Bigg Boss 6 Telugu: బిగ్‌బాస్ షోకి ఐటం గర్ల్‌, బ్యూటీస్, జ‌బ‌ర్ధ‌స్త్ కామెడీ స్టార్లు, కొత్త ట్విస్ట్ లు

బిగ్‌బాస్‌ షో ఆరో సీజన్‌ కోసం భారీగా కసరత్తులు జరుగుతున్నాయి. ఈసారి సెట్ తోపాటు కంటిస్టెంట్స్ మీద బాగా దృష్టిపెట్టారు. ముందున్న ఐదుసీజ‌న్స్ క‌న్నా ఈసారి బిగ్‌బాస్‌ హౌస్ అదిరిపోనుంది. ఎంట్ర‌న్స్ నుంచి లోప‌ల‌ బెడ్‌రూమ్‌, హాల్ వ‌ర‌కు అన్నీ క్రియేటీవ్ గా ఉండ‌నున్నాయి. ఇప్ప‌టిదాకా అటు నాగార్జున‌, ఇటు కంటెస్టెంట్లే షోను లాక్కొస్తున్నారుకాని, ఎలాంటి ట్విస్ట్లు, గేమ్స్ లేవ‌న్న‌ది ఒక విమ‌ర్శ‌. అందుకే ఎంపిక దగ్గర నుంచి ఎలిమినేషన్స్‌ వరకు అన్నీ కొత్త‌గా ఉండేలా ప్లాన్ చేశారు. మ‌రి కంటెస్టెంట్లు ఎవరు? .

అమలాపురం అంటూ ఐటం సాంగ్‌తో పాపుల‌ర్ అయి, అప్పుడ‌ప్పుడు క‌నిపించే అభినయ శ్రీ ఈసారి హౌస్‌లో స్పెష‌ల్ ఎట్రాక్ష‌న్స్. అమ్మ‌డు యాటిట్యూడ్, డాన్సింగ్ స్కిల్స్ తో హౌస్ లో ఫైర్ పుట్టించ‌వ‌చ్చ‌న్న‌ది టాక్. నటుడు బాలాదిత్య, యూట్యూబర్ ఆదిరెడ్డి, గలాటా గీతూ, నువ్వు నాకు నచ్చావ్‌ ఫేమ్‌ పింకీ( సుదీప)లాంటి తెలిసిన ముఖాలున్నాయి. ఆర్జీవీ మెచ్చుకున్న‌ బ్యూటీ ఇనయ సుల్తానా ఈసారి హౌస్ కి గ్లామ‌ర్ తీసుకొనిరావ‌డం ఖాయం. ఇక ఎప్ప‌టిలాగే జబర్దస్త్‌ కమెడియన్లు ఫైమా, చలాకీ చంటి, నటుడు శ్రీహాన్‌, తన్మయ్‌, శ్రీసత్యతోపాటు సింగర్‌ రేవంత్‌, వాసంతి కృష్ణన్‌, యాంకర్‌ ఆరోహి రావు, బుల్లితెర క‌పుల్ రోహిత్‌-మెరీనా అబ్రహం ఈసారి హౌస్ కి రావ‌డం ప‌క్కా. కామన్‌ మ్యాన్ కోటాలో రాజశేఖర్‌, అర్జున్‌ కల్యాణ్‌, దీపిక పిల్లి కంటెస్టెంట్లుగా పాల్గొననున్నట్లు తెలుస్తోంది.

త‌గ్గుతున్న టీఆర్పీని దృష్టిలో పెట్టుకొని నామినేషన్స్‌ టాస్కును బుధవారం ప్రసారం చేయబోతున్నాయి. ఇప్ప‌టిదాకా ఈ టాస్క్ సోమ‌వారం ప్ర‌సారం అయ్యేది. వీక్‌ డేస్‌లో రేటింగ్ కోస‌మే ఈ మార్పు. ఇలా కొత్త‌ద‌నంతో బిగ్‌బాస్‌ తెలుగు ఆరో సీజన్ సెప్టెంబర్‌ 4న సాయంత్రం ఆరు గంటలకు మొదలు కానుంది.