iDreamPost
android-app
ios-app

VIRAL NEWS: Fish Pram చేపలకి వాకింగ్ చేయిస్తున్న యువకుడు.సెటప్ చూస్తే ఆశ్చర్యపోతారు..

  • Published Apr 30, 2022 | 6:18 PM Updated Updated Apr 30, 2022 | 8:04 PM
VIRAL NEWS: Fish Pram చేపలకి వాకింగ్ చేయిస్తున్న యువకుడు.సెటప్ చూస్తే ఆశ్చర్యపోతారు..

మనం ఒకేచోట కదలకుండా కూర్చోవడం చాలా కష్టం.అలా బయటకి వెళ్ళాలి అనిపిస్తుంది. మనకే కాదు మన పెంపుడు జంతువులకి కూడా అలాగే ఉంటుందని అప్పుడప్పుడు బయటకి తీసుకెళతాం. మరి ఆక్వేరియంలో ఉండే చేపల సంగతి ఏంటి? అవి ఎప్పుడూ ఆ గాజు సీసాల్లోనే, ఆ రూమ్ లోనే ఉంటాయి. తాజాగా ఓ యువకుడు చేపలకి బయట తిరగాలని ఉండదా? అవి కూడా పెంపుడు జంతువులు లాంటివే అని ఆలోచించి రోజూ చేపల్ని సరదాగా వాకింగ్ కి తీసుకెళ్లడం మొదలుపెట్టాడు.

తైవాన్‌లో ఓ వ్యక్తి చిన్నపిల్లల్ని కూర్చోపెట్టి తోలుకెళ్లే లాంటి ఓ పరికరాన్ని తయారుచేశాడు. దానికి ఓ రౌండ్ ఆక్వేరియంని బిగించాడు. తన ఇంట్లో ఆక్వేరియంలో ఉండే చేపల్ని ప్రతి రోజూ ఆ ప్రామ్ వెహికల్ కి ఉన్న ఆక్వేరియంలోకి మార్చి వాకింగ్ కి తీసుకెళ్తాడు ఆ యువకుడు. తన బుల్లి చేపలకు తైపీ నగరాన్ని మొత్తం తిప్పి చూపిస్తున్నాడు. చిన్నపిల్లల ప్రామ్‌లాగే చేపలకోసం తయారు చేసిన వాకింగ్ ఆక్వేరియం సహాయంతో తన చేపలను నగర వీధుల్లో తిప్పుతున్నాడు.

ఈ వ్యక్తికి ‘హువాంగ్ జియాజీ అకా జెర్రీ’ అనే ఓ యూట్యూబ్ ఛానెల్ ఉంది. అందులో తాను తయారుచేసిన చేపల ప్రామ్ వీడియోను పోస్ట్ చేశాడు. ఇతని దగ్గర మూడు గోల్డెన్ ఫిష్‌లు ఉన్నాయి. ఆ గోల్డెన్ ఫిష్ లని వాకింగ్ ఆక్వేరియంలోకి మార్చి, సాయంత్రం అందరూ తమ పిల్లలు, పెంపుడు జంతువులను పార్క్‌కి తీసుకెళ్తుంటే ఇతను మాత్రం తన చేపల్ని వాకింగ్ కి తీసుకెళ్తున్నాడు. తైపీలో ఈ వాకింగ్ ఆక్వేరియం చూసిన ప్రజలంతా ముచ్చటపడి ఆ చేపలతో ఫోటో దిగుతున్నారు. ఇక ఇతని గురించి ఫోటోలు, వీడియోల రూపంలో తెలుసుకున్న వారంతా ఆ చేపల్ని, అతని వాకింగ్ ఆక్వేరియంని చూసి ఆశ్చర్యపోతున్నారు. ప్రస్తుతం ఈ వాకింగ్ ఆక్వేరియం సోషల్ మీడియాలో వైరల్‌.