ఖాతాదారులకు అలర్ట్.. బ్యాంకులకు 3 రోజులు సెలవులు.. ఏ తేదీల్లో అంటే?

ప్రభుత్వ పథకాల నుంచి వచ్చే ఆర్థికసాయం పొందాలన్నా.. సంపాదించినదాంట్లో కొంత మొత్తాన్ని పొదుపు చేసుకోవాలన్నా బ్యాంక్ అకౌంట్ తప్పనిసరి. బ్యాంకుల ద్వారా లోన్ పొందడానికి ఖాతా కలిగి ఉండాల్సిందే. ప్రస్తుతం టెక్నాలజీ అందుబాటులో వచ్చాక బ్యాంకింగ్ సెక్టార్ అంతా ఆన్ లైన్ మయం అయిపోంది. చాలా రకాల సేవలు ఆన్ లైన్ ద్వారానే జరుగుతున్నాయి. అయితే ఖాతాకు సంబంధించిన సమస్యలు, క్రెడిట్, డెబిట్ కార్టులకు సంబంధించి ఏవైనా వివరాలు కావాలంటే బ్యాంకుకు వెళ్లాల్సిందే. మరి మే నెలలో చాలా రోజులు బ్యాంకులకు సెలవులు ఉన్నాయన్న సంగతి తెలిసిందే. ఈ క్రమంలో బ్యాంకులకు మూడు రోజులు సెలవులు రానున్నాయి. ఏయే తేదీల్లో బ్యాంకులకు సెలవులు ఉండనున్నాయంటే?

మే నెలకు సంబంధించి రిజర్వ్ బ్యాంక్ ఆఫ్ ఇండియా బ్యాంకులకు 12 రోజులు సెలవులను ప్రకటించిన విషయం తెలిసిందే. అయితే ఈ సెలవులు ఓక్కో రాష్ట్రంలో ఒక్కో విధంగా ఉంటాయి. అయితే బ్యాంకు సెలువులు ఏయే తేదీల్లో ఉన్నాయో తెలుసుకోకపోతే మీకు బ్యాంకులో అర్జెంట్ పనులు ఉంటే నష్టపోయే అవకాశం ఉంటుంది. మీ సమయం కూడా వృథా అవుతుంది. బ్యాంకులకు మూడు రోజులు సెలవులు ఉండనున్నాయి. మీకు ఏమన్నా పనులు ఉంటే ముందుగానే చేసుకోండి. మే 7న గుజరాత్, మధ్యప్రదేశ్, గోవాలో బ్యాంక్ హాలిడే ఉంది. లోక్ సభ ఎన్నికలు ఇందుకు కారణం. మే 8న రవీంద్రనాథ్ ఠాగూర్ జయంతి ఉంది. అందువల్ల పశ్చిమ బెంగాల్‌లో బ్యాంకులు పని చేయవు.తర్వాత మే 10న అక్షయ తృతీయ ఉంది. కర్నాటకలో బ్యాంక్ హాలిడే ఉంటుంది. అందువల్ల ఆరోజు బ్యాంక్ సెలవు ఉంది. మే 13న లోక్ సభ ఎన్నికలు ఉన్నాయి. ఆ రోజున ఏపీ, తెలంగాణలో బ్యాంక్ హాలిడే ఉండొచ్చు.

మే నెలలో బ్యాంకు సెలవులివే:

• మే 01 (బుధవారం): మహారాష్ట్ర దినోత్సవం/ మే డే (కార్మిక దినోత్సవం) సందర్భంగా బేలాపూర్, బెంగళూరు, చెన్నై, గౌహతి, హైదరాబాద్, అమరావతి, ఇంఫాల్, కొచ్చి, కోల్‌కతా, ముంబై, నాగ్‌పూర్,
• పనాజీ, పట్నా, తిరువనంతపురం తదితర ప్రాంతాల్లో బ్యాంకులకు సెలవు.
• మే 05: ఆదివారం.
• మే 08 (బుధవారం): రవీంద్రనాథ్ ఠాగూర్ జయంతి సందర్భంగా కోల్‌కతాలోని అన్ని బ్యాంకుల బంద్ కానున్నాయి.
• మే 10 ‍‌(శుక్రవారం): బసవ జయంతి/ అక్షయ తృతీయ సందర్భంగా బెంగళూరులో బ్యాంకులకు సెలవు.
• మే 11: రెండో శనివారం. దేశంలోని అన్ని బ్యాంక్‌లు క్లోజ్.
• మే 12: ఆదివారం.
• మే 16 (గురువారం): రాష్ట్ర దినోత్సవం సందర్భంగా గ్యాంగ్‌టక్‌లోని అన్ని బ్యాంకులకు సెలవు
• మే 19: ఆదివారం.
• మే 20 ‍‌(సోమవారం): లోక్‌సభ సార్వత్రిక ఎన్నికల పోలింగ్‌ సందర్భంగా బేలాపూర్, ముంబైలోని బ్యాంకులను మూసేస్తారు.
• మే 23 ‍‌(గురువారం): బుద్ధ పూర్ణిమ సందర్భంగా అగర్తల, ఐజ్వాల్, బేలాపూర్, భోపాల్, చండీగఢ్, డెహ్రాడూన్, ఇటానగర్, జమ్ము, కోల్‌కతా, లక్నో, ముంబై, నాగ్‌పూర్, న్యూదిల్లీ, రాయ్‌పూర్, రాంచీ,
• సిమ్లా, శ్రీనగర్‌లో బ్యాంకులు పని చేయవు.
• మే 25: నాలుగో శనివారం. దేశంలోని అన్ని బ్యాంక్‌లలకు సెలవు.
• మే 26: ఆదివారం.