ఈసారి ఛాంపియన్ తో రోషన్ సరికొత్తగా..

పెళ్లి సందడితో ఇండస్ట్రీలోకి ఎంట్రీ ఇచ్చాడు శ్రీకాంత్ వారసుడు రోషన్. అనుకున్నంత రేంజ్ లో డెబ్యూ మూవీ హిట్ అందుకోలేకపోయింది. ఆ తర్వాత రోషన్ సినిమాలకు గ్యాప్ తీసుకున్నాడు. మధ్యలో ఒకటి రెండు ప్రాజెక్ట్స్ ఓకే అయ్యి ఆగిపోయిన అదే వైజయంతి బ్యానర్స్ తో రెండు అడుగు వేస్తున్నాడు. ఈ సినిమా పేరు ఛాంపియన్. తాజాగా ఈ సినిమా ట్రైలర్ ను రామ్ చరణ్ చేతుల మీదుగా రిలీజ్ చేయించారు.

ఇప్పటివరకు సినిమా గురించి ఏ ఒక్క విషయం కూడా బయటకు రానివ్వకుండా జాగ్రత్త పడ్డారు టీం . ఇక ఇప్పుడు ఒకేసారి ట్రైలర్ రిలీజ్ చేసి షాక్ ఇచ్చారు. ఈ సినిమాను డిసెంబర్ 25న రిలీజ్ చేయనున్నారు. ట్రైలర్ ను గమనిస్తే.. 1947లో భారతదేశానికి స్వతంత్రం వచ్చిన తర్వాత కూడా.. తెలంగాణ లో ఉండే భైరాన్ పల్లి ఇంకా రజాకార్ల చేతుల్లోనే ఉంటుంది. ఆ ఊరిలో ఎవరు ఎదురు తిరిగినా వాడికి మరణమే . ఇక అదే గ్రామంలో రోషన్ ఫుట్ బాల్ ఆట ద్వారా విదేశాలకు వెళ్లాలని అనుకుంటాడు. కానీ ఆ ఊరి కట్టుబాట్ల వలన అతను ఎక్కడికి కదలలేక పోతాడు.

ఇక అదే ఊరిలో నాటకాలు వేసుకునే అమ్మాయి అనస్వర రాజన్ .. ఈమెను రోషన్ ప్రేమించడం ద్వారా యుద్ధ భూమిలో అడుగు పెట్టె పరిస్థితి వస్తుంది. ఆ తర్వాత ఏమి జరిగింది ? బ్రిటిషర్లు వెళ్లిపోయిన తర్వాత కూడా అక్కడ ఎందుకు ఘోరాలు జరిగాయి ? ఇవన్నీ తెలియాలంటే డిసెంబర్ 25న ఈ సినిమా చూడాల్సిందే. రోషన్ కు ఈ సినిమా మంచి హిట్ ను అందిస్తుందని చెప్పొచ్చు. ఎందుకంటే అతని యాక్టింగ్ లో చాలానే ఇంప్రూవ్మెంట్ కనిపించింది. ఇక ఏమౌతుందో చూడాలి. మరి ఈ అప్డేట్ పై మీ అభిప్రాయాలను కామెంట్స్ రూపంలో తెలియజేయండి.