వీడియో: లుంగీని ఇలా కూడా వాడొచ్చా?.. షాక్‌ అయిన తెల్లోళ్లు!

లుంగీకి దేశ వ్యాప్తంగా ఎంత క్రేజ్‌ ఉందో ప్రత్యేకంగా చెప్పనక్కర్లేదు. ఉత్తరాది కంటే దక్షిణాదిలో లుంగీని ఎక్కువగా ధరిస్తూ ఉంటారు. అయితే, దీన్ని ఒక్కో భాషలో ఒక్కో విధంగా పిలుస్తూ ఉంటారు. తమిళంలో లుంగీ అని.. తెలుగులో పంచె అని అంటారు. అలాంటి లుంగీకి షారుఖ్‌ ఖాన్‌ నటించిన ‘‘ చెన్నై ఎక్స్‌ప్రెస్‌’ సినిమాతో క్రేజ్‌ మరింత పెరిగింది. ఈ సినిమాలో లుంగీపై ఓ పాట ఉంటుంది. ‘లుంగి డ్యాన్స్‌ లుంగి డ్యాన్స్‌’ అంటూ సాగే ఈ పాటకు ప్రపంచ వ్యాప్తంగా  మంచి ఆదరణ లభించింది.

ఇక, అప్పటినుంచి విదేశాల్లో వారి కూడా లుంగీని ధరించటానికి ఇష్టపడుతున్నారు. అందరూ లుంగీని ఒకరకంగా వాడితే.. ఇప్పుడు మనం చెప్పుకోబోయే స్టోరీలోని వ్యక్తి మాత్రం మరో రకంగా వాడాడు. అతడు చేసిన పనికి తెల్లోళ్లే నోరెళ్ల బెట్టారు. ఇంతకీ ఏం జరిగిందంటే.. కొద్దిరోజుల క్రితం ఓ వ్యక్తి సూపర్‌ మార్కెట్‌కు వెళ్లాడు. అది కూడా షార్ట్‌ మీద లుంగీ వేసుకుని మరీ వెళ్లాడు. అక్కడ తనకు కావాల్సిన వస్తువులన్నీ కొన్నాడు. తర్వాత వాటికి బిల్లు చేపించాడు. ఆమె బ్యాగు కావాలా? అని అడిగింది. అతడు వద్దు అన్నాడు.

బ్యాగు లేకుండా అన్ని వస్తువులు ఎలా తీసుకుపోతాడా? అని ఆమె అనుకుంది. అతడు మాత్రం సింపుల్‌ తన లుంగీని విప్పాడు. దాన్ని నేలపై పరిచాడు. తర్వాత దాంట్లో తాను కొన్న వస్తువులను పడేశాడు. తర్వాత వాటిని మూటకట్టి బయటకు తీసుకుపోయాడు. కొద్దిసేపటి తర్వాత దాన్ని భుజాల మీద ఇంటికి తీసుకెళ్లిపోయాడు. ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది. ఆ వీడియో చూస్తున్న నెటిజన్లు తెగ నవ్వుకుంటున్నారు. మరి, ఈ వీడియోపై మీ అభిప్రాయాలను కామెంట్ల రూపంలో తెలియజేయండి.

Power of Lungi !!!!!!!
🤣🤣🤣🤣🤣🤣 pic.twitter.com/CF8AkvZHCZ

— Hasna Zaroori Hai 🇮🇳 (@HasnaZarooriHai) August 1, 2023