ప్రముఖ నటుడు, ‘జబర్దస్త్’ ఫేమ్ పంచ్ ప్రసాద్ కిడ్నీ సమస్యతో బాధపడుతున్న సంగతి తెలిసిందే. తాజాగా ఆయనకు ఆపరేషన్ జరిగింది. ప్రసాద్కు యశోద హాస్పిటల్లో శస్త్ర చికిత్స జరిగిందని యూట్యూబ్ ద్వారా ఆయన భార్య సునీత తెలిపింది. ప్రస్తుతం ఈ స్టార్ కమెడియన్ ఆరోగ్యం నిలకడగా ఉన్నట్లు సమాచారం. రెండు కిడ్నీలు పాడైపోవడంతో కొన్నాళ్లుగా ఆయన డయాలసిస్ చేయించుకుంటూ వచ్చారు. అయితే ఆరోగ్యం విషమించడంతో ఆపరేషన్ ద్వారా కిడ్నీల మార్పిడి చేస్తేనే ఆయన ప్రాణాలు నిలుస్తాయని డాక్టర్లు చెప్పారు.
పంచ్ ప్రసాద్ ఆపరేషన్కు భారీగా ఖర్చవుతుందని వైద్యులు తెలిపారు. ఇదే విషయాన్ని మరో జబర్దస్త్ నటుడు నూకరాజు కొన్ని రోజుల కింద ఓ వీడియోలో చెప్పారు. కిడ్నీ ట్రాన్స్ప్లాంటేషన్ కోసం భారీగా ఖర్చవుతుందని.. అంత ఖర్చును పంచ్ ప్రసాద్ భరించలేడని, ఎవరైనా సాయం చేయాలని ఆయన కోరిన విషయం విదితమే. ఆ టైమ్లో ప్రముఖ జ్యోతిష్యులు వేణు స్వామి కూడా పంచ్ ప్రసాద్కు రూ.లక్ష సాయం చేశారు. అలా పలువురు చేసిన ఆర్థిక సాయంతో పంచ్ ప్రసాద్ ఆపరేషన్ విజయవంతమైంది.
పంచ్ ప్రసాద్ హెల్త్ కండీషన్ విషయాన్ని ఏపీ ముఖ్యమంత్రి జగన్ దృష్టికి మంత్రి ఆర్కే రోజా గతంలోనే తీసుకెళ్లారు. ఈ మేరకు స్పందించిన జగన్.. సీఎం రిలీఫ్ ఫండ్ ద్వారా పంచ్ ప్రసాద్కు ట్రీట్మెంట్ అందించాలని ఆదేశించారు. యశోద హాస్పిటల్లో చికిత్స పొందుతున్న పంచ్ ప్రసాద్కు సీఎం రిలీఫ్ ఫండ్ ద్వారా ఏపీ సర్కారు వైద్యం అందించింది. దీని మీద పంచ్ ప్రసాద్ స్పందిస్తూ.. అందరికీ థ్యాంక్స్ చెప్పారు. ఈ కష్టసమయంలో అందరూ అందించిన ప్రేమ, అభిమానాన్ని ఎప్పటికీ మర్చిపోలేనని చెప్పారు. మంత్రి రోజా సాయం చేశారని.. చికిత్సకు కావాల్సిన డబ్బులను సీఎంఆర్ఎఫ్ ద్వారా సీఎం జగన్ మంజూరు చేశారని పేర్కొన్నారు.
ఇదీ చదవండి: ‘లియో’ సాంగ్పై సెన్సార్ కొరడా!
