గాల్లో ఎగురుతున్న విమానంలో మంటలు.. వైరల్ గా మారిన వీడియో!

ఆకాశంలో ఉన్న విమానంలో ఒక్కసారిగా చెలరేగిన మంటలు. వినటానికి భయంగా ఉన్న ఇది నిజం. తాజాగా అమెరికాలో చోటు చేసుకున్న ఈ ఘటన ఇప్పుడు తీవ్ర చర్చనీయాంశంగా మారుతోంది. దీనికి సంబంధించిన వీడియో కూడా వైరల్ గా మారింది. అయితే వేల అడుగుల ఎత్తులో ఉన్న విమానంలో ఒక్కసారిగా మంటలు చెలరేగడంతో ఆ సమయంలో ఫైలెట్లు ఎలాంటి చర్యలు తీసుకున్నారు? ఇంతకు ఆ విమానం ఎక్కడ ల్యాండ్ అయిందా? ఈ ప్రమాదంలో అసలు కారణం ఏంటనే పూర్తి వివరాలు మీ కోసం.

మీడియా కథనం ప్రకారం.. సౌత్ వెస్ట్ ఎయిర్ లైన్స్ కు చెందిన ఓ విమానం ఇటీవల అమెరికాలోని హ్యూస్టన్ లోని విలియం హబీ విమానాశ్రయం నుంచి మెక్సికో బయలు దేరింది. ఇక విమానం టేకాఫ్ అయిన 30 నిమిషాల్లో వేల అడుగుల ఎత్తులో గాల్లో దూసుకుపోయింది. ఈ క్రమంలోనే ఉన్నట్టుండి ఆ విమానం ఇంజన్ నుంచి ఒక్కసారిగా పెద్ద ఎత్తున మంటలు వచ్చాయి. దీంతో ఆ మంటలను చూసి ప్రయాణికులు భయంతో వణికిపోయారు. ఇంతకింతకు ఆ మంటలు మరింత ఎక్కువయ్యాయి.

సమస్యను గుర్తించి అప్రమత్తమై ఫైలెట్ టేకాఫ్ అయిన ఎయిర్ పోర్టులోనే ఆ విమానాన్ని ల్యాండింగ్ చేశాడు. దీంతో పెను ప్రమాదం తప్పింది. ఈ ప్రమాదంలో ఎవరికీ ఎలాంటి ప్రాణం నష్టం జరగలేదు. ఇక వెంటనే సౌత్ వెస్ట్ ఎయిర్ లెన్స్ మరో విమానంలో ప్రయాణికులను వారి గమ్య స్థానాలకు చేర్చింది. అయితే యాంత్రిక లోపం కారణంగానే ఈ విమానంలో ఇలా మంటలు వచ్చాయని సౌత్ వెస్ట్ ఎయిర్ లెన్స్ తెలిపింది. దీనిపై విచారణ జరుపుతున్నట్లుగా కూడా ప్రకటించింది. దీనికి సంబంధించిన వీడియో ఇప్పుడు సోషల్ మీడియాలో కాస్త వైరల్ గా మారింది.

Gracias a los Pilotos del vuelo 307 Houston-Cancún de Southwest Airlines por regresarnos a tierra después De perder un motor Gracias !!!
Sigo tratando de entender. pic.twitter.com/rXr3UjLgZi

— Ricardo Garcia (@ricardogarziia) August 16, 2023

ఇది కూడా చదవండి: పోలీస్ ఇన్ స్పెక్టర్ గా నిమిదిన్నర ఏళ్ల బాలుడు! అసలు స్టోరీ ఏంటంటే?