వచ్చే నెలలో భారీగా బ్యాంకు సెలవులు.. మొత్తం ఎన్ని రోజులంటే?

మరికొన్ని రోజుల్లో జూన్ నెల ముగిసి జులై నెల ప్రారంభం కానున్నది. ప్రతి నెల మాదిరిగానే వచ్చే నెలలో కూడా బ్యాంకులకు సెలవులు ప్రకటించింది రిజర్వ్ బ్యాంక్ ఆఫ్ ఇండియా. జులైలో భారీగా బ్యాంకు సెలవులు రానున్నాయి. ఈ నేపథ్యంలో బ్యాంక్ ఖాతాదారులకు బిగ్ అలర్ట్. బ్యాంకులో ఎప్పుడు ఏదో ఒక పని ఉంటూనే ఉంటుంది. కాబట్టి సెలవులు ఏయే తేదీల్లో ఉన్నాయో తెలుసుకోకపోతే మీ పనుల్లో జాప్యం జరుగొచ్చు, సమయం వృథా అయ్యే అవకాశం ఉంటుంది. ఖాతాకు సంబంధించిన సమస్యలు, డిపాజిట్లు, లోన్స్ ఇలా ఏ అవసరం ఉన్నా కూడా బ్యాంకుకు వెళ్లక తప్పదు. వచ్చే నెలలో మొత్తం 12 రోజులు బ్యాంకులు మూతపడనున్నాయి.

ప్రస్తుత కాలంలో బ్యాంకు సేవలు అన్నీ ఆన్ లైన్ లోనే చేసుకునే వెసులుబాటు ఉన్నప్పటికీ కొన్ని పనులకు బ్యాంకులకు వెళ్లడం తప్పనిసరి. వచ్చే జులై నెలలో జాతీయ, ప్రాంతీయ సెలవుల కారణంగా మొత్తం 12 రోజులు బ్యాంకులు బంద్ కానున్నాయి. వీటిల్లో ఆదివారాలు, రెండు, నాలుగో శనివారాలతోపాటు మరికొన్ని రోజులు బ్యాంకులకు ఆర్బీఐ సెలవులు ప్రకటించింది. ఈ సెలవులు రాష్ట్రాలను బట్టి మారుతూ ఉంటాయి. కొన్ని జాతీయ సెలవుల రోజు అన్ని బ్యాంకులకు సెలవు ఉండగా.. స్థానిక పండగల్ని బట్టి కొన్ని రాష్ట్రాల్లో బ్యాంకులకు సెలవులు ఉంటాయి.

జులైలో బ్యాంక్ సెలవులు ఇవే:

• జూలై 3: బెహ్ డైంఖ్లామ్ సందర్భంగా షిల్లాంగ్‌లో సెలవు
• జులై 6: ఎం.హెచ్.ఐ.పి డే సందర్భంగా ఐజ్వాల్‌లో సెలవు
• జులై 7: ఆదివారం
• జులై 8: కాంగ్ (రథజాత్ర) సందర్భంగా ఇంఫాల్‌లో సెలవు
• జులై 9: ద్రుప్‌కా షిజి సందర్భంగా గ్యాంగ్ టక్‌లో సెలవు
• జులై 13: రెండో శనివారం దేశం అంతటా సెలవు
• జులై 14: ఆదివారం
• జులై 16: హరేలా సందర్భంగా డెహ్రాడూన్‌లో సెలవు
• జులై 17: మొహర్రం/అషూరా/యు తిరోత్ సింగ్ డే సందర్భంగా అగర్తలా, ఐజ్వాల్, బేలాపూర్, బెంగళూరు, భోపాల్, చెన్నై, హైదరాబాద్ – ఆంధ్రప్రదేశ్, తెలంగాణ, జైపూర్, జమ్మూ, కాన్పూర్, కోల్‌కతా,
• లక్నో, ముంబై, నాగ్‌పూర్, న్యూఢిల్లీ, పాట్నా, రాయపూర్, రాంచీ, షిల్లాంగ్, సిమ్లా, శ్రీనగర్‌లలో సెలవు
• జులై 21: ఆదివారం
• జులై 27: నాల్గవ శనివారం దేశం అంతటా సెలవు
• జులై 28: ఆదివారం