Best Horror Movie In OTT: బొమ్మలో బాబు ఆత్మ.. అరికాలికి కూడా చెమటలు పట్టించే మూవీ OTTలో!

ఇప్పటివరకు వచ్చిన అన్ని హర్రర్ చిత్రాలకు కూడా ఒకటే స్టోరీ లైన్ ఉంటుంది. కానీ, ఆయా సినిమాలు తీసే విధానం మాత్రం కాస్త డిఫ్ఫరెంట్ గా ఉంటుంది. అందుకోసమే హర్రర్ జోనర్ లో ఎన్ని సినిమాలు వచ్చినా కానీ, ఇంకా చూడాలని అనిపిస్తునే ఉంటుంది. ఇక హర్రర్ సినిమాలంటే అందరికి గుర్తొచ్చేది.. హాలీవుడ్ సినిమాలే. దాదాపు హాలీవుడ్ లో వచ్చిన అన్ని హర్రర్ చిత్రాలను కవర్ చేసేశాం అనుకునే ప్రేక్షకులు.. ఇప్పుడు చెప్పుకోబోయే సినిమాను కూడా కవర్ చేసారో లేదో ఓ లుక్ వేసేయండి. మరి ఈ సినిమా ఏంటి ఎక్కడ స్ట్రీమింగ్ అవుతుంది అనే విషయాలను చూసేద్దాం.

ఇప్పటివరకు బొమ్మలో దెయ్యాలను చూపించే కథలను ఎన్నో చూసి ఉంటాము. కానీ ఈ సినిమా కాస్త డిఫ్ఫరెంట్.. గ్రేటర్ ఈవెన్స్ అనే ఓ మహిళా ఓ కేర్ టేకర్ గా ఉద్యోగం రావడంతో.. అమెరికా నుంచి ఇంగ్లాండ్ కు వస్తుంది. ఇంగ్లాండ్ నగర శివార్లలోని ఓ పెద్ద భవనంలో ఆమెకు కేర్ టేకర్ గా ఉద్యోగం వస్తుంది. ఆమె ఆ భవనంలోకి వెళ్ళగానే.. ఆమెను ఆ ఇంటి యజమాని వెల్కమ్ చెప్పి.. తమ బాబును చూసూకోవడానికి తనని కేర్ టేకర్ గా అప్పోయింట్ చేసుకున్నామని అన్ని వివరిస్తుంది. ఆ తర్వాత ఓ బొమ్మను చూపించి అదే తమ బాబు అని చెప్తుంది ఆ ఓనర్ . గ్రేటర్ ఈవెన్స్ కు ఏమి అర్థంకాక అదేంటి అని నవ్వుకుంటుంది. కానీ నిజంగానే వారు ఆ బొమ్మను తమ బాబులా చూసుకుంటున్నారని భావించి అర్థంచేసుకుంటుంది. ఇక ఆ తర్వాత రోజు ఆ బాబు ను ఆమెకు అప్పగించి. ఆ పేరెంట్స్ ఇద్దరూ కూడా ట్రిప్ కి వెళ్ళిపోతారు. కట్ చేస్తే ఎవరు ఊహించని విధంగా వారిద్దరూ ఆత్మహత్య చేసుకుని మరణిస్తారు.

దీనితో గ్రేటర్ ఒంటరిగా ఉన్న ఆ బొమ్మను చూసుకోవడం ఎందుకులే అని లైట్ తీసుకుని ఎంజాయ్ చేయాలనీ అనుకుంటూ ఉంటుంది. ఇక అప్పటినుంచి ఆమెకు వింత వింత అనుభవాలు ఎదురౌతాయి. రాత్రులు నిద్రపోతున్నప్పుడు ఏవో శబ్దాలు వినిపించడం, పీడకలలు రావడం, ఇలాంటివి జరుగుతూ ఉంటాయి. పైగా ఆ బొమ్మ కూడా పెట్టిన చోట ఉండదు. అటు ఇటు కదులుతూ ఉంటుంది. దీనితో గ్రేటర్ కు ఏమి అర్థంకాదు. అదే సమయంలో తనకు మాల్కమ్ అనే ఓ వ్యక్తి పరిచయం అవుతాడు. 20 ఏళ్ళ క్రితం ఓ ఫైర్ యాక్సిడెంట్ లో ఆ దంపతులిద్దరూ తమ కొడుకుని కోల్పోయారని.. అప్పటినుంచి ఆ బొమ్మలోనే తమ కొడుకుకి చూసుకుంటున్నారని చెప్పుకొస్తాడు. దీనితో గ్రేటర్ కు విషయం అర్ధమయ్యి.. ఆ బొమ్మను ప్రేమగా చూసుకుంటుంది. ఆ బొమ్మలో ఆ అబ్బాయి ఆత్మ ఉందని ఫిక్స్ అవుతుంది.

ఇదే విషయాన్నీ మాల్కమ్ కు కూడా ప్రూవ్ చేసి చూపిస్తుంది. దీనితో మాల్కమ్ ఆ అబ్బాయికి అసలు ఏమైందన్న సంగతి చెప్తాడు. ఆ అబ్బాయికి ఓ గర్ల్ ఫ్రెండ్ ఉండేదని.. ఆమెను ఓ రోజు ఎవరో హత్య చేశారని.. ఆ హత్య చేసింది ఆ అబ్బాయే అనుకుని పోలీసులు అతనిని వెంబడించారని .. ఈ క్రమంలోనే అతను చనిపోయాడని చెప్పుకొస్తాడు. కట్ చేస్తే.. అక్కడకు గ్రేటర్ లవర్ వస్తాడు. ఆమె అతనిని వదిలేసి వచ్చిందని భావించి.. కోపంతో ఆ బొమ్మను పగలగొడతాడు . అదే అతను చేసిన పెద్ద తప్పు. ఆ తర్వాత బొమ్మలో ఉన్న ఆత్మ వారిని ఏ విధంగా వారిని ఇబ్బంది పెట్టింది ? అతని తల్లిదండ్రులు ఎందుకు ఆత్మహత్య చేసుకున్నారు ? గ్రేటర్ పరిస్థితి ఏంటి ? ఇవన్నీ తెలియాలంటే “ది బాయ్” అనే ఈ సినిమాను చూడాల్సిందే. ప్రస్తుతం ఈ సినిమా అమెజాన్ ప్రైమ్ లో స్ట్రీమింగ్ అవుతుంది. ఇప్పటివరకు ఈ సినిమాను ఎవరైనా మిస్ చేస్తే మాత్రం వెంటనే చూసేయండి. ఈ సినిమాపై మీ అభిప్రాయాలను కామెంట్స్ రూపంలో తెలియజేయండి.