కార్తి తెలిసే తప్పు చేశాడా? మైల్​స్టోన్ మూవీతో ఇలా ఎందుకు చేసినట్టు..?

తెలుగు సినిమా ప్రేక్షకులకు ఉన్నంత బిగ్ హార్ట్ ఎవరికీ ఉండదేమో. ఎందుకంటే ఇక్కడి ఆడియెన్స్ భాషలకు అతీతంగా మూవీస్​ను ఆదరిస్తుంటారు. తెలుగు చిత్రాలనే కాదు.. తమిళం, కన్నడ, మలయాళం, హిందీ.. ఆఖరికి ఇంగ్లీష్ ఫిల్మ్స్​ను కూడా మనోళ్లు ఇష్టపడుతుంటారు. టీవీల్లో వచ్చినప్పుడు చూడటమో, ఓటీటీల్లో స్ట్రీమింగ్ చేయడమో కాదు.. ఇతర భాషా చిత్రాల కోసం డైరెక్ట్​గా థియేటర్​కే వెళ్తుంటారు ఇక్కడి ప్రేక్షకులు. సినిమా బాగుందనే టాక్ వస్తే చాలు.. అదే భాషకు సంబంధించిందో అస్సలు పట్టించుకోరు. అందుకే ఇక్కడ తమ ఫిల్మ్స్​ను డబ్ చేసి రిలీజ్ చేసేందుకు పర భాషా మేకర్స్ పోటీపడుతుంటారు.

పాన్ ఇండియా కల్చర్ ఈ మధ్య మొదలైంది. కానీ టాలీవుడ్ ఆడియెన్స్ ఇక్కడి స్టార్లతో పాటు పరభాషా నటులను కూడా చాన్నాళ్లుగా ఆదరిస్తూ వస్తున్నారు. విశ్వనటుడు కమల్ హాసన్​కు సొంత భాషైన తమిళంలో కంటే తెలుగులోనే ఎక్కువ హిట్స్ ఉన్నాయంటే పరిస్థితి ఎలా ఉందో అర్థం చేసుకోవచ్చు. కోలీవుడ్ నుంచి వచ్చి ఇక్కడ స్టార్ స్టేటస్ సంపాదించిన హీరోల్లో కార్తి కూడా ఒకరు. ‘ఆవారా’, ‘నా పేరు శివ’, ‘ఖాకి’, ‘ఖైదీ’, ‘సర్దార్’ లాంటి సినిమాలతో ఇక్కడ బ్లాక్​ బస్టర్లు అందుకున్నారాయన. అలాంటి కార్తి యాక్ట్ చేసిన రీసెంట్ ఫిల్మ్ ‘జపాన్’ మాత్రం ఆడియెన్స్ ఎక్స్​పెక్టేషన్స్​ను అందుకోవడంలో ఫెయిల్ అయింది. సినిమా సినిమాకు డిఫరెంట్ స్టోరీస్​ను సెలెక్ట్ చేసుకుంటూ కమర్షియల్​గానూ మంచి సక్సెస్​లు అందుకొని ఈ రేంజ్​లో నిలబడ్డారు కార్తి.

కార్తి నుంచి 25వ సినిమా వస్తోందంటే ఆడియెన్స్​లో ఎక్స్​పెక్టేషన్స్ ఏ రేంజ్​లో ఉంటాయో చెప్పాల్సిన పనిలేదు. కానీ ఆయన రీసెంట్ మూవీ ‘జపాన్’ ఆ అంచనాలను అందుకోవడంలో ఘోరంగా ఫెయిల్ అయింది. ఆడియెన్స్​ను కార్తి ఫిల్మ్ తీవ్రంగా నిరాశకు గురిచేసింది. తమిళంలో ‘జిగర్ తండ డబుల్ ఎక్స్​’తో కాంపిటీషన్ ఉన్నప్పటికీ.. తెలుగు నాట ‘జపాన్​’కు పోటీనే లేదు. దీంతో మంచి టాక్ వస్తే ఇక్కడ కలెక్షన్స్ అదిరిపోయేవి. కానీ తమిళంతో పాటు తెలుగులోనూ పూర్తి నెగెటివ్ టాక్ వచ్చింది. ‘జపాన్’ ట్రైలర్​లో ఉన్న ఎంటర్​టైన్​మెంట్, మెరుపులు సినిమాలో లేవని ఆడియెన్స్ అంటున్నారు. ట్రైలర్​లో ఆకట్టుకున్న సీన్లు కూడా మూవీలో తేలిపోవడంతో ‘జపాన్’పై నెగెటిక్ టాక్ మరింత పెరిగింది. ఈ సినిమాలో తన మాడ్యులేషన్​ హైలైట్ అవుతుందని కార్తి అనుకున్నారు. ప్రమోషన్స్​లో అదే మాడ్యులేషన్​తో మాట్లాడుతూ సందడి చేశారు కార్తి. దీన్నే ఆడియెన్స్​లోకి తీసుకెళ్లేందుకు ఆయన ప్రయత్నించారు.

హైలైట్ అవుతుందని అనుకుంటే.. సినిమాలో ఒక స్టేజ్ దాటాక హీరో మాడ్యులేషన్ డైలాగ్స్ ప్రేక్షకులకు విసుగు తెప్పించాయని టాక్. స్టోరీ మూసగా ఉండటం, స్క్రీన్​ప్లే విసుగెత్తించి సినిమాను నీరుగార్చేశాయి. ‘జపాన్’ ఫిల్మ్​లో హీరో కార్తి క్యారెక్టర్​లో పెద్దగా బలం లేకపోవడం, హీరో మాడ్యులేషన్ క్లిక్ కాకపోవడంతో మూవీ ఎవ్వరికీ ఎక్కలేదు. అయితే కథ, కథనాలు ఇంత వీక్​గా ఉన్నా కేవలం మాడ్యులేషన్ కోసమే ఆ క్యారెక్టర్​ను ఎంచుకొని కార్తి తప్పు చేశాడని సోషల్ మీడియాలో నెటిజన్స్ అంటున్నారు. పాత్రలో బలం లేకపోయినా వెరైటీగా ఉంటుందని మాడ్యులేషన్​ను నమ్ముకోవడం దెబ్బతీసిందని చెబుతున్నారు. మైల్​స్టోన్ మూవీ కాబట్టి తొందరపడకుండా మంచి కథతో వచ్చుంటే రిజల్ట్ వేరేలా ఉండేదని అభిప్రాయపడుతున్నారు. మరి.. కార్తి ‘జపాన్’ మూవీ మీరు చూసినట్లయితే ఎలా అనిపించిందో కామెంట్ల రూపంలో తెలియజేయండి.

ఇదీ చదవండి: ప్రభాస్ టు కమల్.. స్టార్స్ చైల్డ్‌హుడ్ ఫోటోస్ వైరల్!