విజయనగరం రైలు ప్రమాదం.. డ్రోన్ విజువల్స్!

ఒడిశాలో జరిగిన ఘోర రైలు ప్రమాద ఘటన ఎంతటి విషాదాన్ని మిగిల్చింది అందరికీ తెలిసిందే. అయితే ఈ ఘటన నుంచి తేలుకునేలోపే ఏపీలో మరో ఘోర రైలు ప్రమాదం జరిగింది. విజయనగరం జిల్లా కొత్తవలస మండలం కంటకాపల్లి-అలమండ మధ్య ఆగి ఉన్న విశాఖ-పలాస రైలును వెనుకాల నుంచి విశాఖ-రాయగడ ప్యాసెంజర్ ఢీ కొట్టింది. ఈ ఘోర రైలు ప్రమాదంలో ఇప్పటికీ వరకు 15 మంది మృతి చెందగా 50 తీవ్రంగా గాయపడ్డట్లు తెలుస్తుంది. ఈ ఘటనతో రైల్వే శాఖ మరోసారి ఉలిక్కి పడింది. దీనిపై వెంటనే స్పందించిన ఏపీ ప్రభుత్వం సహాయక చర్యలు చేపట్టింది. ఇక చెల్లా చెదురైన మృతదేహాలను బయటకు తీసి గాయపడ్డ వారిని వెంటనే స్థానిక ఆస్పత్రికి తరలించారు.

ఈ ఘటనతో రైల్వే స్టేషన్ లలో హెల్ప్ లైన్ సెంటర్ లు కూడా ఏర్పాటు చేశారు. ఇక రాష్ట్ర మంత్రులు సైతం వెంటనే అప్రమత్తమై ఘటన స్థలానికి చేరుకుని పరిస్థితిని సమీక్షించారు. ఈ ఘటనపై ఏపీ సీఎం జగన్ మోహన్ రెడ్డి స్పందించి దిగ్బ్రాంతిని వ్యక్తం చేశారు. ఇందులో భాగంగానే మృతుల కుటుంబాలను ఆదుకోవడానికి ప్రభుత్వం ముందుకు వచ్చి వారి కుటుంబాలకు రూ. 10 లక్షల చొప్పున ఆర్థిక సాయం ప్రకటించింది. ఈ క్రమంలోనే దక్షిణ మధ్య రైల్వే సెఫ్టీ కమిషనర్ ప్రంజీవ్ సక్సెనా విశాఖకు చేరుకున్నారు. అధికారులతో సమీక్ష అనంతరం ప్రమాద స్థలాన్ని పరిశీలించనున్నారు. దీంతో పాటు ఈ ఘటనపై ఉన్నత స్థాయి విచారణ కూడా జరగనుంది. అయితే ఈ ఘోర రైలు ప్రమాద ఘటనకు సంబంధించిన డ్రోన్ విజువల్స్ ప్రస్తుతం సోషల్ మీడియలో వైరల్ గా మారుతోంది.