Uppula Naresh
Uppula Naresh
సాధారణంగా భార్యాభర్తలు అన్నాక గొడవలు జరగడం సహజం. ఇంత దానికే కొందరు దంపతులు భార్యపై దాడికి దిగుతుంటారు. ఇక పరిస్థితి విషమించడంతో ఆమెను హత్య చేయడమో చేస్తుంటారు. కానీ, తాజాగా ఓ భర్త భార్యపై కోపంతో ఎవరూ ఊహించని దారుణానికి ఒడిగట్టారు. తాజాగా చోటు చేసుకున్న ఈ ఘటన రాష్ట్ర వ్యాప్తంగా సంచలనంగా మారుతోంది. ఇంతకు భార్యపై కోపంతో ఆ వ్యక్తి ఏం చేశాడు? అసలేం జరిగిందంటే?మీడియా కథనం ప్రకారం.. అమెరికా కాలిఫోర్నియాలోని ఆరేంజ్ కౌంటి ప్రాంతంలో ఓ దంపతులు నివాసం ఉంటున్నారు. అయితే వీళ్లు గత కొంత కాలం నుంచి గొడవ పడుతున్నారు.
దీంతో ఈ భార్యాభర్తల మధ్య పచ్చిగడ్డి వేస్తే భగ్గుమనేలా మారింది వ్యవహారం. అప్పటి నుంచి భార్య భర్తను పూర్తిగా దూరం పెడుతూ వచ్చింది. ఇది ఆమె భర్తకు అస్సలు నచ్చలేదు. ఈ క్రమంలోనే ఆ వ్యక్తి భార్యపై కోపంతో ఊగిపోయాడు. ఎలాగైనా తన కోపాన్ని తీర్చుకోవాలని అనుకున్నాడు. కానీ, ఇందులో భాగంగానే మనోడు అత్త మీద కోపం దుత్త మీద చూపినట్లు ఎవరూ ఊహించని దారుణానికి పాల్పడ్డాడు. ఏం చేశాడంటే? అమెరికా కాలమానం ప్రకారం.. బుధవారం రాత్రి 7:30 నిమిషాలకు ఆరేంజ్ కౌంటిలోని ఓ బార్ వద్ద కాల్పులకు తెగబబడ్డాడు. ఇతని కాల్పుల్లో నలుగురు మరణించినట్లుగా తెలుస్తుంది.
ఇక ఈ ఘటన విషయం తెలుసుకున్న పోలీసులు హుటాహుటిన ఆ బార్ వద్దకు చేరుకుని ఆ నిందితుడిని అదుపులోకి తీసుకునే ప్రయత్నం చేశారు. కానీ, అతడు పోలీసుల మీదకు కూడా కాల్పులు జరిపేందుకు ప్రయత్నించాడు. దీంతో పోలీసులు అప్రమత్తమై ఎదురు కాల్పులు జరపగా నిందితుడు హతమయ్యాడు. కాగా, ఈ ప్రమాదంలో నిందితుడితో సహా ఐదుగురు మరణించగా, ఆరుగురు తీవ్రంగా గాయపడ్డారు. వెంటనే పోలీసులు వీరిని స్థానిక ఆస్పత్రికి తరలించారు. ఇదే ఘటన ఇప్పుడు రాష్ట్ర వ్యాప్తంగా సంచలనంగా మారింది.
— Hardin (@hardintessa143) August 24, 2023
ఇది కూడా చదవండి: కాలేజీకి వెళ్లొస్తానని చెప్పి.. అంతలోనే..!
