ఒకే ఒక్క ఇన్నింగ్స్తో ఓవర్నైట్ స్టార్ అయిపోయాడు న్యూజిలాండ్ ఆల్రౌండర్ రచిన్ రవీంద్ర. వన్డే వరల్డ్ కప్ ఓపెనింగ్ మ్యాచ్లో ఇంగ్లండ్పై అదరగొట్టాడతను. మెరుపు సెంచరీతో ఇంగ్లీష్ బౌలర్లను ఉతికి ఆరేశాడీ యువ సంచలనం. డెవిన్ కాన్వేతో కలసి మ్యాచ్ను వన్ సైడ్ చేసేశాడు. దీంతో రచిన్పై అందరూ ప్రశంసల జల్లులు కురిపిస్తున్నారు. బెంగళూరులో పుట్టిన అతడి పేరెంట్స్.. రాహుల్ ద్రవిడ్ నుంచి ‘Ra’, సచిన్ టెండూల్కర్ నుంచి ‘Chin’లతో తమ కొడుక్కి రచిన్ రవీంద్ర అనే పేరు పెట్టిన సంగతి తెలిసిందే.
ఇంగ్లండ్పై రచిన్ రవీంద్ర బ్యాటింగ్ చేసిన తీరుపై టీమిండియా హెచ్ కోచ్ రాహుల్ ద్రవిడ్ స్పందించాడు. రచిన్ బ్యాటింగ్లో సచిన్ టెండూల్కర్ ప్రభావమే ఎక్కువగా కనిపిస్తోందన్నాడు. అతడి మీద తన ఎఫెక్ట్ తక్కువగా ఉందని సరదాగా తన మీదే జోకులు వేసుకున్నాడు. రచిన్ బ్యాటింగ్ చూశానని.. అతడు ఐదు సిక్సులు బాదాడని ద్రవిడ్ అన్నాడు. అతడి గేమ్ చూస్తుంటే ‘Chin’ ప్రభావమే అధికంగా ఉందనిపిస్తోందన్నాడు. తాను ఆఫ్ ది స్క్వేర్లో బాల్ను కొట్టలేనని.. బహుశా సచిన్ అందులో అతడికి సాయం చేసి ఉండొచ్చంటూ నవ్వులు పూయించాడు ద్రవిడ్.
‘ఇంగ్లండ్తో మ్యాచ్లో కాన్వే, రచిన్ ఇద్దరూ బాగా బ్యాటింగ్ చేశారు. టోర్నీలో న్యూజిలాండ్కు మంచి స్టార్ట్‌ దొరికింది. గేమ్ ముందుకు సాగుతున్న కొద్దీ పిచ్ వారికి సహకరించింది. 2021 కాన్పూర్ టెస్టులోనూ రచిన్ ఆఖర్లో బ్యాటింగ్కు వచ్చి దాదాపు గంటన్నన సేపు బ్యాటింగ్ చేసి ఆ మ్యాచ్ను డ్రాగా ముగించాడు’ అని రాహుల్ ద్రవిడ్ మెచ్చుకున్నాడు. ఇక, ఇంగ్లండ్తో న్యూజిలాండ్ ఆడిన ఫస్ట్ మ్యాచ్లో కేన్ విలియమ్సన్ ఆడలేదు. అతడి ప్లేసులో గ్రౌండ్లోకి దిగిన రచిన్ రవీంద్ర (96 బంతుల్లో 123 నాటౌట్) అద్భుత సెంచరీతో ఇంప్రెస్ చేశాడు. ఎప్పుడూ లోయర్ ఆర్డర్లో బ్యాటింగ్ చేసే రచిన్.. ఈ మ్యాచ్లో వన్డౌన్లోకి వచ్చి ఇంగ్లీష్ బౌలర్లను ఊచకోత కోశాడు.
ఇదీ చదవండి: గిల్‌ దూరం కాలేదు! ఆసీస్‌తో మ్యాచ్‌కు ముందు రోహిత్‌ కీలక స్టేట్‌మెంట్‌!
