కుర్చీలతో చితక్కొట్టుకున్న కబడ్డీ ప్లేయర్స్! వైరల్ వీడియో!

ఇటీవల బంగ్లాదేశ్ లో జరిగిన సెలబ్రిటీ క్రికెట్ లీగ్ లో ఆటగాళ్లు పొట్టు పొట్టు కొట్టుకున్న విషయం తెలిసిందే. ఇరు ఆటగాళ్లు ఒకరిపై ఒకరు ఇష్టమొచ్చినట్లుగా దాడి చేసుకున్నారు. దీనికి సంబంధించిన వీడియో కూడా వైరల్ అయ్యాయి. అయితే ఈ ఘటన మరువక ముందే తాజాగా కబడ్డీ ఆటగాళ్లు కోర్ట్ లోనే కొట్టుకున్నారు. ఇదే వీడియోలు ఇప్పుడు సోషల్ మీడియాలో కాస్త వైరల్ గా మారుతున్నాయి. ఇంతకు వీళ్లు ఎందుకు కొట్టుకున్నారు? ఈ ఘటన ఎక్కడ జరిగిందంటే?

పూర్తి వివరాల్లోకి వెళ్తే.. కాన్పూర్ ఐఐటీలో శనివారం వార్షిక క్రీడా కార్యక్రమం నిర్వహించారు. ఇందులో భాగంగానే వైఎంసీఏ-ఎన్ఎస్ యూటీ జట్ల మధ్య కబడ్డీ పోటీ జరిగింది. అయితే ఈ క్రమంలోనే ఉన్నట్టుండి ఇరుజట్ల ఆటగాళ్లు కుర్చీలతో ఒకరిపై ఒకరు విచక్షణా రహితంగా దాడి చేసుకున్నారు. వీళ్లు దాడి చేసుకుంటుండగా కొందరు వ్యక్తులు వీడియోలు తీశారు. అదే వీడియోలు ఇప్పుడు సోషల్ మీడియాలో కాస్త వైరల్ గా మారుతున్నాయి. అయితే వీరి ఘర్షణకు కారణం తెలియాల్సి ఉంది.

• ఇది కూడా చదవండి: కలలో ప్రేయసితో పెళ్లి.. నిజం చేసేందుకు ప్రయత్నించి..