గేమ్ ఛేంజర్ ‘జరగండి’ పాట విడుదల ఆలస్యానికి కారణం!

మెగా పవర్ స్టార్ రామ్ చరణ్ హీరోగా శంకర్ దర్శకత్వంలో తెరకెక్కుతున్న చిత్రం గేమ్  ఛేంజర్. ఈ మూవీ  అత్యంత భారీ బడ్జెట్ సినిమాగా ప్రేక్షకుల ముందుకు రాబోతోంది.  ఈ మూవీని  వచ్చే వేసవి సెలవుల్లో ప్రేక్షకుల ముందుకు తీసుకుబోతున్నట్లు ఫిల్మ్ వర్గాల సమచారం. ఈ నేపథ్యంలో  గేమ్ ఛేంజర్ మూవీని నుంచి వచ్చే అప్ డేట్స్ కోసం రామ్ చరణ్ ఫ్యాన్స్ ఆసక్తిగా ఎదురు చూస్తున్నారు. గత కొంతకాలంగా  ఈ మూవీ నుంచి ఎలాంటి అప్డేట్ లేకపోవడంతో అభిమానులు ఆగ్రహం వ్యక్తం చేస్తున్నారు. ఈ క్రమంలోనే జరగండి అంటూ సాగే సాంగ్ దీపావళి పండగ సందర్భంగా విడుదల చేస్తామని గతంలో చిత్రబృందం తెలిపింది. అయితే తాజాగా  ఈ సాంగ్ వాయిదా పడినట్లు అధికారిక ప్రకటన వచ్చింది.

టాలీవుడ్ ప్రేక్షకులు ఎంతో ఆసక్తిగా ఎదురు చూస్తున్న చిత్రాల్లో గేమ్ ఛేంజర్ ఒకటి. ఆర్ఆర్ఆర్ మూవీ సక్సెస్ తరువాత రామ్ చరణ్ నుంటి  వస్తున్న పాన్ ఇండియా సినిమా గేమ్ ఛేంజర్. ఈ సినిమాల్లో బ్యూటిఫుల్ కియారా అద్వానీ కథానాయికగా నటించింది. కార్తీక్ సుబ్బరాజ్ కథను సమకూర్చుగా.. ఎస్ఎస్ థమన్ సంగీతం అందించారు. ఈ సినిమా పొలిటికల్ యాక్షన్ థ్రిల్లర్ గా తెరకెక్కనుంది. అంతేకాక ఈ సినిమా నుంచి వచ్చిన రామ్ చరణ్ ఫస్ట్ లుక్ నెటిజన్ల నుండి బాగా ఆదరణ పొందింది. ఈ సినిమాకు దర్శకత్వం వస్తున్న శంకర్ ..కమల్ హాసన్ ఇండియన్ 2 కోసం కూడా పనిచేస్తున్నారు.

ఇక గేమ్ ఛేంజర్ మూవీకి సంబంధించి గతంలో ఓ క్రేజీ అప్డేట్ వచ్చింది. జరగండి అంటూ సాగే సాంగ్ దీపావళి పండుగ సందర్భంగా విడుదల చేస్తామంటూ ప్రకటించారు. తాజాగా ఆ సాంగ్ వాయిదా పడుతున్నట్లు చిత్రబృందం ప్రకటించింది. ఇక దీపావళి రావడంతో ఈ పాట కోసం అభిమానులు ఎంతో ఆత్రుతగా ఎదురుచూస్తున్నారు. అయితే గత రెండు రోజులుగా ఈ పాట విడుదల వాయిదా కానుంది అంటూ సోషల్ మీడియాలో వార్తలు వచ్చాయి. అయితే ఎక్కడ అధికారక ప్రకటన లేకపోవడంతో తప్పకుండా ఈ పాట విడుదలవుతుందని అభిమానులు ఆశగాఎదురుగా చూశారు. ఈ క్రమంలోనే మూవీ టీమ్ నుంచి జరగండి సాంగ్  వాయిదా వేస్తున్నట్లు అధికారికంగా ప్రకటించింది.

అందుకు గల కారణాలను కూడా చిత్ర బృందం తెలిపింది. ఈ పాటకు సంబంధించి ఆడియో డాక్యుమెంటేషన్ లో పలు రకాల సమస్యలు తలెత్తాయని అందుకే వాయిదా వేస్తున్నామంటూ తెలియజేశారు. తిరిగి ఎప్పుడు విడుదలవుతుందనే విషయాన్ని త్వరలోనే ప్రకటిస్తామంటూ మేకర్స్ అధికారికంగా తెలిపారు. ఈ ప్రకటనతో రామ్ చరణ్ అభిమానులు మరోసారి అసంతృప్తి వ్యక్తం చేస్తున్నారు. ఏది ఏమైనప్పటికీ ‘జరగండి’ పాట వాయిదా చర్చనీయాంశంగా మారింది. ఈ సాంగ్ బయటకు వచ్చిన తర్వాత వ్యూస్ మరియు క్లిక్‌ల పరంగా కొత్త రికార్డులను సృష్టిస్తుందని అందరూ భావిస్తున్నారు. మరి… జరగండి సాంగ్ వాయిదా పడటంపై మీ అభిప్రాయాలను కామెంట్స్ రూపంలో తెలియజేయండి.