P Venkatesh
ఇండియన్ ఆర్మీలో చేరాలనుకుంటున్నారా? దేశ సైనికులుగా చేరి సేవ చేయాలని భావిస్తున్నారా? అయితే యువతకు ఇండియన్ ఆర్మీ గుడ్ న్యూస్ అందించింది. ఇండియన్ ఆర్మీలో 'ఎన్సీసీ స్పెషల్ ఎంట్రీ స్కీమ్' 56వ కోర్సులో ప్రవేశాలకు నోటిఫికేషన్ వెలువడింది.
ఇండియన్ ఆర్మీలో చేరాలనుకుంటున్నారా? దేశ సైనికులుగా చేరి సేవ చేయాలని భావిస్తున్నారా? అయితే యువతకు ఇండియన్ ఆర్మీ గుడ్ న్యూస్ అందించింది. ఇండియన్ ఆర్మీలో 'ఎన్సీసీ స్పెషల్ ఎంట్రీ స్కీమ్' 56వ కోర్సులో ప్రవేశాలకు నోటిఫికేషన్ వెలువడింది.
P Venkatesh
దేశ రక్షణలో కీలక పాత్ర వహిస్తున్న సైనికులకు సమాజంలో ఎనలేని గౌరవం. అందుకే యువత ఆర్మీలో చేరాలని కలలుకంటుంటారు. ఆర్మీలో సైనికులుగా చేరి దేశానికి తమ వంతు సేవ చేయాలని భావిస్తుంటారు. ఇలా ఆర్మీలో చేరాలనుకునే వారికి గుడ్ న్యూస్. మీరు డిగ్రీ పాసైతే చాలు ఆర్మీలో చేరొచ్చు. తాజాగా ఇండియన్ ఆర్మీలో ‘ఎన్సీసీ స్పెషల్ ఎంట్రీ స్కీమ్’ 56వ కోర్సులో ప్రవేశాలకు నోటిఫికేషన్ వెలువడింది. ఇందులో ఎంపికైతే ఆఫీసర్ పోస్టులను దక్కించుకోవచ్చు.
ఈ ఉద్యోగాలకు ఎంపికైన వారికి నెలకు రూ. 56,100 జీతాన్ని అందిస్తారు. షార్ట్ సర్వీస్ కమిషన్ ఆఫీసర్లుగా చేరేందుకు 2024 అక్టోబరులో ప్రారంభమయ్యే కోర్సులో ప్రవేశాలకు అవివాహిత పురుష, మహిళా అభ్యర్థుల నుంచి దరఖాస్తులు కోరుతున్నారు. ఏదైనా డిగ్రీతోపాటు ఎన్సీసీ అర్హత ఉన్నవారు దరఖాస్తు చేసుకోవడానికి అర్హులు. అర్హత, ఆసక్తి ఉన్న అభ్యర్థులు ఆన్ లైన్ విధానంలో ఫిబ్రవరీ 06 2024 వరకు దరఖాస్తు చేసుకోవచ్చు. దరఖాస్తు చేసుకోబోయే అభ్యర్థులు పూర్తి సమాచారం కోసం ఇండియన్ ఆర్మీ అధికారిక వెబ్ సైట్ https://joinindianarmy.nic.in/ను పరిశీలించాల్సి ఉంటుంది.
