వీడియో: టీచర్స్‌ డే సెలెబ్రేషన్స్‌లో రెచ్చిపోయిన టీచర్‌!

దేశ వ్యాప్తంగా టీచర్స్‌ డే సెలెబ్రేషన్స్‌ చాలా చక్కగా జరిగాయి. విద్యార్థులు టీచర్స్‌ డేను ఎంతో అద్భుతంగా సెలెబ్రేట్‌ చేశారు. ప్రస్తుతం దేశ వ్యాప్తంగా జరిగిన టీచర్స్‌ డే సెలెబ్రేషన్స్‌కు సంబంధించిన వీడియో సోషల్‌ మీడియాలో వైరల్‌గా మారాయి. వీటిలో కొన్ని నవ్వు తెప్పించేదిలా ఉన్నాయి. ఓ వీడియోలో.. యువకుడు టీచర్స్‌ డే సెలెబ్రేషన్స్‌లో ఊహించని విధంగా గురువు చేతిలో దెబ్బలు తిన్నాడు. టీచర్స్‌ డే అని కూడా చూడకుండా ఆ గురువు.. విద్యార్థి వీపు విమానం మోత మోగించాడు.

ఆ వివరాల్లోకి వెళితే.. ఉత్తర భారత దేశంలోని ఓ స్కూల్లో టీచర్స్‌ డేను పురస్కరించుకుని విద్యార్థులు కేక్‌ కటింగ్‌ కార్యక్రమానికి శ్రీకారం చుట్టారు. క్లాస్‌ను అందంగా డెకరేట్‌ చేశారు. ఓ పెద్ద కేకు తెచ్చి తమ ఉపాధ్యాయుడి టేబుల్‌ మీద పెట్టి కోయమన్నారు. పిల్లలందరూ ఆయన టేబుల్‌ చుట్టూ కూర్చున్నారు. ఉపాధ్యాయుడు కేక్‌ కట్‌ చేస్తుండగా.. అందరూ కేకలు వేస్తూ.. చప్పట్లు కొట్టసాగారు. ఓ విద్యార్థి మాత్రం ఫోమ్‌ బాటిల్‌ను ఆ ఉపాధ్యాయుడిపై స్ప్రే చేయసాగాడు. దీంతో ఆయన తలపై పెద్ద ఎత్తున ఫోమ్‌ పడింది.

ఆ విద్యార్థి అంతటితో ఆగకుండా ఉపధ్యాయుడి దగ్గరికి వెళ్లి.. పక్కవారిపై ఫోమ్‌ స్ప్రే చేయసాగాడు. అతడు అలా చేస్తుండటంతో ఆయనకు కోపం వచ్చింది. వెంటనే విద్యార్థి చొక్కా పట్టుకుని టేబుల్‌ మీదకు లాగాడు. తర్వాత అతడి వీపుపై రెండు, మూడు దెబ్బలు వేశాడు. ఈ ఊహించని పరిణామంతో విద్యార్థితో పాటు అక్కడివారంతా షాక్‌ అయ్యారు. మరి, టీచర్స్‌ డే రోజున తింగరి పని చేసి ఉపాధ్యాయుడితో దెబ్బలు తిన్న ఆ యువకుడి ఉదంతపై మీ అభిప్రాయాలను కామెం‍ట్ల రూపంలో తెలియజేయండి.

Teacher’s day is incomplete without this videopic.twitter.com/R6P4Tn33b2

— RVCJ Media (@RVCJ_FB) September 5, 2023