sai
ఆధార్ కార్డు ఉచిత అప్ డేట్ విషయంలో యూనిక్ ఐడెంటిఫికేషన్ అథారిటీ ఆఫ్ ఇండియా కీలక నిర్ణయం తీసుకున్నది. ఉచితంగా అప్ డేట్ చేసుకునేందుకు గడువును మరోసారి పొడిగించింది. ఎప్పటి వరకు అంటే?
ఆధార్ కార్డు ఉచిత అప్ డేట్ విషయంలో యూనిక్ ఐడెంటిఫికేషన్ అథారిటీ ఆఫ్ ఇండియా కీలక నిర్ణయం తీసుకున్నది. ఉచితంగా అప్ డేట్ చేసుకునేందుకు గడువును మరోసారి పొడిగించింది. ఎప్పటి వరకు అంటే?
sai
కేంద్ర ప్రభుత్వం భారత పౌరులకు జారీ చేసిన ఆధార్ కార్డులు ఎంతో ఉపయోగకరంగా మారాయి. నేడు ప్రభుత్వ పథకాల ప్రయోజనాలు పొందాలన్నా, వాహనాలు, ఆస్తులు కొనుగోలు చేయాలన్నా ఆధార్ కార్డులు కీలకంగా మారాయి. ఆధార్ కార్డుపై ఆ వ్యక్తికి సంబంధించిన పేరు, అడ్రస్, వయసు వంటి వివరాలు ఉంటాయి. దీన్ని గుర్తింపు పత్రంగా కూడా ఉపయోగించుకోవచ్చు. అయితే కొంత కాలం నుంచి యూనిక్ ఐడెంటిఫికేషన్ అథారిటీ ఆఫ్ ఇండియా 10 సంవత్సరాల నుంచి ఆధార్ కార్డు అప్ డేట్ చేసుకోని వారు త్వరగా చేసుకోవాలని సూచిస్తున్నది. ఇందుకోసం ఉచితంగా అప్ డేట్ చేసుకునేందుకు గడువు విధించింది. అయితే ఈ గడువు జూన్ 14తో ముగియనున్నది. ఈ నేపథ్యంలో యూఐడీఏఐ కీలక నిర్ణయం తీసుకుంది. మరోసారి గడువును పెంచింది. ఎప్పటి వరకంటే?
యూఐడీఏఐ నిబంధనల ప్రకారం.. ప్రతి పదేళ్లకోసారి ఆధార్ వివరాలను అప్డేట్ చేసుకోవాల్సి ఉంటుంది. మరి మీరు మీ ఆధార్ కార్డును ఇంకా అప్ డేట్ చేసుకోలేదా? అయితే టెన్షన్ పడాల్సిన పనిలేదు. ఆధార్ వివరాలను ఉచితంగా అప్డేట్ చేసుకునేందుకు కేంద్రం ఇచ్చిన గడువు రేపటితో ముగుస్తుండడంతో యూఐడీఏఐ కీలక నిర్ణయం తీసుకుంది. ఆధార్ కార్డును ఫ్రీగా అప్ డేట్ చేసుకునేందుకు గడువును మరో మూడు నెలలు పొడిగిస్తున్నట్లు ప్రకటించింది. 2024 జూన్ 14తో గడువు ముగియనుండగా.. తాజాగా సెప్టెంబర్ 14 వరకు పెంచింది. దీంతో ఆధార్ కార్డులో చిరునామా మార్పులు చేసుకోవాలనుకొనేవారు వెంటనే ఆన్లైన్లో ఉచితంగా అప్డేట్ చేసుకోవచ్చు. ఉచిత సేవలు ‘మై ఆధార్’ పోర్టల్ ద్వారా మాత్రమే అందుబాటులో ఉంటాయి. గడువు ముగిసిన తర్వాత అప్ డేట్ చేసుకుంటే ఛార్జీలు చెల్లించాల్సి వస్తుంది.
