Gam Gam Ganesha OTT: ఆనంద్ దేవరకొండ ‘గం గం గణేశా’ OTT స్ట్రీమింగ్ ఎప్పుడంటే?

థియేటర్స్ లో సినిమాలను చూసినా కానీ ఆయా సినిమాలు ఓటీటీ లోకి ఎప్పుడెప్పుడు వస్తాయా అని ఎదురుచూస్తున్నారు ప్రేక్షకులు. తాజాగా ఆనంద్ దేవర కొండ నటించిన “గం గం గణేశా” సినిమా.. మే 31 న థియేటర్ లో రిలీజ్ అయింది. ఎలాంటి అంచనాలు లేకుండా ఈ సినిమా థియేటర్ లో రిలీజ్ అయినా కానీ ప్రస్తుతం ఈ సినిమా పాజిటివ్ టాక్ తోనే దూసుకుపోతుంది. ఇక అదే రోజు ఈ సినిమా ఏ ఓటీటీ లోకి వస్తుంది అనే టాక్ కూడా వచ్చేసింది. అంతలోనే ఈ సినిమా ఓటీటీ లోకి రాబోయేది ఇప్పుడే అంటూ మరొక టాక్ కూడా వినిపిస్తుంది. దానికి సంబంధించిన విషయాలను చూసేద్దాం.

ఆనంద్ దేవర కొండ లేటెస్ట్ గా నటించిన క్రైమ్ కామెడీ మూవీ “గం గం గణేశా”. ఈ సినిమాకు ఉదయ్ బొమ్మి శెట్టి దర్శకత్వం వహించారు. ఈ సినిమాతోనే ఆయన తెలుగులో డైరెక్టర్ గా పరిచయం అయ్యాడు. అలాగే వంశీ కారుమంచి ఈ సినిమాకు నిర్మాతగా వ్యవహరించారు. ఈయన కూడా తొలిసారి టాలీవుడ్ లో ప్రొడ్యూసర్ గా అరంగేట్రం చేశారు. ఇక ఈ సినిమా థియేటర్ లో విడుదలైన మొదటి వారం నుంచే ఈ సినిమా పాజిటివ్ టాక్ సంపాదించుకుంది. ఇక ఈ సినిమా ఓటీటీ హక్కులను ప్రముఖ ఓటీటీ ప్లాట్ ఫార్మ్ అమెజాన్ ప్రైమ్ భారీ ధరలకు సొంతం చేసుకుంది. ఈ సినిమా థియేట్రికల్ రన్ ను బేస్ చేసుకుని.. జూన్ చివరి వారంలోనే ఈ సినిమా అమెజాన్ ప్రైమ్ లో స్ట్రీమింగ్ చేయనున్నట్లుగా తెలుస్తుంది. దీనిపై మేకర్స్ నుంచి ఇంకా క్లారిటీ రావాల్సి ఉంది.

 

కాగా ఈ సినిమాలో నయన సారిక, ప్రగతి శ్రీవాస్తవ హీరోయిన్‌గా నటించారు. వారితో పాటు ఇమ్మాన్యూయెల్, బిగ్ బాస్ ప్రిన్స్ యావర్, వెన్నెల కిశోర్ కూడా కీలక పాత్రలు పోషించారు. ఇక ఈ మూవీ స్టోరీ లైన్ విషయానికొస్తే.. ఈ మూవీ ఓ వస్తువు చుట్టూ కొనసాగుతుంది. ఆ వస్తువు ఏంటి? అందులో ఏముంది ? చివరకు ఆ వస్తువు హీరోకు దొరికిందా లేదా ! అనే ప్లాట్ తో ఈ సినిమా కొనసాగుతుంది. ఇక ఆనంద్ దేవరకొండ విషయానికొస్తే.. అతను ఇప్పటికే ఎన్నో మంచి మంచి కథలతో ప్రేక్షలను మెప్పించి.. గత సంవత్సరం బేబీ సినిమాతో బ్లాక్ బస్టర్ హిట్ అందుకున్నాడు. మరి ఈ సినిమా లాంగ్ రన్ లో ఏ మేరకు ప్రేక్షకులను మెప్పిస్తుందో వేచి చూడాలి.