Nidhan
ముంబై ఇండియన్స్ కొత్త కెప్టెన్ హార్దిక్ పాండ్యా వల్ల సొంత జట్టుతో పాటు మరో రెండు ఫ్రాంచైజీలు కూడా ఇబ్బంది పడుతున్నాయి. ఆ టీమ్స్ను బ్యాడ్ లక్ వదలడం లేదు.
ముంబై ఇండియన్స్ కొత్త కెప్టెన్ హార్దిక్ పాండ్యా వల్ల సొంత జట్టుతో పాటు మరో రెండు ఫ్రాంచైజీలు కూడా ఇబ్బంది పడుతున్నాయి. ఆ టీమ్స్ను బ్యాడ్ లక్ వదలడం లేదు.
Nidhan
ముంబై ఇండియన్స్.. ఈ పేరు చెబితేనే ఐపీఎల్ ఫ్రాంచైజీలన్నీ భయపడతాయి. ఒకటి కాదు, రెండు కాదు.. ఏకంగా 5 సార్లు క్యాష్ రిచ్ లీగ్లో ఛాంపియన్స్గా నిలిచిన టీమ్ ఇది. ముంబై ప్లేఆఫ్స్కు వెళ్తే ఇతర జట్లు కప్పు మీద ఆశలు వదిలేసుకుంటాయి. ఎందుకంటే ఓటమి కోరల్లో నుంచి కూడా గెలవడం ఎలాగో తెలిసిన టీమ్ అది, ప్రెజర్ సిచ్యువేషన్స్ను తట్టుకొని నిలబడటం నేర్చుకున్న జట్టు. ఇంత ఘన చరిత్ర ఉన్న ఎంఐ ఈసారి కూడా ఫేవరెట్స్గానే బరిలోకి దిగింది. కానీ అనూహ్యంగా వరుస ఓటములతో ప్లేఆఫ్స్ రేసు నుంచి అధికారికంగా నిష్క్రమించింది. ఏదైనా మ్యాజిక్ జరిగితే తప్ప ముంబై ప్లేఆఫ్స్కు వెళ్లడం దాదాపుగా అసాధ్యమే. ఆ టీమ్ ఫెయిల్యూర్కు ఆటగాళ్లందరి కంటే కూడా కెప్టెన్ హార్దిక్ పాండ్యానే మెయిన్ రీజన్ అని చెప్పాలి. అయితే ఎంఐనే కాదు.. మరో రెండు ఫ్రాంచైజీలనూ ముంచేశాడు పాండ్యా.
ఈ సీజన్లో బ్యాటర్గా, బౌలర్గా ఫెయిలైన హార్దిక్.. కెప్టెన్గానూ అట్టర్ ఫ్లాప్ అయ్యాడు. అతడి చెత్త డిసిషన్స్ ముంబై ఓటమికి కారణాలుగా మారాయి. ఎంఐతో పాటు మరో రెండు జట్లు మునగడానికి కూడా అతడే రీజన్. కాగా, రోహిత్ శర్మకు వయసు మీద పడుతుండటం, వన్డే వరల్డ్ కప్-2023ను భారత్కు అందించడంలో అతడు ఫెయిలవడం, గత కొన్ని సీజన్లుగా ఐపీఎల్లో ఎంఐ వైఫల్యం, సారథిగా, ఆటగాడిగానూ హిట్మ్యాన్ ఆకట్టుకోకపోవడంతో ఈ సీజన్కు అతడ్ని కెప్టెన్సీ నుంచి తొలగించింది ముంబై. రోహిత్ ప్లేస్లో ఏరికోరి హార్దిక్ పాండ్యాను తెచ్చుకుంది. గుజరాత్ టైటాన్స్కు కెప్టెన్గా ఉన్నోడ్ని తీసుకొని తమ ఫ్రాంచైజీకి సారథిగా చేసింది ఎంఐ మేనేజ్మెంట్. హార్దిక్ కోసం స్టార్ ఆల్రౌండర్ కామెరాన్ గ్రీన్ను వదులకుంది. అతడ్ని ఆర్సీబీకి ఇచ్చేసింది. తద్వారా వచ్చిన డబ్బుల్ని గుజరాత్కు చెల్లించి పాండ్యాను సొంతం చేసుకుంది ముంబై. ఇలా పాండ్యా విషయంలో మూడు ఫ్రాంచైజీలు కీలకంగా వ్యవహరించాయి.
పాండ్యా ముంబైకి మారడంలో ఆర్సీబీ హెల్ప్ చేసింది. అతడు వెళ్లిపోతానంటే గుజరాత్ యాజమాన్యం అడ్డుకోలేదు. తద్వారా అతడి ట్రేడింగ్కు రూట్ క్లియర్ అయింది. అయితే ఈ మూడు ఫ్రాంచైజీలు ఇప్పుడు మునిగిపోయాయి. హార్దిక్ వస్తే రాత మారుతుందని అనుకున్న ఎంఐ.. ఐపీఎల్-2024 ప్లేఆఫ్స్ రేసు నుంచి టెక్నికల్గా తప్పుకుంది. ముంబై నుంచి గ్రీన్ను తెచ్చుకొని పాండ్యా ట్రేడింగ్కు కావాల్సిన మొత్తాన్ని సమకూర్చిన బెంగళూరు పాయింట్స్ టేబుల్లో కింది నుంచి ఫస్ట్ ప్లేస్లో ఉంది. ఆ టీమ్ కూడా ప్లేఆఫ్స్ రేసులో లేదు. హార్దిక్ వెళ్తే ఆపకుండా వెళ్లిపొమ్మని చెప్పిన గుజరాత్ 10 మ్యాచుల్లో 4 విజయాలు, 6 ఓటములతో ఎనిమిదో స్థానంలో ఉంది. ఆ జట్టు ప్లేఆఫ్స్ ఆశలు మిణుకుమిణుకుమంటున్నాయి. దీంతో బ్యాడ్ లక్ అంటే ఈ టీమ్స్దేనని సోషల్ మీడియాలో నెటిజన్స్ కామెంట్స్ చేస్తున్నారు. పాండ్యా వల్ల మూడు జట్లు మునిగాయని చెబుతున్నారు.
View this post on Instagram
