కేరళ అసెంబ్లీలో ఆసక్తికరమైన పరిణామం చోటు చేసుకుంది. కేరళలోని వామపక్ష సర్కారు కేంద్రం అమలు చేస్తున్న సీఏఏ వంటి విధానాలను వ్యతిరేకిస్తోంది. ఈ మేరకు అసెంబ్లీలో తీర్మానం కూడా చేసారు. ఈ మేరకు కేరళ గవర్నర్ ఆరిఫ్ మహ్మద్ ఖాన్ బుధవారం ఆ తీర్మానానికి సంబంధించిన కాపీని చదవాల్సి వచ్చింది. ‘ఆ తీర్మానం తన అభిప్రాయానికి అనుగుణంగా లేనప్పటికీ ముఖ్యమంత్రి పట్టుబట్టి మరీ ఆ తీర్మానాన్ని చదవమన్నారని, అందుకే చదువుతున్నానని అన్నారు. దీంతో మొత్తం సభలో గందరగోళం నెలకొంది. ఇదిలా ఉండగా సభ ప్రారంభానికి ముందే సభ్యులు సీఏఏ ను వ్యతిరేకిస్తూ ప్ల కార్డులతో గవర్నర్ కు ఎదురొచ్చారు. గవర్నర్ గో బ్యాక్ అంటూ నినదించారు.
