Idream media
Idream media
ఆంధ్రప్రదేశ్‌ సచివాలయ ఉద్యోగులు సీఎం జగన్‌మోహన్‌ రెడ్డి అపాయింట్మెంట్‌ కోరారు. మంత్రివర్గ సమావేశంలో జీఎన్‌ రావు కమిటీ నివేదిక ఆధారంగా విశాఖను కార్యనిర్వాహక రాజధానిగా ప్రకటించే అవకాశం ఉంది. ఈ నేపధ్యంలో సచివాలయంలోని కొంత మంది ఉద్యోగులు సీఎంను కలవాలనుకుంటున్నారు.
హైదరాబాద్‌ నుంచి తమ కుటుంబాలను ఇంకా ఇక్కడకు తీసుకురాలేదని, ప్రస్తుతం వెళ్లి వస్తున్నామని, ఇప్పుడు విశాఖ నుంచి విధులు నిర్వహించాలంటే తమకు దూరం అవుతందని సచివాలయంలోని కొంత మంది ఉద్యోగులు భావిస్తున్నారు. ఈ నేపథ్యంలో వారు సీఎంను కలసి తమ సమస్యలను చెప్పుకునేందుకు అపాయింట్మెంట్‌ అడిగారని సమాచారం.
కాగా, ఈ విషయంలో సచివాలయ ఉద్యోగుల్లో భిన్నమైన అభిప్రాయాలు వ్యక్తమవుతున్నాయి. విశాఖకు వెళ్లేందుకు అధికశాతం మంది సిద్ధంగా ఉన్నట్లు తెలుస్తోంది. ఈ నేపథ్యంలో సచివాలయ ఉద్యోగులు రెండు గ్రూపులుగా విడిపోయారు.
