన్న ఫ్యాన్స్ ఇషాన్ కిషన్ను ప్రశంసిస్తున్నారు. ఆయన చెప్పింది నిజమేనని అంటున్నారు. డ్రింక్స్ టైమ్లో బ్యాటర్లకు గ్లవ్స్, బ్యాట్స్, హెల్మెట్ లాంటివి అందిస్తుంటాడని చెబుతున్నారు. వరల్డ్ కప్ సెమీస్లో కోహ్లీ, గిల్ అలసిపోతే వారికి డ్రింక్స్ తీసుకెళ్లడంతో పాటు గొడుగు కూడా పట్టాడని గుర్తుచేస్తున్నారు. మరి.. ఇషాన్పై అశ్విన్ చేసిన వ్యాఖ్యల మీద మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: బుమ్రా షాకింగ్ పోస్ట్.. ఎవరిని ఉద్దేశించి?
Ravi Ashwin said, “Ishan Kishan has a great attitude. I feel happy when he plays well. He’s someone who makes everyone happy, he keeps every player’s bat, gloves and helmets ready and never complains when he sits out”. (Ashwin YT). pic.twitter.com/FlgCfXjB4V
— Mufaddal Vohra (@mufaddal_vohra) November 28, 2023
