దేశంలో కరోనా వైరస్ వ్యాప్తి నియంత్రణలోకి రాని నేపథ్యంలో వచ్చే నెల 3వ తేదీ వరకు లాక్ డౌన్ పొడిగించిన విషయం తెలిసిందే. నిన్న లాక్ డౌన్ పొడిగింపు పై నిన్న ప్రకటన చేసిన ప్రధాని నరేంద్రమోదీ అందుకు సంబంధించిన మార్గదర్శకాలను ఈ రోజు విడుదల చేస్తామని చెప్పారు. ఈ మేరకు తాజాగా రెండో విడత లాక్ డౌన్ పై కేంద్రం మార్గదర్శకాలను విడుదల చేసింది.
– మే 3 వరకు అన్ని రైళ్ళు విమానాలు మెట్రో సర్వీసులను పూర్తిగా రద్దు.
– హాట్ స్పాట్ లో నిబంధనలు మరింత కఠినంగా అమలు.
– బయటికి వచ్చే వారు తప్పనిసరిగా మాస్కు ధరించాలి.
– స్పోర్ట్స్ కాంప్లెక్స్ లు, స్విమ్మింగ్ పూల్స్ మే 3 వరకు నిషేధం.
– ఏప్రిల్ 20వ తేదీ నుంచి వ్యవసాయ రంగానికి మినహాయింపు.
– ఏప్రిల్ 20 తర్వాత నిర్దేశిత పరిశ్రమలు, వాణిజ్య కార్యకలాపాలకు అనుమతి.
– క్రయ, విక్రయాల కోసం మండీలకు అనుమతి.
– బహిరంగ ప్రదేశాల తో పాటు కార్యాలయాల్లోనూ మాస్కులు ధరించడం తప్పనిసరి.
– ఏప్రిల్ 20 లోపు వైరస్ కట్టడి జరిగిన ప్రాంతాల్లోనే ఈ మార్గదర్శకాలు వర్తిస్తాయి.
– ఆన్లైన్ షాపింగ్, ఇ-కామర్స్ కు అనుమతి.
– రాష్ట్రాల మధ్య అన్ని రకాల రవాణా లు బంద్.
– గ్రామీణ ప్రాంతాల్లో పరిశ్రమలు నిర్వహణకు అనుమతి.
– పరిమితంగా నిర్మాణ రంగ పనులకు అనుమతి.
– కాఫీ తేయాకు పంటల్లో 50శాతం కూలీలకు అనుమతి.
– పట్టణ ప్రాంతాల్లో లేని ఫుడ్ ప్రాసెసింగ్ యూనిట్ల కు అనుమతి.
– పరిశ్రమల్లో 50శాతం కార్మికులకు అనుమతి.
– కార్మికుల రవాణా వాహనాల్లో 30 40 శాతం మందికి మాత్రమే అనుమతి.
– పరిశ్రమల్లో కి రాను పోను మార్గాల్లో శానిటైజేర్లు తప్పనిసరి.
– గుట్కాలు, పొగాకు అమ్మకాలు పూర్తిగా నిషేధం.
– మత ప్రార్థనలు, దైవ కార్యక్రమాలకు పూర్తిగా నిషేధం.
– బహిరంగ ప్రదేశాల్లో ఉమ్మితే జరిమాన.
– అంత్యక్రియలకు 20 మంది మాత్రమే అనుమతి.
– విద్యాసంస్థల కార్యకలాపాలు పూర్తిగా నిషేధం.
