ట్విస్ట్ ఇవ్వబోతున్న విజయ్ ‘మాస్టర్’

అధికారికంగా ఇంకా ప్రకటించాల్సి ఉంది. దీనికి కొన్ని కారణాలు కనిపిస్తున్నాయి. ఒకవేళ జనవరిలో హాళ్లు తెరిచినా ప్రభుత్వ నిబంధనల మేరకు సగం కెపాసిటీతో విజయ్ లాంటి స్టార్ హీరోల సినిమాలు వదిలితే రెవిన్యూ పరంగా చాలా డ్యామేజ్ జరుగుతుంది. అందులోనూ దీని మీద సుమారు 200 కోట్ల రూపాయల దాకా బిజినెస్ ఆశిస్తున్నారు. ఓవర్సీస్ లోనూ పరిస్థితి ఇంకా కుదుటపడలేదు కాబట్టి ఇలా సగం సగం థియేటర్లలో మాస్టర్ కనక వస్తే నష్టం ఖాయమని అర్థమయ్యిందట. అందుకే ఈ గొడవేది లేకుండా ఏప్రిల్ నుంచి జులై మధ్యలో ఈ సినిమాను ప్లాన్ చేస్తున్నట్టుగా వినికిడి. అప్పటికంతా అంతా సద్దుమణిగి పూర్తి కెపాసిటీతో అనుమతులు వస్తాయి కాబట్టి ఎలాంటి టెన్షన్ ఉండదని వాళ్ళ ఆలోచన. విజయ్ సేతుపతి విలన్ గా నటించడం, అనిరుద్ సంగీతం అందించడం మాస్టర్ అంచనాలను ఎక్కడికో తీసుకెళ్లాయి. 

విజయ్ డ్యూయల్ రోల్ చేశాడని కూడా ప్రచారం ఉంది. ఒకవేళ ఇక్కడ చెప్పినట్టు జరిగితే టాలీవుడ్ లో మాస్టర్ కు గట్టి పోటీ నే ఎదురవుతుంది. ఆర్ఆర్ఆర్ వచ్చే ఛాన్స్  తక్కువేగా కానీ ఆచార్య, పుష్ప, ఫైటర్ ఇలా లిస్టు పెద్దదే ఉంది. అయినా దాన్ని పరిగణించే పరిస్థితిలో వాళ్ళు లేరు. ఇక్కడ ఆడినా ఆడకపోయినా తమిళ మరియు ఓవర్ సీస్ మార్కెట్ ముఖ్యం కాబట్టి మాస్టర్ వేసవిని లాక్ చేసుకోవడం ఖాయమే. ఓటిటిలో రావొచ్చని వంద కోట్ల దాకా డీల్ వచ్చిందని పలుమార్లు వార్తలు వచ్చినప్పటికీ నిర్మాతలు తీవ్రంగా ఖండించారు. ఈ లెక్కన మాస్టర్ కోసం ఫ్యాన్స్ ఇంకొంత ఎక్కువ కాలం వేచి చూడక తప్పేలా లేదు