పాకిస్థానీలకు ఇచ్చి పడేసిన షమి.. ఎంత చెప్పినా మారరంటూ..!

వన్డే వరల్డ్ కప్-2023 ఫైనల్లో భారత్ ఓటమిని ప్లేయర్లు, ఫ్యాన్స్​తో పాటు సాధారణ ప్రేక్షకులు కూడా జీర్ణించుకోలేకపోతున్నారు. వరుస విజయాలతో జోష్​లో ఉన్న జట్టు.. కప్పుపై ఆశలు పెంచి ఆఖరి మెట్టు మీద బోల్తా పడటాన్ని తట్టుకోలేకపోతున్నారు. లీగ్ స్టేజ్​ నుంచి ఫైనల్ వరకు అన్ని టీమ్స్​ను చిత్తుగా ఓడించిన రోహిత్ సేన.. చివరి మ్యాచ్​లో చేజేతులా ఓడటంతో బాధపడుతున్నారు. కనీసం పోరాడకుండా కప్పును ఆసీస్​ను అప్పగించేసిందని ఫీలవుతున్నారు. అయితే వరల్డ్ కప్ ఫైనల్​ ఓటమితో ఒక్కసారిగా భారత టీమ్​లో ఎన్నో లోపాలు కనిపిస్తున్నాయి. జట్టులో ఒక్క లెఫ్టార్మ్ సీమర్ కూడా లేకపోవడం వీక్​నెస్​గా మారింది.

టీమిండియాలో బౌలింగ్​లోనే కాదు బ్యాటింగ్​లోనూ ఎడమచేతి వాటం ప్లేయర్లు లేరు. రవీంద్ర జడేజా రూపంలో ఒక ఆల్​రౌండర్ ఉన్నా అతడు లోయరార్డర్​తో కలసి బ్యాటింగ్​ చేస్తాడు. టాప్, మిడిలార్డర్​లో ఒక లెఫ్టాండర్ ఉంటే లెఫ్ట్, రైట్ కాంబినేషన్ ఉంటే ప్రత్యర్థి టీమ్ బౌలర్లను ఎదుర్కోవడం కాస్త ఈజీ అయ్యేది. టీమ్​లో పేస్ ఆల్​రౌండర్లు, పార్ట్ టైమ్ స్పిన్నర్లు లేకపోవడం మైనస్​గా మారింది. హార్దిక్ పాండ్యాకు సరైన రీప్లేస్​మెంట్​ లేకపోవడం ఫైనల్లో భారత్​ను దెబ్బతీసింది. అలాగే నాలుగైదు ఓవర్లు వేసే పార్ట్ టైమర్లు లేకపోవడం జట్టుకు ప్రతికూలంగా మారింది. అయితే ఈ వరల్డ్ కప్​లో ఎన్నో పాజిటివ్ అంశాలు కూడా ఉన్నాయి. శుబ్​మన్ గిల్ మంచి బ్యాటింగ్​తో ఫ్యూచర్​పై భరోసా ఇచ్చాడు.

శ్రేయస్ అయ్యర్ ఫైనల్లో ఫెయిలైనా మిగతా మ్యాచుల్లో అద్భుతంగా బ్యాటింగ్ చేశాడు. కేఎల్ రాహుల్ కూడా తన బ్యాటింగ్, కీపింగ్ స్కిల్స్​తో టీమ్ విజయాల్లో కీలక పాత్ర పోషించాడు. అందరికంటే ఎక్కువగా మెచ్చుకోవాల్సింది వెటరన్ పేసర్ మహ్మద్ షమి బౌలింగ్​నే. మొదటి మూడు మ్యాచుల్లో అతడికి చోటు దక్కలేదు. కానీ గాయపడిన పాండ్యా ప్లేసులో వచ్చిన షమి చెలరేగి బౌలింగ్ చేశాడు. మెగా టోర్నీ మొత్తంలో కలిపి ఏకంగా 24 వికెట్లు తీసుకున్నాడు. షమి బౌలింగ్​లో ఆడాలంటే ప్రత్యర్థి బ్యాట్స్​మెన్ భయపడ్డారు. అతడి రివర్స్ స్వింగ్, సీమింగ్ డెలివరీస్​ను ఫేస్ చేయడం ఎవరి వల్లా కాలేదు.

ఆ టీమ్, ఈ టీమ్ అని లేదు.. అన్ని జట్ల బ్యాటర్లను షమి పోయించాడు. అపోజిషన్ టీమ్ బౌలర్లు స్వింగ్ రాబట్టేందుకు ఇబ్బంది పడిన చోట.. షమి వచ్చి రివర్స్ స్వింగ్, సీమ్​ బంతులు వేస్తూ బ్యాటర్లను హడలెత్తించాడు. దీంతో కొందరు పాకిస్థాన్ సీనియర్లు అతడ్ని టార్గెట్ చేసుకున్నారు. షమి తన జేబులో ఇంకో బాల్ వేసుకొని వస్తున్నాడని.. మ్యాచ్​లో దాన్ని తీసి అసలైన బాల్​ను దాచేస్తున్నాడంటూ అర్థం పర్థం లేని కామెంట్లు చేశారు. వాళ్లకు పాక్ లెజెండ్ వసీం అక్రమ్ గట్టిగా సమాధానం చెప్పినా వినలేదు.

పాకిస్థాన్ విమర్శలపై ఇప్పటికే ఒకసారి స్పందించిన షమి.. మరోసారి ఈ విషయంపై రియాక్ట్ అయ్యాడు. తనను విమర్శిస్తున్న వారికి స్ట్రాంగ్ కౌంటర్ ఇచ్చాడు. వాళ్లు ఎంత చెప్పినా మారరంటూ సీరియస్ అయ్యాడు. ‘నేను మొదట 5 వికెట్లు తీశా. ఆ తర్వాత నాలుగు, మళ్లీ ఐదు వికెట్లు పడగొట్టా. దీంతో కొందరు పాక్ మాజీలు జీర్ణించుకోలేకపోయారు. మేం డిఫరెంట్ బాల్స్​ వాడుతున్నామని విమర్శించేందుకు వాళ్లు ప్రయత్నించారు. వసీం భాయ్ దీని గురించి వివరించారు. అలాంటి వాళ్లను చూస్తే నాకు నవ్వొస్తోంది’ అని షమి చెప్పుకొచ్చాడు. మరి.. పాక్​ విమర్శలకు షమి ఇచ్చిన రిప్లయ్​పై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: తొలి టీ-20 ముందు ఆటగాళ్లకు సూర్య వార్నింగ్! కెప్టెన్ అయ్యేసరికి..!

Mohammed Shami gave a hard reply to Pakistan. 🔥 https://t.co/IYOCJ9tuOh

— Mufaddal Vohra (@mufaddal_vohra) November 22, 2023