నేడే ఏపీ ఇంటర్ ఫలితాలు.. ఈ సైట్స్ లో చూసుకోండి..

ఇటీవలే ఏపీ పదవ తరగతి ఫలితాలు రిలీజ్ అయ్యాయి. తాజాగా ఆంధ్రప్రదేశ్‌లో ఇంటర్మీడియట్‌ ప్రథమ, ద్వితీయ సంవత్సరం ఫలితాలు నేడు విడుదల కానున్నాయి. నేడు (జూన్ 22) మధ్యాహ్నం 12:30 గంటలకు విజయవాడలో రాష్ట్ర విద్యాశాఖ మంత్రి బొత్స సత్యనారాయణ ఏపీ ఇంటర్ ఫలితాలు విడుదల చేయనున్నారు.

www.bie.ap.gov.in, examresults.ap.nic.in వెబ్‌సైట్‌లలో ఈ ఫలితాలు చూడొచ్చు. మే 6 నుంచి 25 వరకు ఇంటర్‌ పరీక్షలు జరగ్గా, రాష్ట్ర వ్యాప్తంగా 9 లక్షల మందికి పైగా విద్యార్థులు పరీక్షలకు హాజరయ్యారు. ఇవాళ ఏపీ ఇంటర్ పరీక్షా ఫలితాలు విడుదల అవుతుండటంతో విద్యార్థులంతా తమ రిజల్ట్స్ కోసం ఆతృతగా ఎదురు చూస్తున్నారు.