ఫిలిం ఇండస్ట్రీలో సాధారణంగా చిన్న సినిమాలకు బజ్ తక్కువగా ఉంటుంది. వీటి గురించి ఆడియన్స్లో ఆసక్తి పెరగాలంటే మేకర్స్ చాలా కష్టపడాల్సి ఉంటుంది. టీజర్, ట్రైలర్స్తో ఆకట్టుకోవడమే గాక ప్రమోషన్స్ కూడా వెరైటీగా ప్లాన్ చేసుకోవాలి. అప్పుడు గానీ సినిమా మీద బజ్ రాదు. అయితే అష్టకష్టాలు పడి అనుకున్న బడ్జెట్లో సినిమా తీయడమే కష్టమవుతున్న ఈ రోజుల్లో ఇంకా ప్రమోషన్స్కు ఖర్చు చేయడం అంటే ఎంత ఇబ్బందో చెప్పనక్కర్లేదు. పెద్ద సినిమాలకైతే పబ్లిసిటీ కోసం సెపరేట్గా బడ్జెట్ను కేటాయిస్తారు. కానీ చిన్న మూవీస్కు మాత్రం అది సాధ్యం కాదు. అందుకే వినూత్నంగా ప్రమోషన్స్ చేస్తూ ఉన్న బడ్జెట్లో మూవీని ప్రేక్షకుల వద్దకు తీసుకెళ్లేందుకు మేకర్స్ ప్లాన్ చేస్తుంటారు.
ఈమధ్య కాలంలో అలా మంచి బజ్ తెచ్చుకున్న చిన్న చిత్రంగా ‘బేబి’ని చెప్పొచ్చు. ‘ఓ రెండు ప్రేమ మేఘాలిలా..’ అనే ఒక్క పాట ఈ సినిమాపై అంచనాలను ఫుల్గా పెంచేసింది. స్టార్ యాక్టర్స్, డైరెక్టర్, నిర్మాత లేకపోయినా ఈ సినిమా కోసం కొన్నాళ్లుగా అందరూ తెగ ఎదురు చూస్తున్నారు. ఎట్టకేలకు థియేటర్లలోకి వచ్చేసింది ‘బేబి’. ఈ మూవీని చూసిన వాళ్లు బాగుందని అంటున్నారు. తెలిసిన లవ్స్టోరీలాగే ఉన్నప్పటికీ, దాన్ని డైరెక్టర్ డీల్ చేసిన పద్ధతి, టేకింగ్, డైలాగ్స్, మ్యూజిక్ బాగున్నాయని మెచ్చుకుంటున్నారు. అలాంటి ‘బేబి’ మూవీ ఓటీటీ పార్ట్నర్ను ఫిక్స్ చేసుకుంది.
‘బేబి’ ఓటీటీ హక్కుల్ని ఆహా సంస్థ సొంతం చేసుకుంది. అయితే బిగ్స్క్రీన్స్లోకి వచ్చిన ఆరు వారాల తర్వాతే ఈ మూవీని ఓటీటీలో స్ట్రీమింగ్ చేసేలా ఒప్పందం జరిగిందని సమాచారం. ఆ లెక్కన ఆగస్టు నెల ఆఖరి వారంలో ఆహాలో ‘బేబి’ స్ట్రీమింగ్ కావొచ్చని టాక్. అయితే దీనిపై కొన్నాళ్లు ఆగితే క్లారిటీ వస్తుంది. ఇకపోతే, ‘బేబి’లో వైష్ణవి అనే బస్తీ అమ్మాయి పాత్రలో వైష్ణవి చైతన్య నటించారు. వైష్ణవిని ప్రేమించే ఆనంద్ క్యారెక్టర్లో ఆనంద్ దేవరకొండ యాక్ట్ చేశారు. మరో ముఖ్య పాత్రను విరాజ్ అశ్విన్ పోషించారు. ఇందులో ఆనంద్ దేవరకొండ యాక్టింగ్పై ప్రశంసలు వస్తున్నాయి. ఆయన కెరీర్ బెస్ట్ పెర్ఫార్మెన్స్ ఇచ్చారని సోషల్ మీడియాలో నెటిజన్స్ మెచ్చుకుంటున్నారు. మరి.. ‘బేబి’ మూవీని మీరు చూశారా? మీకు ఎలా అనిపించిందో కామెంట్ల రూపంలో తెలియజేయండి.
