మురారి రీ-రిలీజ్ క్రేజ్.. ఏకంగా పెళ్లి పత్రిక రెడీ చేసి..!

2001 ఫిబ్రవరి 17 న.. దర్శకుడు కృష్ణ వంశీ రూపొందించిన అద్భుత చిత్రం “మురారి” థియేటర్స్ లో రిలీజ్ అయింది. ఈ సినిమా రిలీజ్ అయ్యి 23 ఏళ్ళు అయినా కూడా ఇప్పటికి టీవీ లో ఈ సినిమా వస్తుందంటే.. కదలకుండా కూర్చుని చూస్తూ ఉంటారు. ఓ మంచి క్లాసిక్ ఫ్యామిలీ ఎంటర్టైనర్ మూవీగా మురారి సినిమా ఎప్పటికి.. మూవీ లవర్స్ మదిలో నిలిచిపోతుంది. ముఖ్యంగా ఈ సినిమాలోని పాటలు.. ఇప్పటికీ అందరి ప్లే లిస్ట్ లో ఆల్ టైమ్ ఫేవరేట్ గా నిలిచిపోయాయి. ఇలా చెప్పుకుంటూ పోతే.. ఈ సినిమా గురించి ఎంత చెప్పినా అది తక్కువే అవుతుంది. ఇక ఇప్పుడు 23 ఏళ్ళ తర్వాత.. ఆగష్టు 9 న మహేష్ పుట్టిన రోజు సందర్బంగా ఈ మూవీ రీరిలీజ్ కానుంది. ఈ రీరిలీజ్ కోసం ఫ్యాన్స్ చేస్తున్న హంగామా అంతా ఇంతా కాదు.

సోషల్ మీడియాలో ఇప్పటికే ఆల్రెడీ ఈ వీడియోను చూసే ఉంటారు. అరే ఇదేంటి ఇలా కూడా చేస్తారా అని అనుకునే ఉంటారు. అదే మురారి మూవీ రిరిలీజ్ ఆహ్వాన పత్రిక . ఇన్విటేషన్స్ ఉండేది పెళ్లిళ్లకు , ఫంక్షన్స్ కు కదా ఉండేది.. ఇలా మూవీస్ కు కూడా ఉంటాయా అంటే.. ప్రస్తుతం సోషల్ మీడియాలో నడుస్తున్న ట్రెండ్ అదే. ఒక రీరిలీజ్ సినిమాకు ఈ రకంగా ఫ్యాన్స్ ప్రమోషన్స్ చేయడం అనేది బహుశా ఇదే మొదటి సారి అయ్యి ఉంటుంది. ఇప్పటివరకు ఎన్నో మూవీస్ రీరిలీజ్ అయ్యాయి.. అయితే ఆ సినిమాలు రిలీజ్ అయినా తర్వాత ఆ సినిమా జోరు సోషల్ మీడియాలో కనిపించేది.. కానీ ఇప్పుడు మాత్రం రిలీజ్ కు ముందే.. మురారి మూవీ ఒక సోషల్ మీడియాను ఒక ఊపు ఊపేస్తోంది. సోషల్ మీడియా ఓపెన్ చేస్తే చాలు ఎక్కడ చూసినా.. మురారి వెడ్స్ వసుంధర, ఆగష్టు 9 న ముహూర్తం , ఘట్టమనేని వారి వివాహం అంటూ.. ఒక పెళ్ళికి ఎలా అయితే ఆహ్వాన పత్రికను సిద్ధం చేస్తారో .. దానికి ఏ మాత్రం తీసిపోకుండా.. ఈ రీరిలీజ్ ఇన్విటేషన్ ను రెడీ చేశారు ఫ్యాన్స్. ప్రస్తుతం ఈ వీడియో సోషల్ మీడియాలో వైరల్ అవుతుంది.

ఇక మురారి సినిమా.. రన్ టైమ్ ను తగ్గించారట మేకర్స్. సుమారు 18 నిమిషాల మూవీని ట్రిమ్ చేసినట్లు సమాచారం. అంటే ఈ సినిమా మొత్తం 2 గంటల 42 నిమిషాల రన్‍టైమ్‍తో.. ఆగష్టు 9 న థియేటర్స్ లో రీరిలీజ్ కానుంది. ఇంకా సినిమా రిలీజ్ కాకముందే.. సోషల్ మీడియాలో ఈ రేంజ్ లో ట్రెండ్ కొనసాగుతుంది. ఇక రిలీజ్ అయ్యాకా థియేటర్స్ తో పాటు సోషల్ మీడియా ప్లాట్ ఫార్మ్స్ కూడా ఓ మ్యూజికల్ కాన్సర్ట్స్ లా మారిపోతాయని చెప్పడంలో.. ఏ మాత్రం సందేహం లేదు. ఎన్ని సార్లు చూసినా బోర్ కొట్టని ఈ సినిమాను వెండి తెరపై ఎప్పుడెప్పుడు చూద్దామా అని మహేష్ ఫ్యాన్స్ అంతా ఎదురుచూస్తున్నారు.

తెలుగు సినిమా అభిమానులందరికి ఆహ్వానం ♥️
పెద్దలందరూ విచ్చేసి మా ఈ మురారి వసుంధర ను దీవించవలిసిందిగా కోరుచున్నాము….🙏🏻
అందరు ఆహ్వానితులే….♥️@director_kv gaaru meere chief guest pelliki tappakunda raavali Mari 😍#MurariMarosari#Murari4K#SSMB29 @urstrulyMahesh @SSMBSpace pic.twitter.com/paHyYVctre

— TATIPAKA MBFC (@TATIPAKA_MBFC) July 18, 2024