సెప్టెంబర్‌లో భారీగా Bank సెలవులు.. మొత్తం ఎన్ని రోజులంటే?

ఇంకో వారం రోజుల్లో ఆగస్టు నెల ముగియనున్నది. ఈ ఏడాది మరో కొత్త నెల ప్రారంభం కానున్నది. సెప్టెంబర్ నెల వచ్చేస్తోంది. ఇక ప్రతి నెల మాదిరిగానే ఈ నెలలో కూడా బ్యాంకులకు సెలవులు ఉండనున్నాయి. సెప్టెంబర్ లో దాదాపు సగం రోజులు బ్యాంకు హాలిడేస్ ఉండనున్నాయి. బ్యాంకు సెలవులకు సంబంధించిన లిస్ట్ ను రిజర్వ్ బ్యాంక్ ఆఫ్ ఇండియా వెల్లడిస్తూ ఉంటుంది. అయితే ఈ బ్యాంకు సెలవులు ప్రాంతాలను బట్టీ మారుతుంటాయనే విషయాన్ని ఖాతాదారులు గమనించాలి. సెప్టెంబర్ లో మొత్తం 14 రోజులు సెలవులు ఉండనున్నాయి. ఇంతకీ ఏయే తేదీల్లో సెలవులు ఉండనున్నాయంటే?

బ్యాంక్ ఖాతాదారులకు అలర్ట్. సెప్టెంబర్ లో 14 రోజులు బ్యాంకులకు సెలవులు ఉండనున్నాయి. మీకు ఏమైనా బ్యాంకు పనులుంటే సెలవులు ఎప్పుడెప్పుడు ఉన్నయో తెలుసుకోండి. లేదంటే మీ పనుల్లో జాప్యం, సమయం వృథా అవుతుంది. 14 రోజుల సెలవుల్లో శని, ఆదివారాలు, పండగలు ఉన్నాయి. వినాయక చతుర్థి, ఈద్ మిలాద్ పండుగలు కూడా సెలవు జాబితాలో చేర్చారు. కేరళలో జరుపుకొనే ఓనం, తిరువణం పండుగలు ఉండనున్నాయి. బదులుగా నారాయణగురు జయంతి సందర్భంగా సెప్టెంబర్ 18, 21 తేదీలలో కేరళలో బ్యాంకులు మూసి ఉండనున్నాయి.

సెప్టెంబర్ 2024లో బ్యాంక్ సెలవుల లిస్ట్:

• సెప్టెంబర్ 5: గురువారం: శ్రీమంత శంకరదేవ తిథి (అస్సాంలో సెలవు)
• సెప్టెంబర్ 7: శనివారం: వినాయక చతుర్థి
• సెప్టెంబరు 8: ఆదివారం సెలవు (ఒడిషాలో నౌకై పండుగ)
• సెప్టెంబర్ 13: శుక్రవారం: రామ్‌దేవ్ జయంతి, తేజ దశమి (రాజస్థాన్‌లో సెలవు)
• సెప్టెంబర్ 14: రెండవ శనివారం (కేరళలో ఓనం)
• సెప్టెంబర్ 15: ఆదివారం సెలవు (కేరళలోని తిరువోణం)
• సెప్టెంబర్ 16: సోమవారం: ఈద్ మిలాద్
• సెప్టెంబర్ 17: మంగళవారం: ఇంద్ర జాత్ర (సిక్కింలో సెలవు)
• సెప్టెంబర్ 18: బుధవారం: శ్రీ నారాయణగురు జయంతి (కేరళలో సెలవు)
• సెప్టెంబర్ 21: శనివారం: శ్రీ నారాయణగురు సమాధి (కేరళలో సెలవు)
• సెప్టెంబర్ 22: ఆదివారం సెలవు
• సెప్టెంబర్ 23: సోమవారం: బలిదాన్ డే (హర్యానాలో సెలవు)
• సెప్టెంబర్ 28: నాల్గవ శనివారం
• సెప్టెంబర్ 29: ఆదివారం సెలవు