ధావన్ అరుదైన ఘనత.. IPL చరిత్రలో ఒకే ఒక్కడిగా సరికొత్త రికార్డు!

ఐపీఎల్-2024ను గెలుపుతో ఆరంభించిన పంజాబ్ కింగ్స్ రెండో మ్యాచ్​లో ఓటమి పాలైంది. రాయల్ ఛాలెంజర్స్ బెంగళూరుతో జరిగిన మ్యాచ్​లో పంజాబ్ 4 వికెట్ల తేడాతో ఓడిపోయింది. తొలుత బ్యాటింగ్​కు దిగిన కింగ్స్ 20 ఓవర్లలో 6 వికెట్లు కోల్పోయి 176 పరుగులు చేసింది. ఆ తర్వాత బ్యాటింగ్​కు దిగిన బెంగళూరు మరో 4 బంతులు ఉండగానే ఆ స్కోరును ఛేజ్ చేసేసింది. చివరి ఓవర్ వరకు ఉత్కంఠగా సాగిన ఈ మ్యాచ్​లో ఒక దశలో ధావన్ సేన ఈజీగా నెగ్గుతుందని అనిపించింది. కానీ విరాట్ కోహ్లీ (77), దినేష్​ కార్తీక్ (28 నాటౌట్) అద్భుతమైన బ్యాటింగ్​తో అదరగొట్టడంతో పంజాబ్​కు ఓటమి తప్పలేదు. అయితే ఈ మ్యాచ్ ద్వారా ధావన్ ఓ అరుదైన ఘనత సాధించాడు. ఇన్నేళ్ల ఐపీఎల్ హిస్టరీలో ఎవరికీ సాధ్యం కానిది అతడు చేసి చూపించాడు.

ఐపీఎల్​లో ఆల్​టైమ్ గ్రేట్ ప్లేయర్లలో ఒకడిగా ధావన్​ను చెప్పొచ్చు. స్టార్టింగ్ సీజన్ నుంచి ఇప్పటిదాకా క్యాష్ రిచ్ లీగ్​లో కంటిన్యూ అవుతున్న వారిలో ధావన్ ఒకడు. ఇప్పటి వరకు 200కు పైగా మ్యాచులు ఆడిన ఈ పంజాబ్ కింగ్స్ కెప్టెన్ 6 వేలకు పైగా పరుగులు చేశాడు. ఇందులో 2 సెంచరీలతో పాటు ఏకంగా 50 హాఫ్ సెంచరీలు ఉన్నాయి. మెగా లీగ్​లో తాజాగా మరో రికార్డును తన పేరు మీద రాసుకున్నాడు గబ్బర్. ఆర్సీబీతో జరిగిన మ్యాచ్​లో ఎవరికీ సాధ్యం కాని ఘనతను అందుకున్నాడు. ఈ మ్యాచ్​లో బౌండరీతో ఐపీఎల్ హిస్టరీలో 900 ఫోర్లు కొట్టిన తొలి ఆటగాడిగా చరిత్ర సృష్టించాడు. ఫోర్ల విషయంలో లీగ్​లో ధావన్ తర్వాతి స్థానాల్లో స్టార్ బ్యాటర్లు విరాట్ కోహ్లీ (878), డేవిడ్ వార్నర్ (877) ఉన్నారు.

ముంబై ఇండియన్స్ మాజీ కెప్టెన్ రోహిత్ శర్మ (811) బౌండరీల విషయంలో నాలుగో స్థానంలో ఉన్నాడు. ఆర్సీబీతో మ్యాచ్​లో 5 ఫోర్లు బాదిన ధావన్ ఐపీఎల్ బౌండరీల సంఖ్య 902కు చేరింది. మొత్తంగా ఈ మ్యాచ్​లో 37 బాల్స్​ను ఫేస్ చేసిన గబ్బర్ 45 పరుగులు చేసి పెవిలియన్​కు చేరుకున్నాడు. అతడు రాణించినా మరో ఓపెనర్ జానీ బెయిర్​స్టో (8) ఫెయిలయ్యాడు. ప్రభుసిమ్రన్ సింగ్ (25), లివింగ్​స్టన్ (17), సామ్ కర్రన్ (23), జితేష్ శర్మ (27).. ఇలా మిగిలిన బ్యాటర్లు కూడా మంచి స్టార్స్ అందుకున్నా వాటిని భారీ స్కోర్లుగా మలచలేకపోయారు. దీంతో హ్యూజ్ టార్గెట్​ను పంజాబ్ సెట్ చేయలేకపోయింది. ఒకవేళ 200కి పైగా రన్స్ చేసుంటే మాత్రం ఆర్సీబీ నెగ్గడం అసాధ్యంగా మారేది. మరి.. ఇన్నేళ్ల ఐపీఎల్​లో ఎవరికీ సాధ్యం కానిది ధావన్ సాధించడంపై మీ ఒపీనియన్​ను కామెంట్ చేయండి.

ఇదీ చదవండి: RCBలో బ్లాక్ షీప్! మ్యాచ్‌ గెలిచినా ఆ ప్లేయర్‌ని తీసేయమంటూ ఫ్యాన్స్ రచ్చ!

Shikhar Dhawan became the first batter in the history of IPL to smash 900 boundaries.

– Gabbar, one of the greatest! 👏 pic.twitter.com/MFD8XlvVQV

— Mufaddal Vohra (@mufaddal_vohra) March 23, 2024