భద్రాచలం కొండా.. సీతమ్మవారి అండా… కావాలానీకండాదండా…..ఏకాంబరం ,కనకాంబరం

🎶🎶🎶భద్రాచలం కొండా.. సీతమ్మవారి అండా… కావాలానీకండాదండా…..🎶🎶🎶

ఏకాంబరం : కండాదండా ఎందుక్కానీ కలాకండ ఉంటే పట్రా. తిందాం.

కనకాంబరం : నీకు మరీ ఏలాకోలం బావా. అది మా బాసు పాట తెలుసా?

ఏకాంబరం : నీ స్టీలుకొట్టు ఓనరుకి ఏలంపాట కాకుండా ఈపాటలు కూడా ఉన్నాయేట్రా..

కనకాంబరం : అది కాదెహే.. మా బాసు చిరంజీవి పాట. గాంగ్లీడర్లోది.

ఏకాంబరం : అదిప్పుడెందుగ్గుర్తొచ్చిందంటా??

కనకాంబరం : నిన్న టీవీ సూళ్ళేదా??

ఏకాంబరం : ఏ పార్టీ టీవీ? ఓడినోడిదా గెలిచినోడిదా?

కనకాంబరం : లైవిచ్చినోడిది. నిన్న సరిలేరునీకెవ్వరు ఈవెంట్ జరిగింది కదా.

ఏకాంబరం : అది మయేస్‌బాబు బొమ్మ కదా. సినిమా కొంపదీసి గాంగ్లీడరుకి రీమేకా??

కనకాంబరం : బొత్తిగా జనరల్ నాలెడ్జి లేకుండా పోతందిరా బాబూ.. అనిల్‌ రావిపూడెప్పుడైనా రీమేకులు చేసాడా?

ఏకాంబరం : అబ్బా… మరి కొత్త స్టోరీలతో ఏమైనా చేసాడా పోనీ?

కనకాంబరం : యెహే ఉండు బావా.. నిన్న పోగ్రాంకి మా బాసు చిరంజీవొత్తేనీ…

ఏకాంబరం : ఒత్తే ఒచ్చేడులే. దానికంత ఇదెందుకు.

కనకాంబరం : ఓరి బాబూ ఇందులో విజయశాంతి మళ్ళీ మొకానికి రంగేసుకుంది. కమ్ బ్యాక్ సినిమా. ఎంత హడావిడో తెలుసా…

ఏకాంబరం : ఆపెయ్… సంగీత కూడా ఇదే సినిమాతో మళ్ళీ రంగేసుకుంది. ఆవిడేమైనా అరుస్తుందా?

కనకాంబరం : నీతో ఇదే వచ్చిందిరా బాబూ.. అరిటాకూ కరేపాకూ రెండూ ఆకులే అంటావ్.

ఏకాంబరం : రెండూ ఆకులు కాపోతే ఒకటేమైనా పేపరు ప్లేటా?

కనకాంబరం : అది కాదు బావా. విజయశాంతి యాక్సనూ.. మహేషు బాబు బొమ్మా.. దానికి చిరంజీవి ఛీఫ్ గెస్టూనూ…

ఏకాంబరం : అవునా.. చూసేవోళ్ళకి అలా అనిపించలేదురా. మహేషే పాపం గెస్టులా పక్కకి నుంచున్నట్టుందంట కదా.

కనకాంబరం : మా బాసొస్తే ఎవరైనా సైడైపోవాల్సిందేనమ్మా. బాసీజ్ బ్యాక్.

ఏకాంబరం : త్రీఇయర్స్ బ్యాకే మీ బాసీజ్ బ్యాకు. ఇపుడు గైటౌటాఫ్ మై మదర్ లాండ్!

కనకాంబరం : అది కాదురా.. అసలు స్పీచిస్తూ నిన్న బాసు మైకు పట్టుకుని, విజయశాంతినొక చేతితో పట్టుకుంటే..

ఏకాంబరం : జనం తలలు పట్టుకున్నారు. ఏంటా మాటలూ అని.

కనకాంబరం : బొత్తిగా ఇదానం లేకండా మాట్లాడత్నావ్ బావా. ఏ రోజైనా చిరంజీవి పధ్ధతి దాటి బిహేవ్ చేసేడా?

ఏకాంబరం : చేయలేదుగా. అందుకే జనం ఆశ్చర్యపోయారు. ఫిగరూ అందం.. అయ్యేం మాటలూ అని.

కనకాంబరం : అది సరదా బావా. ఇపుడు మన టెంత్ క్లాసులో నువ్వు ప్రెండ్సిప్ చేసిన కడలి మాదురి కనపడితే నువ్వు క్లోజుగా మాట్లాడవా?

ఏకాంబరం : ఆడను. అలా చిలిపిగా.. ఫిగరంటూ మాట్లాడితే.. మాటొచ్చేదా..

కనకాంబరం : ఆ ఒక్కటే పట్టుకుంటావేంటెహే.. ఎన్నో మంచి విషయాలు చెప్తేని. రాజకీయాలు శత్రుత్వాలూ, సినిమాలు మితృత్వాలూ అని చెప్పేడా లేదా?

ఏకాంబరం : ఆ అవును సినిమా మితృత్వాలు గురించి మొన్న రాస్సేకరు చెప్పేడు కదా.

కనకాంబరం : ఒక ఫీల్డన్నాక గొడవలుండవా బావా.. నువ్ మరీనీ..

ఏకాంబరం : నీకు సినిమావోళ్ళేం చేసినా గొప్పే..

కనకాంబరం : ఆళ్ళేం చేసినా నీకు లోకువే.. జనాల్ని పేమించరా బాబూ..

ఏకాంబరం : సరే కానీ.. మరీ చిరంజీవీ విజయశాంతి ఇన్ని రోజులూ కలుసుకోకుండా ఫోనుల్లో కూడా మాట్లాడకోకుండా ఉన్నారంటావా..

కనకాంబరం : డైరెట్రు చూసినపుడు ఆ.ఆనందం వేరు కదా బావా.. అయినా మా బాసింకాసేపు మాట్లాడుండాల్సింది.

ఏకాంబరం : మిగతా జనాన్ని కూడా మాట్లాడనిచ్చి ఉండాల్సింది..చిరంజీవీ విజయశాంతి గెట్‌గెదర్ కోసం.. సరిలేరు నీకెవ్వరూ సినిమా తీసినట్టుంది ఈ దిల్రాజు.

కనకాంబరం : దిల్రాజు తెలివైనోడు బావో.. చిరంజీవిని తెచ్చి సినిమాకి బజ్జెలా తెచ్చాడో.. వ్యాపార కిటుకులివి. చూసావా?

ఏకాంబరం : హా చూసా… మొన్న ఇద్దరిలోకం ఒకటే కూడా చూసాలే.

కనకాంబరం : ఇపుడదెందుకుబా.. బొమ్మ చీదేసింది కదా…

ఏకాంబరం : అంటే.. అది కూడా చాలా ఏళ్ళకి తిరిగి కలుసుకునే ఫ్రెండ్స్ కధ కదా. దీనికేమైనా లింకుందేమో అని.

కనకాంబరం : నమస్కారం బావో.. ఎక్కడి నుండి ఎక్కడకి కలిపి ఏకుతావురా బాబూ..

ఏకాంబరం : ఏదేమైనా సుమ లాంటి యాంకర్‌నే పదిహేను నిమిషాల పాటు మాట్లాడనివ్వకుండా నుంచోపెట్టాడంటే.. చిరంజీవి సూపర్రా..

కనకాంబరం : మరేమనుకున్నావ్ బాసంటే గౌరవం. ఆళ్ళేం మాట్లాడుకున్నారు, అలా మాట్లాడేంటీ, అయ్యేం మాటలూ లాంటియి పక్కనెట్టి రైస్మిల్లు రాజుగారికి చెప్పి సినిమాకి టికెట్లు తెప్పించెహే…

ఏకాంబరం : అలాగే.. ఇంతకీ ఇది మహేష్‌బాబు సినిమాయే కదా..

కనకాంబరం : నువ్వు మారవురా…

🎶🎶సండే అననురా మండే అననురా.. అస్సలు మారనురా….🎶🎶🎶