ప్రపంచ కప్కు ముందు పాకిస్థాన్కు ఏదీ కలసి రావడం లేదు. మెగా టోర్నీకి ముందు జరిగిన ఆసియా కప్లో సూపర్-4 దశలోనే దాయాది జట్టు నిష్క్రమించింది. టీమిండియాతో పాటు శ్రీలంక పైనా ఓడిపోవడంతో పాక్ మీద పెద్ద ఎత్తున విమర్శలు వచ్చాయి. ఆ టైమ్లో పాక్ డ్రెస్సింగ్ రూమ్లో పరిస్థితులు బాగోలేవని.. ప్లేయర్ల మధ్య గొడవలు ఉన్నాయని వార్తలు వచ్చాయి. కెప్టెన్ బాబర్ ఆజమ్కు సలహా ఇచ్చేందుకు కూడా ఆటగాళ్లు వెనకడుగు వేస్తున్నారని న్యూస్ వచ్చింది. దీనిపై ఆ తర్వాత బాబర్ వివరణ ఇచ్చాడు. టీమ్లో కొన్ని అభిప్రాయ భేదాలు ఉన్నాయని.. కానీ గొడవలేం జరగలేదని క్లారిటీ ఇచ్చాడు.
ఆసియా కప్ ముగిసినా పాకిస్థాన్ ఇంకా సెట్ అవ్వలేదు. ప్రపంచ కప్కు ముందు సన్నాహకంగా జరిగిన వార్మప్ మ్యాచులో పాక్ సరిగ్గా ఆడలేదు. ఆ మ్యాచ్లో న్యూజిలాండ్ చేతిలో చిత్తుగా ఓడింది. కివీస్ ముందు భారీ టార్గెట్ ఉంచినా దాన్ని కాపాడుకోవడంలో పాక్ ఫెయిలైంది. 346 పరుగుల లక్ష్యాన్ని న్యూజిలాండ్ మరో ఆరు ఓవర్లు మిగిలి ఉండగానే ఆడుతూ పాడుతూ ఛేదించింది. ఈ మ్యాచ్లో పాక్ బౌలర్లు తేలిపోయారు. ఇది చూసిన అభిమానులు, మాజీ క్రికెటర్లు ఆ టీమ్ను తిట్టిపోస్తున్నారు. పాక్ టీమ్లో ఐకమత్యం లోపించిందని మాజీ లెజెండ్ మొయీన్ ఖాన్ అన్నాడు.
‘పాకిస్థాన్ జట్టులో ఐకమత్యం లేదని స్పష్టంగా కనిపిస్తోంది. ప్లేయర్ల మధ్య ఎలాంటి డిస్కషన్స్ జరగట్లేదు. ఒకవేళ ఎవరైనా సలహాలు ఇచ్చినా బాబర్ ఫాలో అవుతున్నా అవి వర్కౌట్ అవ్వడం లేదు. మరో విషయం ఏంటంటే.. భారత్తో మ్యాచ్ అంటే పాక్ ప్లేయర్లు వణికిపోతున్నారు. వాళ్ల సలహాలు పనిచేయవేమోనని భయపడుతున్నారు. కానీ ఒక ఆటగాడిగా టీమ్ కోసం వందశాతం కష్టపడాలి. ఇలా భయపడితే ఎలా? సలహాలు పనిచేయకపోయినా గెలవాలనే కసి మనలో ఉండాలి. బాడీ లాంగ్వేజ్ను బట్టే అంతా తెలిసిపోతుంది. డ్రెస్సింగ్ రూమ్లో అభిప్రాయ భేదాలు ఉండొచ్చు. కానీ వీటిని అధిగమించాల్సిన అవసరం ఉంది’ అని మొయీన్ ఖాన్ సూచించాడు.
ఇదీ చదవండి: వరల్డ్ కప్లో సౌతాఫ్రికా బలాలు, బలహీనతలు.. తొలి కప్ గెలిచే ఛాన్స్!
