Karnataka Obscene Videos Case: ఎన్నికల వేళ వెలుగు చూసిన సెక్స్‌ కుంభకోణం కర్ణాటకను కుదిపేస్తుంది. మాజీ ప్రధాని దేవేగౌడ మనవడు, హసన్ ఎంపీ ప్రజ్వల్ రేవన్న మీద లైంగిక వేధింపులు వచ్చాయి. దీనికి సంబంధించి పూర్తి వివరాలు మీకోసం..
Karnataka Obscene Videos Case: ఎన్నికల వేళ వెలుగు చూసిన సెక్స్‌ కుంభకోణం కర్ణాటకను కుదిపేస్తుంది. మాజీ ప్రధాని దేవేగౌడ మనవడు, హసన్ ఎంపీ ప్రజ్వల్ రేవన్న మీద లైంగిక వేధింపులు వచ్చాయి. దీనికి సంబంధించి పూర్తి వివరాలు మీకోసం..
2024 పార్లమెంట్‌ ఎన్నికల వేళ.. కర్ణాటకను లైంగిక వేధింపుల ఆరోపణలు, వీడియోలు కుదిపేస్తున్నాయి. మాజీ ప్రధాన మంత్రి హెచ్డీ దేవేగౌడ మనవడు, హసన్ జేడీఎస్ ఎంపీ ప్రజ్వల్ రేవన్నపై ఓ మహిళ సంచలన ఆరోపణలు చేసింది. అతడు తనను లైంగికంగా వేధింపులకు గురి చేశాడని ఆరోపించింది. ఇందుకు సంబంధించి అశ్లీల దృశ్యాల ఫొటోలు, వీడియోలు సోషల్‌ మీడియాలో వైరల్‌ కావడంతో.. ఈ ఘటన దేశవ్యాప్తంగా సంచలనంగా మారింది. రేవన్నపై వచ్చిన ఆరోపణలతో బీజేపీ ఇరకాటంలో పడింది. కారణం.. ప్రస్తుతం కర్ణాటకలో కమలం పార్టీ.. జేడీఎస్‌తో పొత్తు కుదుర్చుకుంది. ఇప్పుడు ఆ పార్టీ కీలక నేతపై ఇలాంటి ఆరోపణలు రావడంతో.. కాషాయ పార్టీ ఇబ్బందికర పరిస్థితులు ఎదుర్కొంటుంది. ఇక దీనిపై విచారించేందుకు కర్ణాటకలో అధికారంలో ఉన్న కాంగ్రెస్‌ ప్రభుత్వం సిట్‌ను నియమించింది.
మాజీ ప్రధాని, జేడీఎస్ నేత హెచ్డీ దేవేగౌడ మనవడు, హెచ్డీ రేవన్న కొడుకు ప్రజ్వల్ రేవన్న. ప్రస్తుతం ఆయన హసన్ నియోజకవర్గానికి ఎంపీగా ఉన్నారు. 2024 లోక్సభ ఎన్నికల రెండో దశలో భాగంగా.. ఆయన బరిలో దిగిన హసన్ నియోజకవర్గంలో శుక్రవారం పోలింగ్ జరిగింది. ఇక ఆరోపణల విషయానికి వస్తే.. సోషల్‌ మీడియాలో వైరల్‌ అవుతున్న వీడియోలు, ఫొటోల్లో.. ఎంపీ ప్రజ్వల్ రేవన్న ఓ మహిళపై లైంగిక దాడి జరుపుతున్న దృశ్యాలు ప్రచారం అవుతున్నాయి. ఇక బాధితురాలు ప్రజ్వల్ రేవన్న ఇంట్లో పని చేసినట్టు తెలుస్తోంది. ఆమె ఫిర్యాదుతో.. రేవన్నపై పోలీసులు ఎఫ్ఐఆర్ నమోదు చేశారు. బాధితురాలు రేవన్నతో పాటు.. అతడి తండ్రి హెచ్డీ రేవన్నపైనా ఆరోపణలు చేసింది.
ఈ సందర్భంగా బాధితురాలు మాట్లాడుతూ.. ‘‘హెచ్డీ రేవన్న, ఆయన కుమారుడు ప్రజ్వల్ రేవన్నలు.. తమ ఇంట్లో పనిచేసే మహిళా సిబ్బందిపై లైంగిక దాడికి పాల్పడేవారు. వారిలో నేను కూడా ఉన్నాను. నేను ఉద్యోగంలో చేరిన నాలుగో నెలకు.. నన్ను ప్రజ్వల్ రేవన్న తన క్వార్టర్స్కి పిలిచి.. వేధింపులకు గురి చేశాడు. ఇక తన భార్య ఇంట్లో లేని సమయంలో రేవన్న మహిళా సిబ్బందిని స్టోర్రూమ్కి పిలిచేవాడు. పండ్లు ఇస్తున్నట్టు నటించి.. మమ్మల్ని ముట్టుకునేవాడు. మా చీరలకు పిన్నులు తీసేసి, లైంగిక దాడి చేసేవాడు. ఇంట్లో మొత్తం ఆరుగురు మహిళా సిబ్బంది ఉన్నారు. జాగ్రత్తగా ఉండాలని అక్కడ పని చేసే మగవాళ్లు మాకు చెప్పేవారు’’అని చెప్పుకొచ్చింది.
అంతేకాక ప్రజ్వల్ రేవన్న.. వీడియో కాల్స్లో తన కూతురితోనూ అసభ్యకరంగా ప్రవర్తించినట్టు బాధితురాలు వెల్లడించింది. అతడు చాలాసార్లు తనకు వీడియో కాల్స్ చేసి అసభ్యంగా మాట్లాడటం వంటివి చేయడం చేశాడన‍్నది. ఒకవేళ కాల్‌ లిఫ్ట్‌ చేయకపోతే.. పదే పదే ఫోన్‌ చేసేవాడనకి.. దాంతో తన కుమార్తే.. ప్రజ్వల్ రేవన్న నెంబర్ని బ్లాక్ చేసినట్టు వివరించింది. తనతో పాటు చాలా మంది బాధితులు ఉన్నారని చెప్పుకొచ్చింది. కాగా.. బాధితురాలు.. ప్రజ్వల్ రేవన్నకు బంధువని తెలుస్తోంది. ఆమె.. హెచ్డీ రేవన్న భార్య భవానీ రేవన్నకు బంధువని సమాచారం.
లైంగిక ఆరోపణల నేపథ్యంలో.. ఆదివారం ఉదయం ప్రజ్వల్ రేవన్న ఇండియాని విడిచి.. జర్మనీ వెళ్లారు. దేశం విడిచి వెళ్లే ముందు ముందు ఆయన కూడా పోలీసు కేసు పెట్టారు. వీడియోలను మార్ఫ్ చేసి, తనని ఇరికిస్తున్నారని పేర్కొన్నారు. మరోవైపు.. ఇదంతా రాజకీయ కుట్ర అని, ప్రజ్వల్ రేవన్న పేరును చెడగొట్టేందుకు, ఎన్నికల్లో ఓడించేందుకు ఇలాంటి పనులు చేస్తున్నారని.. బీజేపీ, జేడీఎస్ ఎలక్షన్ ఏజెంట్ ఆరోపించారు.
ప్రజ్వల్ రేవన్నపై వచ్చిన లైంగిక దాడి ఆరోపణల మీద.. కర్ణాటక మాజీ ముఖ్యమంత్రి హెచ్డీ కుమారస్వామి స్పందించారు. ‘‘నేరం ఎవరు చేసినా శిక్ష పడాల్సిందే. కానీ సిట్ బృందం దర్యాప్తు ముగిసేంతవరకు వేచి చూద్దాం. వాస్తవాలు వెలుగులోకి వస్తాయి. ఈ ఆరోపణలపై సిట్ దర్యాప్తునకు ఆదేశించారు. ఒకవేళ.. ప్రజ్వల్ రేవన్న దేశాన్ని విడిచిపెట్టి వెళ్లిపోతే.. ఆయన్ని వెనక్కి తీసుకొచ్చే బాధ్యత.. సిట్ టీమ్దే’’ అన్నారు. అయితే ఈ వ్యవహారంపై బీజేపీ మౌనంగా ఉంది. ప్రజ్వల్ రేవన్నకు సంబంధించిన అశ్లీల వీడియోలకు, తమకు సంబంధం లేదని బీజేపీ స్పష్టం చేసింది.
