AP ఇంట‌ర్ స‌ప్లిమెంట‌రీ ప‌రీక్ష‌ల షెడ్యూల్ రిలీజ్.. పరీక్ష తేదీలివే

ఆంధ్రప్రదేశ్ లో ఇంటర్ మీడియట్ ఫలితాలు విడుదలైన విషయం తెలిసిందే. రాష్ట్ర వ్యాప్తంగా పరీక్షలకు హాజరైన లక్షలాది మంది విద్యార్థుల భవితవ్యం తేలిపోయింది. ప్రథమ, ద్వితీయ సంవత్సరం పరీక్షా ఫలితాల్లో పలువురు విద్యార్థులు రికార్డ్ స్థాయిలో మార్కులు సాధించి హిస్టరీ క్రియేట్ చేశారు. ఇక ఈ పరీక్షల్లో ఫెయిలైన విద్యార్థులకు ఆంధ్ర‌ప్ర‌దేశ్ ఇంటర్మీడియట్ బోర్డు అడ్వాన్స్‌డ్ సప్లిమెంటరీ పరీక్షల షెడ్యూలును విడుదల చేసింది. ఫస్ట్ ఇయర్, సెకండ్ ఇయర్ కు సంబంధించిన పరీక్షల తేదీలను ఏప్రిల్ 25న ప్రకటించింది. సప్లిమెంటరీ పరీక్షలు ఏయే తేదీల్లో జరుగనున్నాయంటే?

ఆంధ్ర‌ప్ర‌దేశ్ ఇంటర్మీడియట్ బోర్డు ప్రకటించిన షెడ్యూలు ప్రకారం ఇంట‌ర్ స‌ప్లిమెంటరీ ప‌రీక్ష‌లు మే 24 నుంచి జూన్ 1 వరకు జ‌ర‌గ‌నున్నాయి. ఈ ప‌రీక్ష‌లు ఒకే రోజు రెండు విడతలుగా నిర్వ‌హించ‌నున్నారు. ఇంట‌ర్ ఫ‌స్ట్ ఇయ‌ర్ విద్యార్థుల‌కు ఆయా తేదీల్లో ఉదయం 9 నుంచి మధ్యాహ్నం 12 గంటల వరకు ప‌రీక్ష‌లు జ‌ర‌గ‌నుండగా, మధ్యాహ్నం 2.30 నుంచి సాయంత్రం 5.30 గంటల వరకు ఇంట‌ర్ సెకండ్ ఇయ‌ర్‌ విద్యార్థులకు పరీక్షలు నిర్వహించనున్నారు. ఇంటర్‌ ప్రాక్టికల్‌ పరీక్ష‌లు మే 1 నుంచి 4 వరకు జరుగుతాయి.

ఇంటర్ ఫస్ట్ ఇయర్ సప్లిమెంటరీ పరీక్ష తేదీలు:

• మే 24వ తేదీ శుక్రవారం రోజున సెకండ్ ల్యాంగ్వేజ్‌ పేపర్‌-1
• మే 25వ తేదీ శనివారం ఇంగ్లిష్‌ పేపర్‌-1
• మే 27వ తేదీ సోమవారం పార్ట్‌ 3లో మ్యాథ్స్‌ పేపర్ 1ఏ, బోటనీ పేపర్ 1, సివిక్స్‌ పేపర్- 1
• మే 28వ తేదీ మంగళవారం మ్యాథమెటిక్స్‌ పేపర్‌-1బీ, జువాలజీ పేపర్‌-1
• మే 29వ తేదీ బుధవారం ఫిజిక్స్‌ పేపర్- 1, ఎకనామిక్స్‌ పేపర్- 1
• మే 30వ తేదీ కెమిస్ట్రీ పేపర్- 1, కామర్స్ పేపర్- 1, సోషియాలజీ పేపర్- 1, ఫైన్ ఆర్ట్స్‌, మ్యూజిక్ పేపర్- 1
• మే 31వ తేదీ పబ్లిక్ అడ్మినిస్ట్రేషన్ పేపర్- 1, లాజిక్ పేపర్- 1, బైపిసి విద్యార్థులకు బ్రిడ్జి కోర్స్ మ్యాథ్స్‌ పేపర్- 1

సెకండ్ ఇయర్ సప్లిమెంటరీ పరీక్ష తేదీలు:

• మే 24న సెకండ్ లాంగ్వేజ్ పేపర్- 2
• మే 25న ఇంగ్లీష్ పేపర్- 2
• మే 27న మ్యాథ్స్‌ పేపర్- 2ఏ, బోటనీ పేపర్- 2, సివిక్స్‌ పేపర్- 2
• మే 28న మ్యాథ్స్‌ పేపర్ 2బి, జువాలజీ పేపర్ 2, హిస్టరీ పేపర్ 2
• మే 29వ తేదీన ఫిజిక్స్‌ పేపర్ 2, ఎకనామిక్స్‌ పేపర్ 2
• మే 30వ తేదీన కెమిస్ట్రీ పేపర్ 2, కామర్స్ పేపర్ 2, సోషియాలజీ పేపర్ 2, ఫైన్ ఆర్ట్స్‌, మ్యూజిక్ పేపర్ 2
• మే 31న పబ్లిక్ అడ్మినిస్ట్రేషన్ పేపర్ 2, లాజిక్ పేపర్ 2, బైపిసి విద్యార్థులకు బ్రిడ్జి కోర్స్ మ్యాథ్స్‌ పేపర్ 2
• జూన్ 1వ తేదీన మోడరన్ లాంగ్వేజ్, జాగ్రఫీ పేపర్ 1 జాగ్రఫీ పేపర్ 2 పరీక్షలు నిర్వహిస్తారు.