వన్డే వరల్డ్ కప్-2023లో చిరకాల ప్రత్యర్థి పాకిస్థాన్ మీద టీమిండియా మరోమారు ఆధిపత్యం చెలాయించిన సంగతి తెలిసిందే. రీసెంట్గా ప్రపంచ కప్లో పాక్ను భారత్ చిత్తుగా ఓడించింది. కాంపిటీషన్ టఫ్గా ఉంటుందనుకున్న మ్యాచ్ కాస్తా వన్ సైడ్ కావడంతో అభిమానులు తీవ్ర నిరాశకు లోనయ్యారు. కనీసం ఫైట్ చేయకుండానే బాబర్ సేన చేతులెత్తేయడంతో ఆ దేశ క్రికెట్ ఫ్యాన్స్ కోపంతో రగిలిపోతున్నారు. దీంతో వరల్డ్ కప్లో నెక్స్ట్ జరిగే మ్యాచుల్లో టీమిండియా ఓడిపోవాలని కోరుకుంటున్నారు. ఈ నేపథ్యంలో పాకిస్థాన్కు చెందిన స్టార్ నటి సెహర్ షిన్వారి ఓ సంచలన ప్రకటన చేసింది.
అక్టోబర్ 19వ తేదీన భారత్, బంగ్లాదేశ్ నడుమ మ్యాచ్ జరగనుంది. ఈ మ్యాచ్లో గనుక టీమిండియాను బంగ్లా ఓడిస్తే.. బంగ్లాదేశ్ ప్లేయర్తో తాను డిన్నర్ డేట్కు వెళ్తానని సోషల్ మీడియా వేదికగా ప్రకటించింది నటి సెహర్ షెన్వారి. ‘దేవుడా.. భారత్ను బంగ్లాదేశ్ ఓడిస్తే వెంటనే ఢాకాకు వెళ్లి ఆ దేశ కుర్రాడితో డిన్నర్ డేట్కు వెళ్తా’ అని సెహర్ తన ట్విట్టర్ అకౌంట్లో పోస్ట్ చేసింది. నటిగా మంచి పాపులారిటీ తెచ్చుకున్న సెహర్ షిన్వారి గతంలోనూ పలు వివాదాస్పద పోస్టులు చేసింది. ఈ సంవత్సరం ఆసియా కప్లో సూపర్-4 మ్యాచ్లో ఇండియాతో జరిగిన మ్యాచ్లో పాక్ ఓటమిపాలైన విషయం తెలిసిందే. అప్పుడు దాయాది జట్టు కెప్టెన్ బాబర్ ఆజం, టీమ్మేట్స్ మీద కేసు పెడతానంటూ నెట్టింట పోస్ట్ పెట్టింది సెహర్.
పాక్ ప్లేయర్లు ప్రతిసారి క్రికెట్ ఆడేందుకు బదులు దేశ ప్రజల ఫీలింగ్స్తో ఆడుకుంటున్నారని అప్పట్లో సెహర్ షిన్వారి ఆరోపించింది. ఇక, సెహర్ పర్సనల్ లైఫ్ విషయానికొస్తే.. ఆమె పాక్లోని సింధ్ ప్రావిన్స్లోని హైదరాబాద్లో జన్మించింది. షిన్వారి తెగకు చెందిన సెహర్ నటిగా బాగా రాణిస్తోంది. మొదట్లో ఆమె యాక్టింట్ వైపు వెళ్తానంటే కుటుంబ సభ్యులు ఒప్పుకోలేదు. అయితే పట్టువిడవకుండా తన డ్రీమ్ను నిజం చేసుకుంది సెహర్. 2014లో ‘సైర్ సావా సైర్’ అనే కామెడీ సీరియల్ ద్వారా ఆమె టెలివిజన్ ఎంట్రీ ఇచ్చింది. మరి.. భారత్ను ఓడిస్తే డేట్కు వస్తానంటూ పాక్ నటి డేరింగ్ కామెంట్స్ చేయడంపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: షమి బదులు శార్దూల్ ఎందుకు? కారణం ఆ గుడ్డి నమ్మకమేనా?
InshAllah my Bangali Bandu will avenge us in the next match. I will go to dhaka and have a fish dinner date with Bangali boy if their team managed to beat India ✌️❤️ 🇧🇩
— Sehar Shinwari (@SeharShinwari) October 15, 2023
