OTTలోకి వచ్చేసిన తమిళ బ్లాక్ బస్టర్ క్రైమ్ థ్రిల్లర్! ప్రతి క్షణం ఉత్కంఠ!

ఓటీటీ అనగానే సినిమాలు, సిరీస్ లు, టాక్ షోస్ ఇలా అన్ని ప్రేక్షకులను ఎంటర్టైన్ చేస్తున్నాయి. వీటిలో డైరెక్ట్ గా ఓటీటీలో రిలీజ్ అయ్యే సినిమాలు కొన్ని, థియేటర్ రిలీజెస్ తర్వాత ఓటీటీలోకి వచ్చేవి మరికొన్ని అయితే, కొన్ని సినిమాలు మాత్రం థియేటర్ లో రిలీజ్ అయ్యి నెలలు గడిచిపోయినా కానీ ఓటీటీలోకి రావు. కొన్ని నెలల తర్వాత ఓటీటీ ప్రేక్షకుల ముందుకు వస్తుంటాయి. అయితే ఇప్పుడు చెప్పుకోబోయే సినిమా మాత్రం రిలీజ్ అయ్యి నెలలు కాదు.. ఏకంగా ఏడేళ్లు గడిచిపోయింది. ఇది ఒక తమిళ సినిమా. ఎట్టకేలకు ఇన్నేళ్లకు ఈ సినిమా తెలుగులో ఓటీటీలో రిలీజ్ అవ్వబోతుంది. అది కూడా ఒకేసారి రెండు ఓటీటీ ప్లాట్ ఫార్మ్స్ లో విడుదల అవ్వడం విశేషం. ఇంతకీ ఈ సినిమా ఏంటి ఏ ప్లాట్ ఫార్మ్ లో రిలీజ్ అవ్వబోతుంది. అనే విషయాలను చూసేద్దాం.

ఈ తమిళ మూవీ పేరు మాయావన్. ఈ సినిమా 2017లో తమిళంలో విడుదలైన ఒక క్రైమ్ థ్రిల్లర్. కాగా ఈ సినిమాలో యంగ్ హీరో సందీప్ కిషన్, లావణ్య త్రిపాఠి లీడ్ రోల్స్ లో నటించారు. ఈ సినిమాకు.. సీవీ కుమార్ దర్శకత్వం వహించారు. ఇంకా ఈ సినిమాలో పాపులర్ హిందీ యాక్టర్ జాకీ ష్రాఫ్ కూడా ఓ ముఖ్యమైన పాత్రలో కనిపించారు. అయితే, 2017లో తమిళంలో విడుదలైన ఈ సినిమా కలెక్షన్స్ పరంగా ఓ మోస్తరుగా నిలిచింది. కానీ, విమర్శల పరంగా మాత్రం సూపర్ హిట్ గా నిలిచింది. అయితే 2017లో తమిళంలో హిట్ టాక్ సంపాదించుకున్న ఈ సినిమా ఇప్పుడు ప్రాజెక్ట్ జెడ్ పేరుతో.. ఏడేళ్ల తర్వాత తెలుగులో విడుదల కానుంది. దీనితో ఇన్నేళ్లకు తెలుగులో విడుదల కావడం ఏంటా అని ప్రేక్షకులు ఆశ్చర్యపోతున్నారు. ఈ ఆశ్చర్యానికి తోడు మరొక షాకింగ్ న్యూస్ ను రివీల్ చేశారు మేకర్స్. అదేంటంటే ఈ సినిమా రెండు ఓటీటీ ప్లాట్ ఫార్మ్స్ లో విడుదల కానుంది.

2017లో మంచి సస్పెన్స్ థ్రిల్లర్ గా పేరు తెచ్చుకున్న ఈ సినిమాకు ఇప్పుడు సిక్వెల్ కూడా రానుండడంతో.. తెలుగు వెర్షన్ ఓటీటీ రిలీజ్ ఇప్పుడు అందరికి ఆశ్చర్యం కలిగిస్తోంది. మాయావన్ సినిమా ప్రస్తుతం అమెజాన్ , డిస్నీ ప్లస్ హాట్ స్టార్ ఈ రెండు ఓటీటీ ప్లాట్ ఫార్మ్స్ లో స్ట్రీమింగ్ అవుతోంది. కానీ ప్రస్తుతం హిందీలో మాత్రమే స్ట్రీమింగ్ అవుతోంది. అలాగే ఒరిజినల్ లాంగ్వేజ్ యూట్యూబ్ లో కూడా అందుబాటులో ఉంది. తెలుగులో ప్రాజెక్ట్ జెడ్ పేరుతో ఈ సినిమా త్వరలోనే ఓటీటీ లోకి అందుబాటులోకి రానుంది. దీనితో అందరికి ఈ సినిమా ఇప్పుడు ఇంట్రెస్టింగ్ గా నిలుస్తోంది. అయితే ఒరిజినల్ వెర్షన్ సిక్వెల్ కు ఏ టైటిల్ ఫిక్స్ చేస్తారనేది మాత్రం ఇంకా రివీల్ చేయలేదు మేకర్స్. మరి, ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.