NTRకు అసలు సవాల్.. ‘దేవర’ ఊచకోత కోయాల్సింది అక్కడే!

మ్యాన్ ఆఫ్ మాసెస్ జూనియర్ ఎన్టీఆర్ నటించిన ‘దేవర’ మూవీ ఇంకో రెండు వారాల్లో థియేటర్లలో సందడి చేయనుంది. ఇప్పటికే సినిమా నుంచి రిలీజైన టీజర్, సాంగ్స్, ట్రైలర్స్​కు హ్యూజ్ రెస్పాన్స్ రావడంతో ‘దేవర’పై అంచనాలు ఆకాశాన్ని తాకుతున్నాయి. మూవీ నుంచి బయటకు వస్తున్న ఒక్కో కంటెంట్ ఇంకా ఎక్స్​పెక్టేషన్స్​ను పెంచేస్తోంది. దీంతో తారక్​ను ఎప్పుడెప్పుడు సిల్వర్​స్క్రీన్ మీద చూసేద్దామా అని అభిమానులు, ఆడియెన్స్ వెయిట్ చేస్తున్నారు. ఈ సినిమాతో ఎన్టీఆర్ సాధించాల్సినవి చాలానే ఉన్నాయి. తెలుగు నాట ఎలాగూ తారక్​కు ఉన్న క్రేజ్, కొరటాల శివ మేకింగ్ మీద ఉన్న నమ్మకంతో థియేటర్స్ హౌజ్​ఫుల్ అవుతాయి. టాక్ కాస్త బాగున్నా వసూళ్ల జాతర నడుస్తుంది. కానీ ఎన్టీఆర్​కు అసలు సవాల్ మాత్రం నార్త్ మార్కెట్ అనే చెప్పాలి.

తెలుగుతో పాటు తమిళం, మలయాళం, కన్నడ, హిందీల్లో ‘దేవర’ను భారీ ఎత్తున రిలీజ్ చేస్తున్నారు. తెలుగు తర్వాత ఎన్టీఆర్​కు కన్నడ మార్కెట్​లో గట్టి గ్రిప్ ఉంది. కాబట్టి అక్కడి నుంచి భారీగా వసూళ్లు రావడం ఖాయం. తమిళం, మలయాళాన్ని పక్కనబెడితే.. హిందీలో ‘దేవర’కు ఎలాంటి ఓపెనింగ్స్ వస్తాయనేది కీలకంగా మారింది. దర్శకధీరుడు రాజమౌళి తెరకెక్కించిన ‘ఆర్ఆర్ఆర్’తో ఉత్తరాదిన తారక్​కు మంచి క్రేజ్, పాపులారిటీ వచ్చింది. ఆల్రెడీ డబ్బింగ్ మూవీస్ ద్వారా అక్కడ ఫేమ్ సంపాదించిన మ్యాన్ ఆఫ్​ మాసెస్.. ‘ఆర్ఆర్ఆర్’తో నార్త్ ఆడియెన్స్​ మనసుల్లో చెరగని ముద్ర వేశాడు. ఇప్పుడు పాన్ ఇండియా హీరోగా సెటిల్ అవడం ఆయన ముందున్న టార్గెట్. అది సాధ్యమవ్వాలంటే ‘దేవర’ హిందీ వెర్షన్ భారీగా ఓపెనింగ్స్ రాబట్టాలి. ఆ మూవీ అక్కడ హిట్ అయితే తారక్​కు ఎదురుండదు.

తెలుగు నాట టాక్​తో సంబంధం లేకుండా ‘దేవర’కు దండిగా వసూళ్లు రావడం ఖాయం. ఎన్టీఆర్​కు ఉన్న క్రేజ్ దృష్ట్యా సినిమా భారీగా కలెక్షన్స్ రాబడుతుంది. టాక్ బాగుంటే బాక్సాఫీస్​ను బద్దలుకొడుతుంది. కానీ తారక్ ఊచకోత కోయాల్సింది బాలీవుడ్​లోనే. నార్త్​లో వసూళ్ల జాతర చేయాలనే ఉద్దేశంతోనే తొలుత ప్రమోషన్స్ కూడా అక్కడే స్టార్ట్ చేశారు. క్రేజీ డైరెక్టర్ సందీప్ రెడ్డి వంగాతో ఇంటర్వ్యూ, కరణ్​ జోహార్​తో చిట్​ చాట్​తో పాటు బాలీవుడ్​లోనే ట్రైలర్ లాంఛింగ్ కూడా చేశారు. టాక్ బాగుంటే సినిమా ఎలాగూ హిట్ అవుతుంది. కానీ ఓపెనింగ్స్ అనేది క్రేజ్, పాపులారిటీ మీద డిపెండ్ అవుతుంది. ఇప్పుడు నార్త్​లో ‘దేవర’తో తారక్ ఈ విషయాలన్నీ ప్రూవ్ చేయబోతున్నట్లు కనిపిస్తోంది. అక్కడ గట్టిగా సౌండ్ చేసేందుకు ఆయన జాగ్రత్తగా ప్లాన్ చేస్తున్నాడు. అన్నీ కలిసొచ్చి తెలుగుతో పాటు హిందీలోనూ గ్రాండ్ ఓపెనింగ్స్ వచ్చి మూవీ హిట్ అయితే తారక్ క్రేజ్ మరింత పెరగడం ఖాయం. మరి.. ‘దేవర’ హిందీలో ఊచకోత కోస్తాడా? మీరేం అనుకుంటున్నారో కామెంట్ చేయండి.

• ఇదీ చదవండి: సరిపోదా శనివారంలో నాని అక్కగా నటించిన యాక్ట్రెస్ ఎవరో తెలుసా.? నటి మాత్రమే కాదు