Idream media
Idream media
అంతర్జాతీయ క్రికెట్లో వంద సెంచరీల వీరుడు,భారత లెజెండ్ క్రికెటర్ సచిన్ టెండూల్కర్ ఇవాళ తన 47వ పుట్టినరోజు జరుపుకుంటున్నాడు. సుదీర్ఘంగా 24 ఏళ్ల పాటు క్రికెట్ కెరీర్ కొనసాగించిన సచిన్ టెండూల్కర్ ఎన్నో చిరస్మరణీయమైన ఇన్నింగ్స్లు ఆడాడు.16 ఏళ్లకే సచిన్ భారత జట్టులో స్థానం సంపాదించి పాకిస్థాన్ మీద అరంగేట్రం చేశారు.
కరోనా వైరస్ నేపద్యంలో ఈ రోజు తన పుట్టిన రోజు వేడుకలకు దూరంగా ఉండి ఇంట్లోనే గడుపుతున్నాడు.కరోనా మహమ్మారిపై యుద్ధం చేస్తున్న వారి గౌరవార్థం ఈ ఏడాది తన జన్మదిన వేడుకలను రద్దు చేసుకుంటున్నట్టు సచిన్ ప్రకటించిన సంగతి తెలిసిందే.అయితే సచిన్ జన్మదిన సందర్భంగా తన సుదీర్ఘ క్రికెట్ ప్రయాణంలో సాధించిన కొన్ని రికార్డులను మరోసారి జ్ఞాపకం చేసుకుందాం.
2012 మార్చ్ 18 న వన్డేలకు రిటైర్మెంట్ ప్రకటించిన బ్యాటింగ్ దిగ్గజం సచిన్, 2013 అక్టోబర్లో టీ20ల నుంచి, 2013 నవంబర్ 16న టెస్ట్ క్రికెట్ నుంచి వైదొలిగి అన్ని ఫార్మాట్ల క్రికెట్కు వీడ్కోలు పలికారు.
