కార్తీకేయ2 సీక్వెల్‌పై ఇంట్రెస్టింగ్ అప్డేట్ ఇచ్చిన నిఖిల్..

టాలీవుడ్ యంగ్ హీరో నిఖిల్ సిద్ధార్థ్ ప్రస్తుతం హ్యాపీ డేస్ ఎంజాయ్ చేస్తున్నాడు. ఫిబ్రవరి 21న తండ్రిగా ప్రమోట్ అయినట్లు ప్రకటించాడు. మగ పిల్లాడు పుట్టినట్లు వెల్లడించాడు. తాజాగా బారసాల నిర్వహించగా.. ఆ పిక్స్ కూడా వైరల్ అయ్యాయి. కార్తీకేయ2 చిత్రంతో పాన్ ఇండియా లెవెల్లో క్రేజ్ తెచ్చుకున్నాడు ఈ హైదరాబాదీ కుర్రాడు. నిఖిల్ కెరీర్‌లోనే హయ్యెస్ట్ కలెక్షన్లను రాబట్టిన చిత్రంగా నిలిచిపోయింది. చందు మొండేటి దర్శకత్వంలో 15 కోట్లతో తెరకెక్కించిన ఈ మూవీ.. రూ. 150 కోట్లను పైగా కొల్లగొట్టింది. ఆ తర్వాత వచ్చిన 18 పేజేస్ ఓకే అనిపించినా, స్పై మాత్రం నిరాశ మిగిల్చింది. అంతేకాకుండా రెండు చిత్రాలతో బిజీగా ఉన్నాడు నిఖిల్. ఈ సినిమాలు చిత్రీకరణ దశలో ఉండగా.. ఇప్పుడు మరో సినిమా ప్రకటించాడు.

తనకు హిట్ ఇవ్వడమే కాకుండా.. పాన్ ఇండియన్ లెవల్లో గుర్తింపు తెచ్చిన కార్తీకేయ సీక్వెల్‌లో నటించబోతున్నాడు. కార్తీకేయ 3 త్వరలోనే పట్టాలెక్కబోతుందని పేర్కొన్నాడు. ఇది కూడా చందు మొండేటి దర్శకత్వంలోనే ఉండబోతుంది. డా. కార్తీకేయ న్యూ అడ్వెంచర్ సూన్ అంటూ ట్వీట్ చేశాడు. అయితే ఈ సినిమా ఎప్పుడు స్టార్ అవ్వబోతుందో చెప్పలేదు. ప్రస్తుతం చందు మొండేటి.. తండేల్ మూవీని తెరకెక్కిస్తున్నాడు. నాగ చైతన్య, సాయి పల్లవి హీరో హీరోయిన్లుగా నటిస్తున్న సంగతి విదితమే. ఇప్పటికే విడుదలైన టీజర్ నెట్టింట్లో దుమ్ము రేపుతోంది. ఈ సినిమా తర్వాతే.. చందు మొండేటి కార్తీకేయ 3ని తెరకెక్కించబోతున్నట్లు తెలుస్తోంది. ఇటు నిఖిల్ కూడా రెండు చిత్రాలతో బిజీగా ఉన్నాడు.

స్వయంభు, ద ఇండియా హౌస్ అనే చిత్రాలను షురూ చేశాడు. స్వయంభులో సంయుక్త మీనన్ హీరోయిన్ గా నటిస్తోంది. భారీ బడ్జెట్ చిత్రంగా రూపొందుతున్న ఈ సినిమా షూటింగ్ స్టార్ట్ అయ్యింది. రాగూర్ మధు సమర్పణలో భువన్, శ్రీకర్ ఈ చిత్రాన్ని నిర్మిస్తున్నారు.  భరత్ కృష్ణమాచారి దర్శకత్వం వహిస్తున్నాడు. ఇక ఇండియా హౌస్ జోహార్ ఫేం రామ్ వంశీ కృష్ణ దర్శకుడు. కార్తీకేయ 2కు నిర్మించిన అభిషేక్ అగర్వాల్.. ఈ చిత్రాన్ని కూడా రూపొందిస్తున్నాడు. ఈ సినిమాకు సంబంధించిన బిగ్ అప్ డేట్ లేదు. ఈ రెండు చిత్రాల తర్వాతే.. చందు మొండేటి డైరెక్షన్లలో కార్తీకేయ 3 చేయబోతున్నాడు నిఖిల్.

Dr. Karthikeya In Search of a Brand new Adventure … Soon🔥 @chandoomondeti #Karthikeya3 #Karthikeya2 #cinema #adventure pic.twitter.com/xoNeD3F2KI

— Nikhil Siddhartha (@actor_Nikhil) March 16, 2024