Guntur Karam: ‘గుంటూరు కారం’ స్టోరీ లీక్.. మరోసారి పొలిటీషియన్​గా మహేశ్?

కొత్త ఏడాదిలో బాక్సాఫీస్ వద్ద దుమ్మురేపేందుకు మూవీస్ రెడీ అవుతున్నాయి. సంక్రాంతి బరిలోకి దిగేందుకు కోడిపుంజులతో పాటు సినిమాలూ సిద్ధమవుతున్నాయి. వసూళ్లలో తమ తడాఖా చూపేందుకు, పండుగ సీజన్​ను క్యాష్ చేసుకునేందుకు ఈసారి బడా స్టార్స్ అందరూ కలసి దండయాత్ర చేస్తున్నారు. అయితే అన్నింట్లోకి ఎక్కువ బజ్ మాత్రం సూపర్​స్టార్ మహేష్ బాబు నటిస్తున్న ‘గుంటూరు కారం’ మీదే ఉంది. స్టార్ డైరెక్టర్ త్రివిక్రమ్ రూపొందిస్తున్న ఈ మూవీపై ఎక్స్​పెక్టేషన్స్​ వేరే లెవల్లో ఉన్నాయి. మహేష్-త్రివిక్రమ్ కాంబోలో రూపొందిన చిత్రం కావడం, మాస్ ఎంటర్​టైనర్​లా కనిపిస్తుండటంతో ‘గుంటూరు కారం’ మీద అంచనాలు ఆకాశాన్ని అంటుతున్నాయి. ఈ తరుణంలో మహేష్ కొత్త మూవీ కథకు సంబంధించి పలు రూమర్స్ వైరల్ అవుతున్నాయి. ఇది పక్కా పొలిటికల్ మూవీ అని గాసిప్స్ వస్తున్నాయి.

‘గుంటూరు కారం’ స్టోరీకి సంబంధించి తాజాగా ఒక లీక్ బయటకు వచ్చింది. దీని ప్రకారం ఈ ఫిల్మ్​లో పొలిటికల్ హీట్ ఉండబోతోందట. ఈ సినిమాను త్రివిక్రమ్ రాజకీయ నేపథ్యంలోనే తెరకెక్కించారని టాక్. అయితే మూవీకి సంబంధించి ఇప్పటిదాకా బయటకు వచ్చిన సాంగ్స్, టీజర్​లో ఎక్కడా పొలిటికల్ టచ్ గురించి బయటకు రాకుండా జాగ్రత్త పడిన మేకర్స్.. నెక్స్ట్ రిలీజ్ అయ్యే ట్రైలర్​లోనూ ఆ విషయాన్ని రివీల్ చేయకుండా మహేష్​కు సంబంధించిన మాస్ ఎలిమెంట్స్​నే హైలైట్ చేస్తారట. ‘గుంటూరు కారం’లో వెంకటరమణా రెడ్డిగా మహేష్ బాబు కనిపించనున్నారట. పాలిటిక్స్ అంటే ఇష్టం లేని రమణారెడ్డి.. గుంటూరు రాజకీయాలను ఎలా శాసించారు అనేదే స్టోరీ అని సోషల్ మీడియాలో ఓ లీక్ వైరల్ అవుతోంది. మూవీలో జనదళం పార్టీ సెక్రటరీ అయిన వైరా వెంకటస్వామి (ప్రకాశ్​ రాజ్) కొడుకే వెంకట రమణారెడ్డి (మహేష్ బాబు) అని నెట్టింట వినిపిస్తోంది.

రాజకీయాలు అంటే తనకు ఇష్టం లేకపోయినా అనూహ్య పరిస్థితుల్లో తండ్రి వారసత్వాన్ని అందిపుచ్చుకున్న వెంకటరమణా రెడ్డి (మహేష్).. రాజకీయ శత్రువుల్ని ఎలా ఎదుర్కొన్నాడనే స్టోరీ లీక్ బయటకు వచ్చింది. ఈ మూవీకి సంబంధించి లీక్ అయిన ఫొటోల్లో జనదళం పార్టీ ప్రధాన కార్యదర్శి వైరా వెంకటస్వామిగా ప్రకాశ్​ రాజ్​ క్యారెక్టర్​కు సంబంధించిన ఫొటోలు కూడా ఉన్నాయి. ‘గుంటూరు కారం’ నుంచి ఇప్పటిదాకా బయటకు వచ్చిన ప్రమోషనల్ కంటెంట్​తో అందరూ ఇది మాస్ కమర్షియల్ ఎంటర్​టైనర్ అనుకుంటున్నారు. కానీ ఇప్పుడు బయటకు వస్తున్న లీక్​లతో పక్కా పొలిటికల్ మూవీలా కనిపిస్తోంది. అయితే ఈ లీక్స్​లో ఎంత నిజం ఉందనేది సినిమా రిలీజ్ అయ్యే వరకు చెప్పలేం. మరి.. ‘గుంటూరు కారం’ కథ ఏ నేపథ్యంలో సాగుతుందని మీరు భావిస్తున్నారో కామెంట్ చేయండి.

ఇదీ చదవండి: OTT: అనుకున్న దాని కంటే ముందుగానే ఓటీటీలోకి యానిమల్?